星期6...好無聊
又唔洗返去練波
係屋企都唔知做乜...
好down
去toilet果陣時聽到隔離個果爸鬧緊個仔定唔知女
聽佢既喊聲應該都係好細個..幾歲到
個呀爸唔知做乜鬼鬧佢 爆曬粗果隻..
佢令我諗起我呀爸...
因為我呀爸都係咁
諗返起就好嬲 次次都係少少野就鬧我 洗唔洗咁呀 食左火藥咩
好憎......(閱讀全文)
哈哈 話咁快又星期5啦~~聽日又放假~~~~
今朝食煎餃 琴晚自已包架~~不過今朝呀媽煎完之後變左一堆不明物體..= =
第一堂~~中文 呀鄭唔舒服 所以今堂唔係咁恐佈
科初堂勁好笑....分組傾果個project
lc同汪汪係度傾
我 k 同飛比係度傾...計= =
笑死我~~
而家汪汪又多左個花名啦~~當佢發神經ge同佢講"粉腸收啦" = =''
哈哈 笑死我
lunch同左書蟲佢地去左東記食
d雲吞好正呀 ><{原隻鮮蝦......(閱讀全文)
呀媽返左大陸..所以冇人叫我起身
如果唔係今朝呀爸打電話黎嘈醒我 , 今日就會遲到啦
呀媽唔係度 所以冇人整早餐
飲左杯汽水頂肚，好過冇啦．．．
今日 miss tso同鄭sir都冇返
所以有兩堂比我地做功課
不過我d功課未做曬 係度發呆
地理堂班男仔又係度weather 而家miss lam改左名叫weather..哈= ='' 白痴
lunch同書蟲佢地去左為食屋食
而家開始唔鐘意食腸粉 食到厭..今......(閱讀全文)
....今日遲左成半個鐘先放學...
有冇搞錯呀
最衰都係d男仔
一日都係weather weather
煩唔煩架
咪低能啦......
好無辜
好黑人憎呀
剛剛看完"勇氣",有一點點的感人。
但,好像給我一個警告,要我好好地珍惜每一樣東西,由其是－－生命。
這世上可能有很多不幸的人,患上了不治之症,但某部分不幸的人不會覺得自已不幸,反而是開心自已有一個鼓勵別人既又令自己滿足的生命。
"感覺到自已還有心跳,好開心,我還活著" 好多人都不會這樣想吧,只是覺得自已活著,是正常的。
但患上了不治之症的人卻不是這樣想,他們覺得自已這一秒還能活著已經很開心。
我覺得有很多......(閱讀全文)
日日都好悶＝．＝
唔知要做咩好
好耶！！
聽日放假
又唔洗返學啦哈哈∼∼
真係開心
＝．＝ｖ
係咁啦掰掰＾＾
今日又要返學練波，
點知返到去ｄ男籃係度打友誼賽
等左好耐先到我地練
佢地好勁．．．＝ ＝ｗｉｎ左
我地同佢地差好遠．．．．．．
我都好想係學界賽ｗｉｎ呀 不過今年都係實現唔到．．．．．．
最勁果年都只係８強．．．．而且仲有兩個勁人係隊入面．．．．．
今日呀ｓｉｒ好似惡左ｄ
個個都俾佢鬧到唔敢出聲
我出左好多錯呀∼∼＝ ＝發緊......(閱讀全文)
今日返左小學探老師∼
點知鄧ｓｉｒ帶左女子足球隊去比賽＝ ＝｜｜｜
我同ｄ朋友等左佢ｎ年咁耐 ＝．＝
但係佢都未返黎- -
根住我地見到教女子足球既蘇老師返黎
問佢 鄧ｓｉｒ呢？
佢去左進修
＝ ＝｜｜｜｜
搞錯∼∼自己唔得閑就唔好叫我地返去啦 ＝．＝
咁難得ｎ年得一次返去 都係見唔到佢地......(閱讀全文)
''咦！你做乜鬼野呀！好鬼廢呀！好黑人憎呀！''
以上係２Ｅ班名句．．．．．．
可以完完全全表達我既心情。
今日table tennis學會
我淨係諗住玩下
根本就冇諗過要加入校隊 更加冇諗過要過果d咩正手
點知果d類似主席既人係咁教我 我完全唔識．．．．．．
無奈
學完之後有個校樹（有校花校草 咁你地諗下咩係校樹∼）走埋黎話同我打
佢根本就唔係想同我打
只不過係走過來恰我！......(閱讀全文)
好唔慣．．．．．．．．．．．．．．．．．超唔慣
唔慣自己剪左個頭呀
好唔慣∼∼∼∼∼∼∼∼∼∼∼∼
唔慣唔慣唔慣唔慣唔慣．．．．．．
......(閱讀全文)
今日呀媽叫人上黎幫我剪頭髮，有ｄ驚．．．．．．驚佢剪得唔好。
剪下剪下．．．．．我以為佢唔會剪到好短
點知．．．．．．剪完之後 真係剪得好短＝．＝ 不過又唔係咁短．．．．．．
都可以札到頭髮既．．．．．不過係勁細囉。
唔知點算好．．．．．．
唔知聽日札唔札頭髮好
札又好樣衰
唔札又驚俾人記黃只
唉．．．．．．
ｈｅｌｐ ｍｅ
時間過得真係快∼
話咁快又星期六 日啦
真係斬下眼（＝ ＝！）就過啦。
今日放左學之後冇即刻番屋企（真係好乖．．．嘔＝ ＝），
LuLu姐陪左我一齊去買計數機，
點知我買果陣時佢去左睇精品，
之後我就同佢一齊睇下邊樣令∼邊樣ｃｕｔｅ。
LuLu姐係咁問我呢隻公仔可唔可愛∼果隻可唔可愛 ＝ ＝ （－ｏ－．．．．．．）
買完精品之後我地仲未想番屋企（係唔係好乖∼），
於是就去左漫畫店度睇下有咩好睇，睇左一陣 又走左去第......(閱讀全文)
今日放學去果個唔知咩咩咩福音週同籃球有關ｇｅ活動，本身唔係咁想去
因為都唔知玩ｄ咩，
但係呀ｓｉｒ叫我地去咪去囉。
我覺得真係好無聊∼
最初話玩咩遊戲，
但係我聽極都唔明點玩＝．＝
後來差唔多開始玩，問下隔離果位先知。
我幾乎冇咩店過個球，因為有ｄ好勁既高ｆｏｒｍ係度，
根本就未輪到我店個球。
成場無論係做自由人或者站長，都係企係度唔知做緊乜
勁無聊∼∼∼∼∼......(閱讀全文)
今日又係冇咩野發生
聽日就要調位啦
唔知會調去邊
不過我有ｄ唔想調
同佢地坐都幾開心
不過有時俾老師發現我地傾計會俾佢地罰＝ ＝
加上我坐個位近窗
有人黎搵我唔洗行入班房
就咁拉開個窗就得
好方便∼∼
今日最尾果兩堂週會，以為會好悶，點知係－－完全相反！！
聽完人唱歌之後，就係師分享，通常ｄ牧師會好悶∼但係佢唔同∼好搞笑！！
週會既題目係”奇妙的愛”愛包括友情的愛，父母的愛，愛情等。
我個人最重視友情，因為愛情唔可以一生一世，父母就．．．．．．
我有５個好可靠既朋友，所以我覺得係呢個世界上最重要既就係友情。
如果冇朋友，會好寂寞∼∼非常非常寂寞，而且係有義氣既朋友既話，係會一生一世都會陪住你。
唔似愛情咁，......(閱讀全文)
．．．．．．
今日唔知寫咩好，同平時一樣，冇咩時發生過，時間一樣都係好似流沙咁流得咁快。
今日返學一直諗住ｊ要出國留學停工半年既事，我覺得好可惜．．．．．．
唔知點解佢要出國留學，可能真係自已想留掛。
但係點解早ｄ唔留，要而家先留．．．．．．
實在太可惜啦！
不過都算啦，半年之後佢應該會返黎，希望佢真係可以遵受承諾，係半年之後返黎啦。
希望佢唔會令我地失望！！
岩岩睇完金田一之吸血鬼傳說殺人事件，超好睇∼
不過最初果隻ｇｅ吸血鬼超恐佈＝ ＝
神出鬼沒
個頭又好似木乃伊咁包住，淨係見到隻眼
對耳又好似精靈果ｄ耳咁長
無啦啦彈出黎，勁恐佈＝ ＝
都唔知佢點整出黎。
有時無聊上ｙｏｕｔｕｂｅ睇下ｄ短劇，
勁搞笑∼笑到肚痛，好白痴，
笑死我∼
今日返學校練籃球，好開心！
因為Ｆ１果時成年都淨係練得果一 二次，
唉．．．唔係老師開會就係落雨，唔係有比賽就係冇人去練，有加入籃球隊等於冇加入。
練得果一次就要去比賽，當然，結果梗係兩場都輸啦！
但係我諗Ｆ２應該好唔同，因為換左老師。
而家個個星期都要練，就好似小學咁∼
不過練果陣時都係傳下球，練下運球咁，
我想玩比賽呀∼因為好耐都冇玩過呀，
而且玩比賽雖然好辛苦，不過好開心（輸左就唔係咁話＝ ＝）
１１月就要......(閱讀全文)
今日突然之間諗返起小學果陣時同我同年既籃球隊員。
真係好懷念，
我記我我之前每到星期二就好開心，因為星期二有得練籃球。
係小學果陣時打籃球雖然好辛苦，但係玩得好開心。
籃球隊隊長亦都係我既好朋友加好拍擋，而家完全冇同佢聯絡，
想約佢出黎打下籃球都唔得。
真係好想讀返小學，
雖然我而家係中學讀左兩年，但係仲係都好想返去，
因為果度有我最喜愛既老師，感情最好既朋友。
今日真係超黑仔！！
都唔知發生咩事，今日差唔多全日都係度ｏ嘴，好無奈囉。
今日小息果陣時，我好乖咁做緊功課∼
失驚無神有個女仔走埋黎，佢好鬼死”串”咁同我講，不過我都唔知佢講緊乜。
佢又惡又串，我都唔知點好，ｏ曬嘴咁忘住佢，之後聽到佢講個名之後先知道原來佢認錯人。
好無奈囉！！明明好好地做緊功課，無啦啦有個人走埋黎好串咁同你講野，仲要唔識佢，
佢知道自己認錯人之後連一句ｓｏｒｒｙ都冇講就走左佬．．．．．．
唉．......(閱讀全文)
今日心情都係麻麻地。
我發覺，係我班裡面我好似冇咩朋友（唔係好似，係簡宜係）
甚至有ｄ人由Ｆ１到而家我都未同佢講過一句野。
而且，我又發現左另一樣野．．．．．．
我覺得呢班裡面冇邊個同我好熟，
就好似我根本就唔存在呢班。
好似冇咩人發現我既存在。
我太靜？係
其實我都唔想唔講野，不過唔知有咩好講，
而且同佢地Ｄ話題又唔岩，
唉．．．．．......(閱讀全文)
