不愛了、很難愛了~*

　　係到諗緊寫Ｄ乜野既時侯，我望住窗口，諗既都圍繞住你，突然我個心好痛，好耐都冇試過心痛，冇左既野，我可以搵返，至於你... ...可能唔單止係你既問題。每次人地同我講佢好鍾意一個人既時侯，我就會問佢〔咁假如，你同佢成為情侶，你會點對佢，你地有咩打算？〕好奇怪，佢地都係答我，〔唔知道！〕我發現原來有時人追求一樣野既時侯，係唔會諗後果，同埋冇計劃！而我都有諗過呢Ｄ問題，我都同樣答〔唔知道！〕唔可以話一句唔知道令我放棄，而係的碓係呢個期間唔適合！我話過到此為止，就比佢過去，回憶唔可以太回味！會令人沈醉，有機會，我想將呢段感情寫成小說！書名叫〔不愛了、因為我愛過了〕

　　今日冇咩得別，都係留係屋企，無無聊聊，點解我唔落街玩？其一既係老如都唔係鍾意落街玩既人，而我唔想做屋村妹！冇神既帶領，我一早就變到人唔似人啦！我唔敢講太多我對人生點睇，人地只會話我，一生既四分一都未過，點同人論人生！不過我相信，到我老左！我講既人生，一定得到認同！呢個世界咩人都有，世間有幾險惡，我都唔再驚，因為最好既都係我身邊，支持真係好重要，冇得揀既咪接受囉，劉Sir你教我架！路唔係自己設計，你一定要接受更多既不願！

　　我六年級既轉變，真係好大，我係到諗如果唔係神帶我黎到東涌，我會變成點。琴日睇到坪洲一位舊同學ｉｎｆｏ，佢姓徐，佢話佢唔想返屋企！佢話姓徐既最好死晒佢？我唔明點解佢咁激動，好似話佢一晚唔返屋企喎！如果我冇黎東涌，個日我陪佢一晚冇返屋企，我屋企又會點？我係咪都會憎屋企，其實諗深層，父母鬧你打你，話你，講到尾都係擔心！點解自己唔識諗？當然父母都有佢地既表達方式，可能咁樣令你唔鍾意，不過如果你做爸爸ａｎｄ媽媽既話，你仔女唔乖，你又會唔會咁？相信你一定答你〔一定唔會〕，世事冇絕對架，後生仔！

　　一時我都好討厭我老媽子係咁嘈我，我屋企咁多家姐細妹，好難相信你同媽咪都有自己既秘密！今日媽咪打比我叫我煮飯比爸爸食，日日都搵我煮飯，我覺得好煩，我又多野做喎，每次爸爸媽媽打黎都同我講〔拿，今日就食乜食乜.......〕真係聽到厭，我同媽咪講〔我可唔可以唔煮飯呀？〕家姐細妹冇做家務，點解連我都鬧埋，個個都唔執野，懶到死，我係到諗，乜我屋企有請工人咩？點解冇人執就一定要我執呀！你地比＄請我又唔區呀！５０蚊一粒鍾收平你啦！家姐話人類係群體生活既，一個自私自利既話，都唔可以有一個開心既群體！

　　我都知我屋企咁樣既主要原因，所以我講過我將來一定唔比呢ｄ事再發生！我要叻過爸爸，爺爺，同埋姑姐！大學生又點？宜家唔讀好ｄ書，大個左會好慘，睇得新聞多冇計，媽咪叫我努力Ｄ，你既一生就好睇今日！

　　媽咪好好！以前佢未出黎香港既時侯，佢不段寫信比我地，佢既信我宜家仲係到，攞返黎睇，真係好感動，以前唔懂事，收到信只會開心完就算，冇諗過媽媽用心良苦！我諗我一生人最對唔住既，都係我媽媽！宜家我只可以講　對 不 起 ！不 能 最 好 的 都 給 你 ∼＊細個既時侯　您 為 我 避 風 港 了 多 少 風 風 雨 雨∼＊