昨天係我地學校一年一度既旅行

今年我地中四就係去海洋公園

講起海洋公園

我自己其實就冇乜點去過

除左中二果次去過之後都冇再去過

今次旅行分左文科同埋理科班

文科既就去睇d動物

理科既就去玩機動遊戲

我就去左睇鯊魚

都學左一d之前唔識既知識

不過就有d意外出現

就係我唔知點解忽然覺得好暈

可能係係d密室行得太耐既關係

出去行左一陣就冇乜野

跟住係自由活動既時間

我係果度買左個pizza黎食

Dpizza真係貴到飛起

如果唔係有張優惠券

我都唔會去買

一件小小既pizza就要25元

加埋一杯細到冇得再細既汽水都要18元

冇優惠券就咁買既話就要成43元....

簡直就係搶錢

跟住我自己就係度周圍行

最後二點半就去左個出口處係度等

其實原本既集合時間係三點半之前去到的

我就提早左1hr去到果度

原因有兩個

第1

就係我自己可以話係一個{路癡}

就算有指示牌都可以唔識路行

so我就提早[閃]左去出口

第2

就係我唔多夠膽玩d機動遊戲

so我就無聊咁係度周圍行

不過

今次既旅行都可以話係好開心

原因有3個

你地可以慢慢諗下

好啦

過左呢次旅行

就會有好多既野等住我去完成

首先就係地理既測驗

跟住就係以後既星期二地理都要補課(>.<'''''有冇搞錯...咁快就要補課)

之後就係文學星期二默書,星期四測驗

不過

我相信我自己會有能力去完成呢d野

就連最難捱既野我都可以捱過

我就唔信呢d咁小既野可以難到我

我對自己好有信心

因為

我就係靠自己

先會係度繼續活落去