朝早11點起身 仲未適應番 正常番學既時間
我諗星期一有好大機會會遲到=_______=
起左身之後一直係梳發上面坐 好鬼凍 最憎冬天
邊到都去唔到 郁唔到 咩野都做唔到-,-
之後做左最尾D功課 都應該唔會再有其他野要做啦呀化@_@
跟住係電腦前面聽森美移動 - 笑談廣東話 笑到癡肺
我見今日都係冇咩野好打啦
所以揀左兩隻好笑既片仔俾大家聽下^__^
好聽記住講我知 ( 內容係有D不知所謂架^^)
琴晚發左個好奇怪既夢 仲記得少少
發生係一個未知既時間 地點係 學校5樓
事件係我突然同呀sir係5樓上面發生 事緣我同呀sir係上面
兩個人係到喪跑-,- 之後又無啦啦 變左係鄧x堅運動場到上面
好明顯係到比緊賽
但係只有我同呀sir同lun3個-,- 跑呀跑 都唔知做咩
我都一定冇可能報長跑 even係夢入面 @@
但係跑左勁耐 自己都由快變慢 慢變好似冇跑-,-
突然後面勁多人 成班3e=.= 衝哂上離 突然個畫面唔見左我
個鏡頭係佢地腳下 我自己好似俾佢地係咁踩 之後就醒左
完左^^ 一個極無厘頭既夢 我想知有冇人識得解夢^__^
其實我真係唔明點解人會發夢 (呢個我明) 唔明係 個夢入面既內容代表d咩訊息@@
不過算啦 唔再講呢
成日又係屋企 一諗起我生日又要係咁無無聊聊咁過-,- 仲有1日既時間就大一歲
人生過左大約5份之1@___@
今日冇咩特別事發生 就只係由朝早一直搞到而家都仲未搞完-,-
就係係網上面註冊D野 竟然令到我完全摸不著頭腦@_@
用左我成日既時間 都唔知點解仲未成功註冊
真係攞命~_~ 赲到我癡線
----------------------------------------------------------------------
講番 今日係新一年既第一日 我只有2個願望
身體健康 同埋 事事如意 就可以
前者對我離講 EVEN所有人都應該係最重要亦都係最緊要
後者 只係我想之後既事 可以順風順水 唔好有太多既阻滯就可以
最後 我祝各位睇完我個BLOG既人 都可以新年開開心心 事事順境
朝早9點 我呀媽為左整醒我 晨咁早開電視 仲要較到好大聲....
搞到我訓唔到 惟有起身執下D書 ..... 不過執左等於冇執..
我懷疑自己係唔係有少年癡呆症 有時自己唔知自己係到做緊咩
好似靈魂出竅咁 之後就有D暈暈地 Orz 睇離自己時日無多
由朝早一直睇電視睇到下就 之後呀sir搵我玩msn 遊戲@@
玩下玩就玩到而家9點幾 唔計食反個個時間
講真 d game都ok既 不過係我唔係好識玩poker!_! 輸哂
今個聖誕節都真係好無聊 日日係屋企hei 又唔想溫書
冇哂動力 wow-,- 1月4號就生日 都搵唔到咩節目可以做
加上第2日就番學 簡直無奈之中既無奈 失望之中既失望
各位親愛既朋友 要努力清理左D功課 至於我 已經做得88 99喇
終於FEEL 到'無功課，一身輕' 既感覺^__^
講番琴晚 都唔知做咩事 好似撞邪咁 同我呀哥係房入面睇 凶鏡@_@
O.M.G 實在太恐怖 就算係一部普通既鬼片 係1點幾呢個咁陰既時候睇
唔恐怖都會因為個氣氛而覺得好恐怖 不過講真啦
凶鏡真係好掂 係到捉心理 搞到我驚都飛起
加上個結局真係好正 好懸疑 主角停留左係'鏡'世界 出唔番離@_@
------------------------------------------------------------------------------
之後今日起身去廁所個時都冇咩敢照鏡 抽離唔到
起身本來想溫下書 點知又有人撩我去打機 又俾佢撩到=_____=
我FEEL到我自己真係懶左好多好多好多.........................
仲有4日就到我生日 一年又咁快過左~_~
有時自己唔知自己係到做緊咩
同我呀哥係房入面睇 凶鏡@_@
不過講真啦 
