嗯∼＊

　　今日金ｓｉｒ要開會．．所以下星期先再約食飯！嗯．．就係咁同劉展佢地去大家樂食野．．食完野之後．．去左圖書館，佢地借完書唔等埋我就行左，我問佢地做乜唔等埋我，佢地話你會跟上黎架嘛，唉∼個陣都無乜心情話佢地啦．之後我諗住返屋企．．就同劉展講話唔去小二屋企睇碟啦，佢問我點解，我話你地唔等埋我囉，其實我都係講下笑姐．．咁個心係點都唔舒服呀嘛！之後佢．．唉∼∼廢時講啦！我真係估唔到佢講埋ｄ咁ｈｕｒｔ人既野！我唔知點解佢要咁講，個陣好想喊出黎∼不過算啦．．佢又唔知我唔開心．．加上．．都無必要要話比佢知啦！好痛苦，好無奈！

　　返到屋企無耐，麻麻同姑姐黎左！麻麻叫左我出黎傾爸爸既事！佢點都幫住佢個仔架啦，佢又講左十幾年前既事比我地知．．我發覺我屋企太多誤會．．唔單止．．佢地仲好識得保護自己同自己屋企人．每個人講既都係道理．．但係每個道理都唔會去人地個邊諗．．家姐已經唔想理呢件事啦！

　　麻麻係到講到眼淚流．．我同家姐就落左街去左ｍ記．．媽咪都突然請假返黎！問我劣咩事．．一提起麻麻咁話媽咪．．媽咪就走左啦．．家姐就唔想返去理佢地ｄ野．但係我係到諗．．佢地有兩把口．．媽咪得一把口．．驚串唔掂！咁我咪話返去囉．．去到樓下見到媽咪！媽咪打電話比阿叔，唉∼∼媽咪返到屋企同麻麻講．．係間房到嘈得好西利！！最後麻麻可能都知道爸爸衰！叫我地無論點佢都係我爸爸．．都要比面佢！我知．．今日食飯個陣媽咪叫我"北"湯比爸爸．．不過爸爸都唔要我”北”比佢！咁咪算囉！！我好記得家姐同佢講，佢話．．麻麻你咁想我地叫返佢爸爸，咁你又有無問下你個仔想唔想我地叫返佢先．．．唉！！麻麻無聲出．．．