我終於都打敗哂所有既筆試幻魔,成為鬼武者啦!

我今日打敗左教育統籌局局長既幻魔王李xx既一大爪牙a-mad屎啦,諗起都令我興奮,我只有1條甲部唔識咋,4條乙部有3題差唔多做哂,只有一條講向量既唔多識,唔好誤會我d向量唔掂,係我唔明佢想我做d咩先唔識做,而且時間夠,無謂諗即!

諗住去玩啦，點知冇人去玩，ｏｋ　ｆｉｎｅ，番屋企打機！

d人話7x分以上拎A,如果係真既,我就應該都有A或者B,不過個標準好似真係好低,110拎到7x就A,咩全香港既考生最高都都只係拎唔到100?最勁o個個110都拎唔到100?我唔係好信,話哂都有名校既學生丫!

今日一早搭輕鐵，田景站見到豬君同傻珍,我拍拍豬君博頭,佢好似冇咩反應,望左過黎又望番過去,完全無視我既存在!我再拍一拍,佢今次又望,又望番高d,終於都見到我啦!佢地仲好大聲咁嗌,"e?麥振軒?黠解你o係度既?""我諗當時成車人都知我個名啦!所以我良景站就落車(其實係轉車姐,唔關佢地事)!

去到呂明才啦,我好似見到徐洛軒,我跟住入啦,我都係見唔到正面,我再行就唔見左佢啦!咁我企o係條樓梯度,諗起頭先豬君話吳茵茵都係呂明才考,咁我行入去,山行六,七步,見到男人,望到佢之後再望左面,見到主席,阿翟,學低,茵茵,連我同男人,6個5d!聽講去李林明既5d團員有成十幾個,我好想去呀!男人一見我,就話"e?老麥喎!"見到主席文進同阿翟溫得好努力咁,我就手上連紙都冇一張,好似我好有信心或者我好懶咁!

考完,傾左陣,我就去左市中心同媽咪食野,佢未出門口,我o係扒王之王等佢,等等吓聽到阿琪把聲,原來我冇聽錯,真係佢,仲有卓2,聽到佢地講pizza!say個hi之後,傾左一陣,佢地入左去pizza hut啦!阿媽冇幾耐都到左啦!今日見到9-10個5d同人,正呀!最正係我咁多日都見唔到口臭上校呀(老唐),希望我oral見佢唔到啦!

點都好啦,我已經練左好多英文粗口等著6月21爆比d考官聽架啦!咩shit呀,fcuk(名牌黎架)呀,what the hell of呀,咁囉!

role play必殺用語:

我會問佢最last o個題"maybe it's the time you told me the reason why you are here?"[講個理由我知點解你坐o係度?](語出tv game:resident evil 4)

又可能問"what the hell of this public exam?"[呢個公開試究竟做咩'狠'野?](改編自tv game:resident evil 4)

又可能同考官講"what's the name of you neighbor's dog?can't remember the name?a senior moment perhaps!"[你鄰居隻狗叫咩名?諗唔起個名呀?可能你有老人痴呆症!](前面係老作既,由can't remember開始語出tv game:resident evil 4)

考完之後同個紮馬尾既女仔講"it's over!"然後搵機會迫佢講個no字,再講"you right,it just the begining!"[已經完結啦,迫佢講個no字,再講你講得岩,呢個只係一個開始黎咋!](語出tv game:biohazard2結局)

discussion必殺用語:

o係同人討論時叫其他考生望著個考官話"oh!there is a bitch in red dress!"[那邊有個仆x著件紅色裙](語出tv game:resident evil 4)

當比人窒,人地又暗示佢有左右手o係度,考完派隻右手黎打你,你可以話"you are right hand's come off?"[你隻右手可以脫離你既身體?](語出tv game:resident evil 4)

當你突然煙隱起,想食煙,同佢地講"OK!i have a big,important question,do you have smoke?"[我有個好重要既問題,你地有冇煙仔?](語出tv game:resident evil 4)

睇吓我d英文幾勁,包拎A呀!邊個話打機學唔到野架?拖佢出去打把啦!

終於最後一科a-maths啦(其實仲有科oral),各位o係其他學校既戰友,你地一定唔好放棄呀,只要唔放棄,寫d野上去,計到唔識就出答案,咁你起碼有過程分,就算過程既數字你寫錯,都有1,2分執嘛!

我一定要打敗考試局既爪牙a-maths,因為maths考得唔多好,我一定要拎番高d!

加油呀,以下既人:

金魚,bb,ck,仁傑,高妹珍,坦克,豬君,姚明,雞雞,男人,winnie,阿花,子健,家麟,阿強,學低,卓2,阿片,冰,阿翟,tung哥等,不盡錄!

係呀,打風呀,可能訓訓吓會凍左呀(雖然我完全唔覺得凍,仲好暖),著多件3呀,聽日帶把遮同帶多件3!仲有帶個耳塞去,費時比行雷嚇親(講笑姐)hehe!

今日,阿媽執報紙,突然有隻蟑螂走左出黎,佢大嗌,嚇到我o係bedroom度走出黎,見到佢拎住壺熱水去周圍淋(真哂水...),跟住淋中左喎,我行過去啦,見到佢(唔係我媽,咪亂估)唔郁,突然成隻彈起仲走去張電腦台度,阿媽個勢好似想淋落去喎!我即刻大嗌"等陣~~"跟住我就拎枝洗手液應戰啦,跟住我拉開張電腦台,見佢個死樣想同我玩持久戰,我採佢都傻啦!我張支洗手液個噴咀瞄準佢,佢隻死野條鬚仲要發吓發吓咁喎,我輕輕一按,中左,佢成隻由電腦台側邊跌落地下,跟住我狂咁,噴左佢5-6吓,丫佢隻野仲好似好high好有感覺(音:用普通話讀)咁典吓典吓喎,跟住2腳一伸,4腳朝天就......瓜左柴!

佢死就死左啦,我手尾就多呢,阿媽嚇到張d水亂倒,要我拖>.<我又要幫佢收屍...shit!佢就好啦,阿媽幫佢沖熱水涼之後我又幫佢用皂液洗,仲有我幫佢收屍喎!真係嘆呀!

聽人上網講呀,用護髮素仲勁呀,佢會好有感覺咁扒o係度任你舞!唔知用jel噴佢會點呢,會唔會d手手腳腳痴住哂呢?D人仲話呀,將蟑螂放入枝針筒度,然後推個野岩岩好壓住佢,再用力一扯佢,之後就冇講啦!但我諗個結果我都估到,當你一扯時,隻蟑螂體內既氣壓大過體外既氣壓,結果應該係-----體內爆炸!!yeah!!

祝各位同學餘下既3科都拎到好成績!學校既朋友開心過日子,學生會個kai子a-level唔合格,咁就皆大歡喜啦!

我覺得今次既會考英文a好似易過往年,真係死啦!份卷易左,識答既人就多d,咁...要答岩幾多先拎到個c呢?

我已經重拾意志了,重拾打機既意志T^T,不過我一定會溫書,今日開始!

我都唔知點解，突然想打新鬼武者既ＯＰ內容，唔鍾意既就ＳＯＲＲＹ啦！

西歷１５９６年，在深夜的日本大阪。

o係一個城樓頂上，一個戴著紅色鬼之面具，留著一頭長長既白髮既男人A,一跳就跳到樓頂,而且望住佢面前既男人B!B好奸險咁話"睇黎有人想令我冇咁容易達成目標咁喎..."A冇出過聲,而且拎住手上面既襌仗攻過去!交手幾個回合,白髮男子A話"三成,你有D咩目的,點解你會o係度?"原來B盲係石田三成,三成冇答佢,將手上既扇掟出去,白髮男人A勉強擋住,但係面上既面具都已經比三成破壞左少少!而扇就好似回力鏢咁返去三成既手度!A又講"斃啦,係魔空石,你點將佢帶黎架?原來三成後面既奇異建築物就係迎接魔空石既裝置,而魔空石已經距離地球唔遠啦!三成就話"我應該意料到聰明既天海先生會想阻止佢降臨!" "點解你..." "ah..天海,同柳生一族,你地阻止呢個世界既妖道...簡直有如臭蟲一樣,你e+干涉到我起動魔空石呢!"

突然,三成背後既建築物發出強光,三成望左一望,話"已經開始啦!"天海將背部既斗篷dum左,而且拿起把野跳過去就劈,三成用扇擋住,天海話"我唔准許呢個世界跟隨你既邪惡運行落去,經過一輪近身戰,三成已經漸漸被迫埋去天台既一角,差d就跌落去啦,而天海冇停落黎既意思,當佢打算使出最後一擊時,三成突然由隻右手度伸出好多好似百足咁既觸鬚,而且有d仲穿過左天海既腹部,三成發出左奸狡既笑聲!"呢d光表示我地幻魔成功既第一步啦,oh聰明既天海,hahahaha..."或者係鬼武者既關係,天海唔單止冇死,仲打斷哂d百足手,將襌杖篤向三成心口,三成雖然嚇親,但好快就恢復心神,一手捉住襌杖仲將蟬杖仲天海拖左去屋簷邊,二人各捉住襌杖既一邊,而天海已經懸掛空中,天海話"我一定搵到人去打敗你地既..,"三成"黑之鬼嗎?世上已經唔多啦!"講完就即刻放手,天海就跌左落樓!三成自言自語"因為呢d光,美麗既櫻花將會生長同覆蓋呢個日本,之後我既任務就完成啦!"