zoppini

暱稱：火之女神
性別：女
國家：香港

最新日誌

•	應該同呢個人發展嗎~我...
•	暗戀一個人係點架呢？
•	秋生，我愛你呀~你真係...
•	傷心，我愛Ritz!
•	Ritz關門了，好傷心

日誌分類

•

全部 (70)

大家留個言
文章總數： 70 留言總數： 37 今日人氣： 3 累積人氣： 887
最近三個月尚無任何留言
最近三個月尚無任何留言
最近路過既人最近沒有訪客

站內搜尋

2007 年 9 月 25 日星期二

戀上你的床之<秋你--那人要結婚篇>

自感冒後個人成日都見暈，有點懷疑自己是否有絕症就死得果種。如果話我知聽日我會死的話，我今日只會做兩樣野，一就梗係食啦，二就係劈酒劈到時間到。

因為我一直都認為，飲到‘林’左去訓覺果一刻真係有D同死既感覺差唔多（但我又點知死係點呢，咪又係廢話！）

又如果問我，有乜野會令我想去死既，呢個就真係要想一下。以前就會話：無左老豆咪想死囉！

結果，我咪又係未去死！

而依家呢... ...唔知，因為我覺得現在既我同個死人都無乜分別。

又唔知自己想係度講乜，sorry~

一個sms的內容：‘沒想過要聯絡你，今天得知你將要結婚，我只好苦笑地說聲：恭喜你。如果還記得我。你不是說過會孤獨終老嗎？你對過我的絕情，畢生難忘，我以為我知道後會沒事，但原來一直都把你電話留著，我知係時間要delete。哭，係因為我唔明。’

正當我以為，今日只會好平靜咁過，點知~.....

Emily online同我講果個賤人，五年前既衰人要結婚了。我以為我會冇野但我又忍唔住喊左出黎，同三年前一樣，Emily同我講佢有新女朋友，我又係喊到收唔到聲。

Emily話我地畢竟真心過，佢唔算玩我，但我依家想真點，佢有無真心我唔Q知，我只係知道，

佢點樣絕情對過我我呢一世都唔會唔記得，即使我第日既老公，我會話比佢知，原來男人可以絕到咁既地步。我話我會祝佢。

祝佢老尾呀！

P.s. 張相好似大得滯等同我對佢既愛一樣！

係wo,今日中秋節，想upload‘秋甜’上黎，但由於cheap精既我冇比錢升vip，所以冇咁既功能，咁可以睇下啦！

秋甜

作曲作詞主唱都係秋生，因為佢係係秋天出世所以佢呀媽改左佢叫‘秋生’（咁我咪叫夏生？）

今天歡慶中秋節　悠然念記往日甜

憶起當天初相見　頓然便覺兩情牽

自信跟她編寫的故事　彷似永遠難遇片斷

輕輕的一吻　溫馨的擁抱　但願熱情未變

燭光燈影中秋節　默然共對訣別前

心中真摯祝福你　二人熱吻眼淚邊

自信跟她一起的快樂　可以永遠留下信念

悲傷的一笑　將心交給你　但願回來未變

終於等到中秋節　回來共對也無言

收起相思的花串　茫然淚已到唇邊

是否每個說愛的故事　都會永遠留下片斷 ( 信念 )

千千燈影裡　低聲輕輕說　但願熱情未變

每年秋天就係咁樣，一定會好大陣，‘空虛’既味道。我好愛秋天，但又好恨呢種感覺。而每一次我有呢種想法既時候，我知我只會又做兩件事：

獨自飲酒同fun機，以前都fun爆過好幾個喇叭，結果都係換黎兩件事：

比人投訴好嘈同要買過個喇叭~

依家仲用埋個DFX，唔知會唔會易壞D呢？今晚我又黎料。

點解唔尋日同我講D咁既事呢，我聽日仲要返工。

無野好講

P.S.康太台灣團車禍，好在無人死~個領隊邊個呢？

刊登時間：2007-09-25 09:40 PM [ 訪客留言(1) ] [ 編輯日誌 ] [ 分享至FACEBOOK ]

2007 年 9 月 24 日星期一

病死左~

頂左三日，病死人了，真的好辛苦，那晚凌晨入左急症室，胃抽筋左兩個鐘兼嘔死左。

做人又真係化學呢！可能唔係成日病既我，一病就真係頂唔順。

返工既日子，唔難過又唔係太投入，不過我會好好去做。

明明果條八婆成個韓國女既衰相卻死話自己不是韓國人，但我100%佢有其血統。但有人說："你理得人地wo,人地話唔係就唔係啦！"

我偏唔信，佢廣東話又唔正，又韓式英文，扮咩姐！唔係韓國人都一定有關連！我一定會查出，因為我對她說：（想試探佢）哦，唔好意思，我以為你真的是韓國人呀，因為人事部跟我說有韓藉人既同事我以為是你呀，因為你很像！

然後佢苦笑之後就轉左話題！我其實想果陣用韓文問佢邊度人架！但因為場合太多人我無咁做到~hehe,我下次會再找出佢身世！唔係對佢好奇，而係點解佢係但又唔肯認，定莫非知道韓藉個朵臭呢！比我係face book搵到佢，我實post比Jennifer睇！

P.S.題外話，又打探到一些事關於.....但不方便在此說，想知？留言比我啦！

終於又再次體驗到那種感覺，但有些事你不可改變，因為你出生於什麼，便是什麼的。

好憎果D有事就搵你，無事呢，叫都唔Q應既人。又或者好唔尊重別人既人。

but....我可能有時都係咁，又點可以有資格去話人呢！

我Halloween已請左假，但似乎....雅典娜都未能出黎，而且佢近排好似傻左，一係又話想自殺，一係又話過日本讀書，一係又話同老公嘈左兩句，一係又話唔想講野怕喊左出黎，一係又要對酒，無晒付。

唔知佢做乜，不過我知佢應該會好快無事，因為佢同佢老公嘈親都係小事，想得太多吧！

刊登時間：2007-09-24 03:35 PM [ 訪客留言(0) ] [ 編輯日誌 ] [ 分享至FACEBOOK ]

2007 年 9 月 19 日星期三

無謂既人生~

都唔知點解改個咁既標題，同個內容無乜關係。

今日見到一個唔係太好印象既人，都唔知又她做乜死返黎香港，不過佢既際遇都算坎坷。首先佢係韓國做既第一間無良人蔘店裁員裁走左佢；然之後又返返香港無野做又回韓國做part time，間野做耐左佢變左full time之後間公司又被人拉走左好多生意搞到摺埋咁滯，可能因為佢個人衰吧，佢連我同佢唔熟都可以惹過我，可想然之好極有限啦~

刊登時間：2007-09-19 03:38 PM [ 訪客留言(0) ] [ 編輯日誌 ] [ 分享至FACEBOOK ]

2007 年 9 月 12 日星期三

點都唔係好明既呢~

呢幾日都好無聊，咁就不斷上網睇下野。其實點解有些人個blog可以被瀏覽幾萬次，乜原來依家D人真係會咁用心去睇人地個blog架咩~我成日認為唔係太熟既話，睇兩句已經唔想睇，再加上有一些人個blog因為upload太多野又會load得好慢架~

咁我已經會close左佢了

一早又被出面嘈醒左，而家唔知點解好精神，又諗番西級假期就好嬲~唉，唔鬧喇，沒有氣了。

明天開始就會少一點見到我既出現，有一些人時出現時消失既就更加難見到我。其實講開又有一點不滿果個十先生，成日自己得閒就叫下你咁，好喇，人地真係有野想講想問佢呢，又粒聲唔出閃左人，邊有咁衰既人架~佢如果再send野黎我都會學番佢呢一咁高既招！

呀OMI姐無啦啦又出現，嚇死我了。

咁唔知年尾我又點算呢？以為識好多人既我，原來到到危急關頭，咪又係要自己搞掂囉~所以話真係唔係唔想信人，而係無值得可信既人。

等一會再說一下另一個話題：yahXX‘有原人’.....待續

我都係有原人個會員，停左一排又上番，其實有D介紹真係好好笑~咁當中我都有search過女仔，即係同我差唔多年紀既女仔啦。嘩，原來好多都好靚個wo,邊個話‘港女’唔掂呀（當然唔知佢地有部份是否made by china啦，因為聽講有D想識港男而訛稱為港女），有D真係幾靚女個wo,而有部份港男D相個姿態真係好似同你講緊野咁，哈哈~

最過癮，我居然見到幾個我識既人，有劉公子呀，十先生同其他都唔記得邊度識既人。

我玩左咁耐，可以係我個msn list度而仲有傾計既都係一兩個，因為....有時話不投機吧~到現時為止包括我n年前icq果堆，而家仲有聯絡既真係一個都無，反而想見番一個叫Johnnathan既德國港男，不過佢返左去德國之後又係影都無埋。

咁我真係好想知一樣野，真係可以keep住有時唔好話見，聯絡傾到心事既你地仲有幾多個呢？男仔可能會keep女仔既應該多D（因為我識既男仔通常話keep都only係水果咋，唔岩咀型都會keep住,我D friend話唔傾得都睇得，咁都得？？）拿，可能你會話，超，你識果D friend係咁架咋~~但唔好意思，我真係聽既都大概會咁講，又或者：咁個contact list長D麻（去死啦！）

因為我有個習慣，亦都係癖好，就係好鐘意丟野（我去韓國之前丟左好多我唔應該丟既野，係好多好多，而韓國番黎掉得仲多，而家好後悔。平時我掉既野，通常within兩日我就發現係要架或者係好重要既野，我一概都鐘意丟，差在身份証無tum到）

所以既然有咁既癖好，我亦好鐘意......刪name list，所以我msn好多名無左.....hehe

刊登時間：2007-09-12 09:07 AM [ 訪客留言(0) ] [ 編輯日誌 ] [ 分享至FACEBOOK ]

2007 年 9 月 11 日星期二

[ 此日誌受密碼保護 ]

刊登時間：2007-09-11 12:39 AM

2007 年 9 月 9 日星期日

唔知做乜突然又再次迷上他，回想十年前的迷戀.....不要笑我呀~

其實癲狗日報果陣都已經好喜歡他，都有十年前既事了，迷得最痴狂真係中四和中五果陣時。仲係佢做‘香蕉俱樂部’時在電台門口等佢呢！當時仲有商台搞live，秋生都有做嘉賓架,我有去睇，仲記得佢果日係唱......好似叫‘今天多麼高興’咁上下個名。

那陣子又買碟又寄相比佢簽名想回來都想笑自己。佢有些歌真的聽完會心微笑。（唔計果首花柳歌啦，呢首第一次聽第一句就差點口水都噴出黎)haha

佢的確的好有才華既一個人，撇開佢果D負面新聞（由我愛上秋生，我都聽唔少了，不過對我沒多大影響），再睇左志雲飯局，佢好真亦好直言，又知多左佢既野，好滿足。

only見過一次，如果比我能夠再見到佢就好喇！

P.S.如過路人有關秋生佢既消息可留言比我呢！感激感激！（沒有什麼，有個簽名都好）

P.S.搵番N年前很愛的歌，多謝雅典娜提供呢！

刊登時間：2007-09-09 05:04 PM [ 訪客留言(0) ] [ 編輯日誌 ] [ 分享至FACEBOOK ]

2007 年 9 月 7 日星期五

[ 此日誌受密碼保護 ]

刊登時間：2007-09-07 08:43 PM

2007 年 8 月 22 日星期三

布吉團回來，有感而發~~

帶完呢團，其實錢就無乜太多搵，但真係開心。因為有總擺脫既感覺。

可能呢幾團都無乜大問題，而我好似對自己了解多左。亦証明左自己懶左好多。

金記拖到25號先返，但自己個心又係度等緊鐵記，都唔知應該點取捨。

刊登時間：2007-08-22 04:20 PM [ 訪客留言(0) ] [ 編輯日誌 ] [ 分享至FACEBOOK ]

2007 年 8 月 13 日星期一

嚇死我，本身又比團台灣我

嘩，係law今日我生日wo,不過滿腦子都係出團既野。亞B姐本身比團TPS04-SPC，我想推佢架，點知三小時後單左男，變左超豪華布吉呢！好呀。

真係邪，我係炸顛執到既台灣form同泰國form,咁岩又會完全用得著呢！

唔知鐵行果邊會唔會有消息呢，明天會知，始終覺得金記怪怪地咁，最主要套制服好嘔心，騎牛搵馬啦，無辨法。

岩岩我又小九的士司機了，脾氣其實點先可以收歛一些呢？有無人教下我呀~~

刊登時間：2007-08-13 08:45 PM [ 訪客留言(0) ] [ 編輯日誌 ] [ 分享至FACEBOOK ]

2007 年 8 月 11 日星期六

好耐無出現了，本身想刪除左呢個blog,但又唔捨得

TTT04-DLX返黎，其實都幾開心呢，因為真係順順利利，又見番好多以前識落既同事，其實帶團都幾頻頻撲撲，好累，但有時真的會心微笑。

我其實帶完呢團回來，真的更清楚自己改變了很多，而康太都一樣，唔知呢，真係好似有點陌生的感覺。自問我對呢間公司一直都好有感情的，有點像曾經分手的情人一樣，畢竟已離開，想破鏡重圓的確是難事。

那天見到大成，有種.....心很難過，因為我認為佢會不知怎的去猜度我，或者係我自己想歪罷，但的確我應承了別人的事，食言只會有報應。

如果我依然是康仔既一份子，

如果我沒跑去那麼可恨的韓國，

如果......可能我現在會快樂得多。

我明白，那個決定是自己做的，所有都要自己承受，俗點說 ‘law黎賤’我深深體會到當不是別人說而是自我痛罵來得更侮辱。

但令我感到恩惠的是，由於從前種下的人緣，見到面竟會緊張的問候我及提點我要小心某人時，我知道，呢一行其實好人被我碰上的真的不少。

只要抱住不去害人，不去線X人，不要過份得罪人，你會得到好多人的幫助及關心。

今天因為睡得不夠心火過盛，在拎料時忍不住串了某些人，我估我D脾氣開始又出返黎，不可以這樣呢！

離開炸顛，我一千個願意。

刊登時間：2007-08-11 07:05 PM [ 訪客留言(0) ] [ 編輯日誌 ] [ 分享至FACEBOOK ]

« | 1 | 2 | 3 | 4 | 5 | 6 | 7 | »