返教會

　　今日終於返到教會啦，張逸朗遲到！嘿∼好開心呀，去到既時侯．．林傳道已經講緊道，佢講返自己點樣比神帶領去讀神學！我諗返起我自己揀科既問題，我真係唔知點算好，神你係咪都會帶領我？我想試理科但係又驚讀唔到，另外又想讀視藝？究竟點算呀？？神不如你教下我應該點揀啦！仲有呀個個ｃａｍｐ我唔係唔想去．．但我近排窮＝＾＝媽咪都仲未比錢我！岩岩月頭．阿媽有無可能咁準時先？？

　　返完教會媽咪打比我，叫我陪佢行街，，老豆都係到．．我咪話唔阻住佢地囉＾＿＿＾之後就同班朋友仔返屋企啦！華華係架車到係咁講化妝既野．．好吸引呢．．哈哈∼咁掂既佢．．成日都上網睇呢ｄ野＾＿＾

　　返到屋企好攰啦，自己煮野食，嘩∼食左三，成日都無食野！之後同阿媽講下無工返既問題，之後就係咁吹水啦。唉．．唔知做乜好眼訓．．就返房訓教．一訓就訓到５點幾先起身，姚燕妮黎左我屋企．．大家姐教佢點整ｄ相，無理到佢地．．照食飯咯。之後醒起唔記得打比阿芝睇下遇幾多錢去ｃａｍｐ．有ｄ人話唔想太貴．其實我搞ｃａｍｐ邊命咁貴呀＝＾＝唉∼上次個ｃａｍｐ真係有ｄ唔抵。終於都搞掂ｄ食物問題．．聽日開姑收錢．．又要忙啦我＝＾＝

　　好耐都無係日記提佢，點解？我諗係因為自己覺得算啦掛，呵呵∼又可能我覺得宜家ｍａｙ同我又ｆｄ返，身邊仲有咁多朋友，我地朋友之間既問題都解決得七七八八啦，我都係希望大家唔使再目口目面咁對住姐，感謝神，我地又面對到困難啦！我已經無喊ｌｕ即使關於咩事都係，面對第三次既失敗，無第一次失敗咁痛苦，但係心仲係好唔舒服，不過唔緊要the best is yet to camp。神啊，唔知今次係咪真係你既安排，日子一日一日咁過，感覺就一日一日咁淡忘，我唔希望在係大家心入面再建立ｄ乜野，因為我覺得關於佢既乜都唔重要ｌｕ，可能真係覺得無可能．唔通包包同阿君講得岩？唉∼太天真啦我，一個咁簡單既人都搞唔掂！又或者有ｄ野唔係想得咁簡單，每一個人都有自己既思想．我唔知佢諗乜，佢又唔知我諗乜，大家估黎估去，都唔會有答案，可能就係因為咁，所以無可能啦！唔緊要啦，我都唔想再為ｄ咁小事唔開心．．攞成績黎較非。害到我幾咁慘＝＾＝ｍｉｓｓ　ｌｅｅ話我全級總排名５４。都幾好．．起碼似讀書！

　　將來既日子好似好遠咁，但係影響一世既野又好似好近咁，我要點解選擇我自己既路？神你一秒都唔好離開！我將前路都交上，你想我去影響邊個？你又會搵邊個黎影響我？神啊求你都親自去安排！我真係唔識得去選擇，好矛盾，好無方向。但係我知道．．到最後一刻神你一定會指點一條美好既路比我行。太多我任性既諗法我都唔會再諗，或者呢個世界真係唔可以用單純去睇，現實好恐怖，由我懂事開始我就已經唔想去面對．但無計！宜家ｄ人就係咁現實。呢個暑假除左溫英文之後，我諗都要認認真真諗下自己條路要點行，神我唔想帶住恐懼既心去行，我要帶住信心同堅持去行我自己既路。神你心意如何？我心中既雜念都放下，背負起我呢兩年既擔子。我相信咁樣會對我好ｄ，但係點樣都好．我都希望我最終所行既路，都係神你安排。