今次聖經班其實仲有好多感受未記落黎

想講一個學生叫劉景tim，佢成日副眼鏡聚晒落黎又唔托返上去，不過佢個樣係好可愛

佢講野好細聲，加埋咬字不清，上堂好多時梁生既教書加其他同學既說話聲已經掩蓋晒佢講野xd

應該係因為我就坐佢隔離啦，佢係咁同我講野

佢話平時小息D人有野食會請其他人食都唔請佢食，其實佢好唔開心

我就唯有安慰佢，返到屋企大把野食啦

睇住佢就諗，其實細個既經歷真係影響一個人既性格

加上呢樣又係惡性循環，聽唔到佢講野就自然覺得佢好似自言自語會想排斥佢

希望我做到既係，可以鼓勵佢以後講野大聲返D，俾D自信

又有個同學叫陳泓如，個樣幾靚女，佢同安靜既徐睿幾熟，佢有時會望住我

而我發現被人望住個陣就會覺得佢一定係覺得我唔出聲先望住我

(其實仲有好多原因架 佢好奇我 佢唔想聽書 佢鐘意觀察)

係最後個日既小息 佢整我既頭髮 之後仲打我

我...實在容易被人蝦 諗返起補習個陣都被Aggie打

我...真係要惡D 識得反抗 罵人

最後梁生提到要領佢地做決志祈禱

我第一反應係唔想

究竟...點解我會有D咁既反應

身為一個基督徒 應該做既係履行大使命

平時派單張 帶書仔俾呀太呀嫲睇 我都係想佢地信主 得到永生死後唔洗落永死之獄

但點解我係個刻 會有個下感受

唔想之後其實我好快調整到 其實我係怕講野 怕講漏野 怕係梁生面前出醜

愈打愈覺得自己真係自卑加怕事到一個點

其實 傳福音 我唔洗怕人地對我有咩評價

我就係怕太多野 就好似hsbc個agent講 咩事都驚 咩都唔洗做啦

驚 我係依賴左係自己的能力身上 究竟係我唔記得晒主係我身上既作為定主既作為真係太少

所以 我決定 我要記得多D佢既恩典

只講負能量的事情 實在唔得

我開心既係 包水餃 做手工個陣 佢地做得好開心好投入 佢地好鐘意同我講 佢整左D咩 呢樣野又咩呢

朱樂然好開心成個人彈起咁同我講佢個隻叫星星飛鏢

甘富庚好有創意 佢整左個立體杯墊 佢想做個花水餃俾我睇 佢有問我整唔整得 好有禮貌 而最後又真係幾靚

程俊豪問我IQ題 讀完大學要幾耐 我話一個鐘定咩 因為可以搭mtr去大學站 

最後 我果然係冇咩IQ ans is 1秒 讀出聲 1秒就夠 哈哈 下次可以拎黎同小朋友玩下

最後我見到係PMH出PAED個陣既南南呀 好開心 佢雙水汪汪既眼睛 同佢老豆好似 好可愛

同佢呀媽相認之後得知佢由洗肚改左洗血 因為發左幾次呀 T^T

南南你要強壯起黎 亦希望有個岩你既腎啦 快D讀書學習 祝你然後既人生都要快樂