感謝神....*

　　今天高興的事特別多．．放學後和朗，揚，芝，貽和我行返屋企，阿朗好衰，係咁講我同阿邦，有咩好講姐，搞到大家唔知點咁．．大家好開心咁放學．．

　　行到就黎到逸東，媽媽打電話比我佢同我講左好多，野叫我比心機讀英文，睇黎媽咪好擔心我ｄ英文，我唔係唔想學，但係我對語文真係無乜興趣。吸引唔到我，我學得好辛苦∼＊佢仲同我講佢返工好辛苦，終於．．．我問佢星期日得唔得閒，佢同我講佢話佢岩岩都想問我，佢星期日放假，佢想我帶佢返教會，我好開心囉。但係我今個星期日要領詩喎，感謝神．

　　我媽咪一次一次想到神你既地方去認識你，求神你都去幫助我媽媽，佢並唔係睇到世界好灰，佢將希望都放左係我地幾姊弟身上，佢仍然有千千萬萬個擔心，我唔識得去安慰佢，我余左好多好多既承諾，但神啊，媽咪佢都仲係好唔放心，求你安排聖靈住係佢心上，聖靈去比平安和信心比我媽媽，我係絕對唔會令佢失望，一定唔會．將來我媽媽可以好自信咁同佢ｄ朋友講，佢個女有幾叻！＊真架．．我就襯呢個時侯同佢講，我係一個基督徒，我好想受浸，媽咪話〔你鍾意啦，我唔識呢ｄ野架，你問下你家姐啦〕我話大家姐同意，佢就唔反對，媽咪同意左。我好開心咁打電話比林傳道。

　　返到屋企同家姐講起媽媽，媽咪睇完〔伴我同行〕之後佢話佢感動到喊，我睇完都唔會喊，媽咪你係幾咁需要神，神就好似和姐咁，對我地不離不棄．．（今日係週會個陣同我阿君講，如果無左，我無認識神，神無改變我既話，我諗我宜家唔會坐係到，我唔會去諗我既將來，我日子會過得好無奈，好無聊。神呀，學有有好多例子比我知道我平家行緊既路係幾咁美好，路雖難行，但神你會在旁，這不足夠嗎？）家姐聽完之後都好驚訝咁，佢仲應承我星期日陪媽咪返教會。佢仲話，媽咪唔知幾時開始變得好慈悲，將脾會都收起，我知道，佢都係為左我地，我知道佢有為我地改變。

　　我今日同佢講，我會分享我既成長，我既改變．．媽咪買好多護膚品，佢都知道自己老左好多，白髮都出了，每次幫媽媽染頭髮的時侯．心都是蠻不舒服的，我一直都問自己．．媽媽活身差不多半世人，佢得到過乜野？一直以黎都係比好多氣比媽咪受，好記得媽咪有次真係嬲到走左半日．．我同家姐都好驚．．個陣好細，唔知發生咩事．．我仲好記得有幾次．我都令到媽咪好傷心．．好傷心．．我真係好憎自己點解咁樣做，點解要傷害自己既媽媽．．個次之後，我開始變得更懂事．．我多左為媽咪諗．．可能大個女掛．．

　　不過媽咪最唔開心．．都係為左爸爸，爸爸對於我黎講回憶唔多，但係要講我同佢既事都唔係可以話講就講，爸爸太靜啦，唔鍾意出聲，有野都唔會講出黎，都收收埋埋，正係同媽媽講，但係爸爸所做既事都係為左我地，為左我地佢放棄左佢一生既事業，太唔直得啦．．．都係因為愛．．．．但爸爸做錯一件佢一生做得最錯既事，令到媽咪唔開心，曾經我都有諗過唔原諒佢，我係喊左幾多次．我係憎恨左幾耐．．媽咪有一顆好美麗既心，佢做每一個決定都好正確，媽媽做左一個好好閎選擇，但係事件上最痛苦．．都係媽咪．．佢做決定．．都係為左我地．．我終於知道．．外面既人．幾咁好．．你倒頭黎諗返起．．最好都係你屋企人，我無埋怨過我黎到呢個家庭，我屋企並唔係平平淡淡，而係經歷左好多．．都可以保持健康既家庭。都係神你所比我，我有好多次，都差ｄ叉左步，如果我無捉緊神你，我諗我都唔知會變成點，神你要一直係我身邊看顧我，我呢一直都願意你係我身邊，直到我黎到你既國．．．．