最後一日啦(番埋結業禮)，我都冇咩特別野好講啦... 我而家正係等緊成績表姐，攞埋成績表之後，我既中一生涯就完左啦，咁就一年啦，真係過得好快，實在太快啦，不過6日之後，先至係真真正正過左一年啦... 我之前咪話過，我轉吾轉校係會睇幾個原因既，其實當時對於我來講，最重要既係友誼，但係我而家開始漸漸發覺到，原來對於我來講，友誼係可有可無嫁，見到大家都咁開心，一齊玩、一齊笑、一齊傾計，雖然我所講既吾包括我自己，但係我見到大家咁開心，我都感到好開心...所謂既友誼，其實係咩呢??「友誼」真係咁重要嗎?我吾識答自己，如果你地識答的話，話我知丫!!
