這幾天悲劇特別多。

　　今日唔係一個happy day ，琴日死人ｋａｉ銘係到還拖，咁今日行過見佢樣衰衰，佢班豬朋狗友又係到串串共咁，咁我咪話佢地囉，又打起黎啦∼ｋａｉ銘唔知做乜近排識還拖去左，咁我都就住黎玩啦，頂，成隻手紅晒，唔係miss lee見到,佢都唔放呀，咁食飯個陣諗住搵佢報仇啦．．同佢玩玩下都無打佢啦，同佢係到吹水，點知阿肥殺到埋黎，唔知做乜係咁打ｋａｉ銘喎，之後我咪諗住叫佢唔好打囉，之後ｋａｉ銘頂唔順啦．．勁與咁樣諗住真係打阿肥，嘩∼見到有少少驚驚地添．．都係第二次見到ｋａｉ銘咁架炸，上次個個係同個男仔，估唔到佢會咁對女仔，唉∼嚇左我一跳，我咪拉住佢，我驚佢真係打落阿肥到，之後佢ｆｉｎｇ開我隻手，仲鬧我．．嗚嗚嗚∼＊算啦，我都廢時理佢。阿肥個堂就超唔開心啦

　　其實我今日都估到阿肥唔開心架啦，但係就唔知點解囉∼唉∼近排身邊既朋友都出現左唔同既問題，徐左我同老如無乜野之後．．唉∼我都知其餘個幾個都有佢地自己既問題，朋友們：何必擔心與苦惱？明天有祂令我路。

　　我地唔好擔心我地唔知道既事，我地唔好苦惱目前既事，我相信每一件事都有佢解決既方法，而點解解決就睇你地點樣諗囉。每一件事都有好多唔同既角度去睇，想做一個開心既人，唔好向唔開心既方面睇啦，你地有無留意到身邊有好多傻瓜每日都不忙氹你地開心？每日都關心你？每日都同佢傾計？無錯佢地都係你身邊既朋友。有我啦，有老如啦∼你地唔好將事情收收埋埋，多ｄ分享。如果唔係我地唔知你地發生咩事，有時留意唔到，會令你地更加唔開心架，我相信你地都好想同我地傾下，主動ｄ搵我地傾嘛，老如最鍾意幫人架啦，搵老如傾啦．．哈哈，又守到祕密喎∼

　　放左學之後童軍今日宣誓就職典禮，嘩∼我終於攞到個柴啦＞＾＜副隊呀∼恭喜我啦恭喜我啦∼哇卡卡＊今日有條友叫黃家榮（唔係德班個個呀）佢好高級架，分區總監啊∼幾時可以做到佢個位呢．．呵呵。佢帶活動，今日張ｓｉｒ超搞笑，佢個ｐｏｗｅｒ　ｐｏｉｎｔ打錯字，哈哈∼比我地班童軍笑，之後我問阿ｓｉｒ如果我同屋企人去遠足可唔可以寫埋係本簿到，佢話要機構呀嘛，我就同佢講機構名咪叫〔劉府囉∼〕之後比個黃家榮聽到，佢帶活動個陣係咁笑我呀＝＾＝劉府前劉府後∼唉，樣衰到爆∼今日好攰呀。放學收到個電話，，公司個個阿ｍａｙ打比我，打返比佢個陣，佢話唔係佢靑我，係ｓａｌｌｙ搵我，我打比ｓａｌｌｙ，佢約我去食飯呀，，又同我講生日快樂，＞＾＜多謝你呀，佢無唔記得我喎∼好開心呀，我約左佢下個禮拜六早上呀（下就要去童軍個ｃａｍｐ，大嶼山區呀）

　　返到屋企．．開左部腦，知道阿肥唔開心就打比阿肥問佢聽日去唔去唱ｋ，約埋ｅ碟。聽日原本約左班舊同學架，但係阿蓮話佢媽媽唔比佢出黎，咁又係既．．唉∼佢屋企咁嚴．．老實講我覺得嚴ｄ既屋企都有佢好處既．．起碼讀書方面唔使煩，，一定好勁啦∼＝＾＝我呢ｄ無王管。讇書讇到咁．．唉∼唔好提讀書．．傷心。希望聽日會玩得好開心啦∼