誰影響我心情？

　　今日起身又係１點幾．．就一家人去左飲查！之後去左睇家ｃ．．媽咪想買囉＝＾＝之後睇唔岩就去左睇太陽眼鏡．．媽咪睇中左Vivienne Westwood個隻．．哈哈∼好型架．．之後就買左．．原價２５１０．．之後特價１１５０．．．要我同家姐出４００＝＾＝頂．．．咁就買左啦！！＾＿＾

　　之後同家姐出左富東．．家姐又睇中左對鞋．．頂．．無買到之後唔開心喎！！咁夜晚媽咪話要出富東．．咁就買左啦！！之後佢就開心返．．成個細路咁！！

　　返到黎屋企個陣．．打比老如問佢聽日去唔去．．佢話唔去喎！咁我都諗住唔去啦．．．還掂ｄ人又唔多熟．．之後仲同我講話我好慘．．但又話我自己攞黎！開頭唔係好明架．．之後佢話有好多人唔多鍾意我．我問佢點解咁講，佢話ｄ人一聽到話我去ｄ人就唔去喎！聽完之後勁唔開心囉．．唔知點解好似好想喊咁．．．我再問佢有邊ｄ．．聽完之後．．都ｆｅｅｌ到架啦！！個陣搞到勁無ｍｏｏｄ！！

　　家姐話聽日跟埋去佢喎，不過都唔知點解無乜ｍｏｏｄ．都唔多想去！唉∼之後係到諗．．其實呢件事點解會令到自己咁？我係咪真係咁介意人地點睇？以前我都知自己好ｃａｒｅ，但係我唔係話過唔會再因為咁而唔開心架咩？我係咁架啦．．咁唔係點呀．．我需唔需要理佢地點睇？我又唔覺得自己有咩問題！乜我唔係已經改好左啦咩？我已經好唔鍾意宜家既自己．．我好想做返以前咁，但係我知唔可以．因為人地覺得唔好，我真係有改到．．校長都話我變好左．．點解佢地唔會欣賞呢ｄ野？

　　我唔會再理佢地點睇，我控制唔到因為咁樣而唔開心．．我只可以唔開心完就算．．只可以咁樣．．．唔係點喎！！有ｄ人我夠唔鍾意啦．．人係咁架啦．．總有鍾意同唔鍾意架．．唉．．我都唔知自己做乜咁ｃａｒｅ！！痴線！！！