前兩日PA, 老公好窩心...

P遲收工, 係咁叫我搭的士, 我話貴, 佢話幫我俾, 我話唔洗啦...

糾結一輪後最後都係想搭(因為廢時同姑仔撞時間返屋企爭廁所用), 如果係咁應該一早call 85的...應該慳返$1X蚊到...

返到屋企, 老公一早幫我準備好晒拖鞋, 沖涼既衫,開晒燈同熱水爐俾我, 又知我慣左P後食野, 開包奶俾我飲, 好感動...

經過老公既一大輪協助後, 順利係11:30都未夠就上床訓覺...

聽到老公一上床無耐就已經呼呼大睡,好羨慕佢有呢個能力, 我都想快D訓著, 驚聽朝唔知醒...

果真個晚係咁醒, 3點幾, 5點又醒, 因為平時起0530, 而家要同其他屋企人夾時間用廁所, 要早起10分鐘...

全家人(除左老爺係到訓覺)都幫手我同姑仔出門, 奶奶話好似打仗咁...哈哈

老公明明休息, 都竟然起左身...幫我沖豆漿...

其實有呢班屋企人, 神真係對我好好, 奶奶成日煮好晒菜, 又唔洗我點做家務...

一齊住都好開心...

但始終要為未來打算, 我覺得地方唔夠好難令我想去有小朋友, 因為咁, PA完同老公去左睇樓...

睇左3個單位, 都未係好岩心水....

再睇下啦, 但都會想買樓既, 始終係咁升