今日補ａ－ｍａｔｈ，有６個人，對我黎講得４個，因為有１個５ｃ既，佢唔係補A-MATH既!另１個我唔當佢存在既，比我當唔存在既得一個即！自己估吓啦！^^上左半堂倒,佢地一齊走左啦!

老葉佢今日好似冇咩火,而且佢好似唔係唔鍾意我啦!佢以前可能因為我成日篤佢錯處,SO有D唔LIKE我啦!E+冇啦,起碼我感覺唔到!

今日又同淫傑行去利寶商場,我地大家傾左好多野,女仔啦,模型啦,同學啦,我地都覺得有一個人佢好自私自利,佢成日都好有妒忌心,每當D女仔同我地傾野同玩時,佢一定會行埋黎破壞我地,而且佢表面上好似好大義,做野時覺得自己好有智慧咁,又成日以為自己係班中之星,好似咩佢都要知哂,佢問我地野就好似奉旨要講咁,而我地問佢野佢就好似奉旨唔洗講咁,就算講都唔會講真話!(注:唔係你地所講既莫浩良,第1,起碼莫浩良大方過佢,第2,我唔會講莫浩良壞話,因為我真係唔覺佢有錯,如果呢句話令你地唔喜歡,我真係對唔住!第3,佢的確係咩都扮識,其實咩都唔識,第4,我地今日傾,大家夾埋我地所知既野,先知我地比佢呃左,先知原來佢係咁虛偽,第5,我一定唔會講係邊個,第6,我唔嬲佢,如果佢知我話緊佢,只要佢改過就得,最後,以上6點係我既感覺同意見,唔關淫傑事!)

咁我地傾左好多野啦,我地終於去到利寶商場,我地搵左好耐都唔見我既利古絲呀,唉,不過其實利古絲在我心中係次要的,第一既係美玲,我居然搵到,而且仲要係好平呀,平時d公仔係用盒裝既,而且係抽既(因為你唔知個盒入邊係咩),要十幾蚊一盒(最平),而今次係拆左個盒既,仲要係$10,而且都一樣有張蛋紙,只係冇左個紙盒,真係連"dum"既力都慳番呀!最熙要都係....$10!!!  hehe!!

d人或者會問:利古絲先係主角,點解我中意個配角多d呢?咁我諗其實佢可愛d既,而利古絲雖然靚,低比我既感覺係成熟d,咁唔係最岩我!

今日開始,我決心要努力讀書,升唔升到唔緊要,最緊要係全力以赴,做到最好!!拔唔到尖咪升中6囉,升唔到咪repeat囉,repeat唔到咪搵學校升囉,只要我拎夠10分既話,我可以去我叔叔個太太間學校度升囉(佢係o個間school既英文科主任),如果10分都唔夠咪自食其力囉,有咩大不了呀,大咩咁可怕呀!對我黎講,我愛既人>朋友>家人>學業!!

拎左眼鏡啦,我以後一定要小心用眼呀....不過...唉...我有d唔開心呀!

今日補左樣野,跟住淫傑話想買game玩,問我有冇好介紹又近近地既,我係打機得道之人,不過真係考起我啦!我地諗到去置樂,咁但係我地2個都唔知點解都想行過去,原因係為左o個4蚊雞......我地到左市中心先,好攰呀,行左成粒鍾!2個御宅族都唔係好識路行,搭車就識,頂丫,浪費哂d時間!咁我地行行吓見到4個靚女(其中1個ah.....唔知係唔係呢?),有1個靚女1掌打埋黎我個肚度,我緊張就拉住佢隻手,唔知佢痛唔痛呢?好彩我有腹肌姐(<-----唔肯認係脂肪既型男,呵呵!),佢地就係名翟,張詠珺,男人同彤哥啦!其中彤哥以佢既手掌同我既腹肌對打!hehe!結果我地去左置樂,行行吓變左睇模型呀,跟住我見到利古絲個公仔喎.....好靚女呀,即時已經迷上左啦!唉,又要搵自己d食飯錢搞菲啦...唉!點解咁靚既野要咁辛苦先得到嫁?

冇幾耐,我buy左個biohazard4既食物玩具....得一粒香口膠+1個公仔就已經23蚊....shit,不過我都買左個(game迷嘛),but得唔到我想要既主角LEON呀,oh my god!!我只係得到隻怪獸大佬咋!!

跟住搵到game餔啦,我地夾埋買左5隻game,佢買左4隻pc game,我一隻ps2,夾埋100,淫傑仲話貴喎,o係tuen mum,已經平啦!

如果有一日,呢個世界冇左眼鏡,咁我點生存呢?

最快聽日拎到副眼鏡,我個人認為新既眼鏡好似令我斯文左..不過冇咩所謂啦...我不嬲都係粗人一個...

新眼鏡係金金地色既,不過我帶粗眶,我覺得我帶粗眶都好似幾好...而且我未帶過...

不過我一定唔會同d中六既白痴一樣,帶著粗眶眼鏡話要同人鬥胸,超!

我副眼鏡比我唔小心整斷左呀!原因係個焊接既焊口唔係好好!咁岩撞正復活節喎!眼鏡公司又話d師傅要放假喎!搞到星期四先拎得副新眼鏡呀!呢5-6日既時間我都冇眼鏡.....都唔知點死啦!

新突破,我隻右眼e+係675度,左眼係625度呀,我諗我過多幾年都盲架啦!

我e+又傷風,又盲,唔打得機同電腦,我打呢篇日記都係用form2副眼鏡咋,睇怕我呢段時間只可用電腦少少時間,唉~~本身諗住溫書既,e+連書都溫唔到!

今日去高登(黃金)買左個cam,$95,唔知平定貴啦?問阿妹,佢話平呀!睇黎今日一行冇哂我時間呀!

同媽去左附近既一間叫"維記"既茶餐廳度食lunch!d野食好好好好好正呀!出面仲貼左張曾特首去o個度食野既相tim!

番黎同阿妹玩cam,佢病左要食藥呀,佢食左藥都好眼訓,佢仲要同我厄cam,如果我知我一定唔同佢玩cam,因為都好傷神!thank you!阿妹!

唔見你地都3日啦,但好似成個月咁耐,唉~~~~