唱ｋ~*

　　今日去左機埸打非洲鼓，冇啦啦見到莫文慧，幾高咁啦，著衫幾型呀，同上鏡差唔多，冇咩特別！之後返到屋企，即刻沖涼，一點約左二仁班ｆｄ去唱ｋ，急得制唔記得帶電話！今日有阿香，阿君，阿ｍａｙ，汪志，金毛，亮仔，肥肥，大偉，牛澎，發仔，一齊去旺角，由３點唱到７點鐘．．．我同阿香阿君試左一杯新野，之後〔東ｔｏｕｎｃｈ〕既記者黎問我地意見，之後仲攞左一杯新既飲品（整到靚一靚）叫我地影相，佢叫埋我地一齊影架，不過算啦，都唔上鏡，之後就正係得阿香啦，同埋亮仔，阿亮超低能，無啦啦多口就比人篤左去影相啦！哈哈∼下一期〔東ｔｏｕｎｃｈ〕我一定買黎睇睇！之後佢地多謝我地，請左我地飲佢地既產品，飲左咁多杯，阿香話好難飲，哈哈∼笑死！

　　就係咁樣大家玩得好開心，返屋企個陣，玩到好夜，冇打電話返屋企添．．．好彩媽咪冇鬧我，正係叫我去惠康買野，我緊係扮晒乖女咁啦＾＿＾阿君都好好彩冇比佢阿媽鬧，話左７點返屋企，佢就９點先返．．．佢阿媽正係叫佢去惠康買野，哈哈∼又會咁岩既？

　　今日玩得幾開心咁啦∼不過有ｄ攰！好開心呀！好耐都未試過冇煩惱去玩ｌｕ∼多謝晒咁多位＞＜