有教好訓∼＊

　　琴晚，訓唔著呀，唉∼咪又係關於佢囉，之後我搵左佢”老死”唉∼真係好辛苦架咁樣，之後我同佢講，我仲問佢個陣我係咪好衰？佢話唔係，要怪就怪ｘｘ，唔係咁架，我真係做錯左，我仲同佢講我有ｄ後悔。佢同我講左好多關於佢既野，最深刻既就係〔佢冇鍾意既人，都冇人鍾意佢〕呢句比左我好多好多既安慰，即使唔知係咪真都好，個心定左好多．．．

　　佢仲問我想點，其實我都唔知我自己想點．．我又驚破壞左佢宜家既生活，可能佢覺得宜家好ｄ呢？咁我可以點姐，唉∼已經唔見左以前既電話號碼，唔制呀．．．我真係太絕，又令會到地球係圓．．．．

　　今日返學打非洲鼓，阿邊個唔記得同我地講１２點半，我同阿芝老如１０點半就返到學校，見到音樂室冇開，呆晒，之後係禮堂見到條友，佢話〔乜你唔知琴日溫老師話改左時間咩？〕我真係ｘ佢，琴日睇緊波個陣又唔講，又死都話自己講過，我地三個都聽唔到。你又吹佢唔脹！１點幾個陣，班秀德既小朋友黎睇我地表現，哈∼之後仲要我地教佢點玩添，我教個個細路又蠢唔晒，都打得幾好，係怕羞左ｄ咁囉！

　　呼∼就黎去ｃａｍｐ都唔知自己宜家做緊乜，又唔知仲有咩未做，頂，我都唔係做開呢ｄ野架嘛，死啦，點算，不詔其實我最擔心既都係佢地既個人安全，我真係唔希望有事發生，我會祈禱，神你要保守我地，今次我唔係想經歷ｄ乜，而係想留住一段美好既回憶，希望你明白！