|
|
 。 2005 年 5 月 31 日 星期二 。 |
|
 一個夢∼＊  |
|
琴晚我發左個夢，唉∼點解我會發埋ｄ咁既夢架，夢裏面我見到佢，佢好耐都冇望過我，佢怕羞既性格都係冇變，一樣咁令我討厭，但同時一樣令我咁鍾意，好懷念佢以前傻下傻下咁同我講野，宜家佢識得收埋一ｄ野，人大個左，真係唔同ｄ，耶穌會話我地要學小朋友咁！前幾日我都領會到點解神要我地學佢地！我真係好後悔好後悔我以前做左一個咁既決定，對唔住，我真係錯過左你！今日有一班同我同我講，夢係同事現調轉，我嚇到傻左！呢個夢好深刻，對於我黎講唔知好唔好，但係我知我自己未放低佢，今日係走廊，比我撞到佢，佢高左好多，我仲見到佢轉左眼鏡，佢一樣係咁沉默，但係每次見到佢，心裏面有ｄ怕羞，以前呢個角色係屬於佢，人地話見到自己鍾意既人會好怕羞，以前我唔會，反而要更出眾。不過宜家唔同啦，我好想學識低調！唔知係咪因為咁，校長都話我斯文左，識得怕羞！一直以黎我都認為佢講錯，原來我真係識怕羞！因為見到佢！
今日中文老師同埋數學老師冇返，頭兩堂同埋尾４－３堂都唔使上，同ｄ同學係到傾計傾得幾開心，以前我對呢班期望太高啦，返而宜家我識得放手，比佢地自己黎，我感覺會好ｄ，原來有ｄ野唔應該太刻意去改變，順其自然會更好！二仁班你地要加油，希望同二望班打波個陣，你地可以學到好多野，唔知到你地會唔會贏，不過我好相信，你地唔會內控，因為你地大家都係好兄弟呀嘛，係你地講架！
今日阿君講，佢話阿亮頭先話ｄ工作紙好難做，就諗住唔做，之後汪志叫佢〔唔好咁啦，唔好放棄，我地就黎升中三啦〕聽完之後，心裏面難免有ｄ感觸，我知道其實佢地好想讀好ｄ書，但係搵唔到有咩好既讀書方法，有時太多引誘，又令到佢地唔想溫書，之前我都有諗過同佢地溫書架，不過我自己都搞唔掂，教錯人就唔好啦！不過唔緊要啦，仲有３個禮拜就考試啦，一個月都唔夠，我同阿ｍａｙ講我同佢溫書好唔好，佢話好呴，我都好想二仁班同學，齊齊升中三。阿ｍａｙ唔可以再留班架啦，會打擊自信心，希望佢自己都唔好放棄自己！睇下佢地意見如何，我會主動約佢地出黎溫書！
今日，有個同學問我有冇拍拖，我話冇，佢問我點解，我話天時地理人和唔岩掛！之後佢又問我數學作紙點做，我都好樂意咁答佢，岩岩肥肥教我既野，我都教佢，我同佢講話我前幾日冇返學所以唔識，佢話你咁乖都會唔返學？哈哈∼第一次有人話我乖，其實心裏面有另外一種諗法，以我個人認為，乖係ｋａｉ既女仔先會咁，可能自己變左，冇以前咁惡，所以個樣都善良左！－－’比人話我乖，都唔知好事定壞事！
今日放學，老如照舊討論緊佢同阿肥既小說，唉∼我都冇睇過佢地睇個ｄ小說，所以佢地既話題都唔岩我！搞到我好似好自閉咁，我唔鍾意佢地成日討論，以前既我可能會同老如講〔不好你地唔好討論小說啦〕因為我知道佢多數都會答〔係你自己唔睇之嘛〕答覆都唔係我想要既，我仲問黎做乜，琴日早上，我諗住講返我睇過既小說比老如聽，但係佢昸反應好似冇乜野咁唔知係我講得唔好聽定點啦，總之我覺得討論呢ｄ真係唔岩我，唔知之後個幾日返學又會唔會咁呢，佢地都唔只今日講架啦，前個排都係咁！唉∼唔知佢地知唔知咁樣會搞到我好無奈呢！以前我地返學唔係咁架。我冇話題，唯有望住佢地，我發覺阿肥我覺得佢變左好多，我指個方面係唔好既野！而老如可能因為某ｄ事令到老如唔出聲個陣個樣好失落，佢咁既樣我真係唔知比咩反應好，有時我都好想同佢分擔一下，但我真係幫唔到ｄ乜，佢更加唔會講！大家就係咁．．開始冇乜話題！
|
|
[ 編輯日誌 ] [ 分享至FACEBOOK ] |
|
屈膝祢的跟前 下拜救主基督 
