2009-11-06

今日，我終於都有機會同佢講一下我既感受，

但係，我真係好唔明，點解要咁固執，

呢ｄ就叫一視同仁？

但係作為基督徒，愛心何在？公義何在？

我真係好唔明白，

點解佢既理據可以咁弱！

或者我地兩個都各持已見，

我真係覺得自己好不幸，

俾機會你係恩典；唔俾機會你係道理！

呢句說話，係咪代表ｄ乜？

我情願你經常加入新校規，講清講楚，唔好成日都唔同準則，

叫人點跟呀？

執法者的手法有問題，會影響說服力，

可唔可以檢討一下自己既手法會唔會出現左問題，

係咪做訓導就會做討厭鬼？

我又唔覺得做訓導唔可以得人鍾意囉！

搞到自己咁有乜謂呢！

呢是事件我學識一樣野，

正如佢所講，唔係每一個人都肯俾機會你，

此外，我希望日後我對人有不公平既時候，我都會俾機會佢解釋！

因為無解釋既機會真係好慘，

唔單止咁，有機會解釋都唔肯放係耳邊，

我真係覺得好火！

所以，待人要有愛心，要用愛心說誠實話！

如果心入面正係得自己，好難用愛心對人！

你認為呢件事好公正，

我就唔覺得公正得去邊，邊個可以話自己係一個公正既人？

對於呢件事情，我只有好多唔開心同埋覺得自己好不幸，

可能唔係人既錯，只不過大家觀點唔同，但我好希望，

政策可以以學生為主，唔好以學校校風社主，我相信只要同學生關係良好，

學生會好甘心樂意聽從校方一切指示，

並唔係用強權去控制學生儀容！

將來我都會多用愛心對我既學生，

因為我都做過咁樣既學生！