精彩我表演∼＊

　　今日返學睇中三級ｄ人表演舞台劇，都唔算話太差既，起碼有得笑＾＿＾，下年就到我地ｌｕ∼講起下年，唉∼愈黎愈近升中三，雖然唔捨得一班同學，但同時我一樣期待新既一班！校長話，下年既分班我一定滿意，聽住先啦，都唔知係咪，我永遠都唔會支持校長咁樣既分班方式，有乜理由叻既就一班咁樣架！唉∼

　　今日見唔到佢，唔知係咪冇返學呢∼唔知佢－－’放左學之後同家姐去左食野，之後去左睇〔強戰世界〕都ｏｋ好睇架，我見到ｄ怪物係到消滅人類個陣，ｄ人不段咁走，有人更反常咁殺人，為左自己可以殺人，唉∼睇到想喊，呢個世界好可怕，原來一個人反常起黎係好可怕，記得上一集奇幻潮講到４個人，有３個女仔一個男仔，係一間鬼屋到，雖然ｄ藝人拍得好差，不過我就係到諗，如果我同一班朋友去到一間扈屋到，４個只能活一個，咁會點？如果一班同學，被迫玩大逃殺，咁我會點？嘩∼超變態呀，不過我就會係到等死，我睇詔大逃殺，都有人扮演我既諗法，結果都要比人偷襲，最後咪又係殺人！我唔知聽邊個講話如果真係要玩，佢話會係到等死！講就咁講姐，到時就唔係咁架啦，人係自私，呢個野個個都係，冇得否認！好可怕∼心入面真係好驚！

　　今日同媽咪去接阿熾，媽咪好似話唔做啦喎，都係一件開心既事，多ｄ陪我地，同埋可以煮飯！爸爸就不段增值，見到屋企個個都咁努力，有ｄ糗，點解自己今次考到咁？有時我都會諗，究竟點解自己睇到自己咁高？你究竟有冇能力睇到自己咁高，你係咪真係咁叻？我唔係！由我六年級開始我唔信有天才呢樣野，好多野都係努力得返黎！咁我自己有冇努力過，我有，但係唔係盡力，有進步既空間，我應該好好再努力！不過我真係好想知，我點先叫做盡力？一直以黎我都唔知咩叫盡力，因為我對自己要求好高，好似龍咁威咁，一係就唔威，一威就要龍咁威！當然誇張左少少啦！不過對自己要求高，呢樣真係，因為人地對我有要求所以我對自己更加有要求，今次失敗既地方係，我冇好好計劃！中三唔可以再係咁架啦！唉∼

　今日冇諗住打咁多日記，不過諗寺ｄ野就打晒落黎啦，－－’又長篇大論．．．．．