好多日冇上黎寫嘢...... 1) 真係好忙......星期一至五 power on 之後就唔停得, 星期六及日就訓死左 2) 心情好差......連自己都唔知發生咩事, 總之就覺得好無奈 近來發覺好似冇咗啲朋友, 唔知點解一個二個都鍾意玩變臉, 仲要係變得好快嗰隻, 其實有咩唔 like 咪講出黎囖, 點解要玩單打?  大家都係打份工啫, 我冇必要睇你臉色受你氣呀! 對某人好失望......自問冇講過佢半句壞話, 一直以來都好尊重佢, 點解佢要咁對我? 我仲好記得嗰日佢同我講嘅說話, 第個同我講可能我會嬲, 但出自佢把口我就覺得好 hurt, 結果仲喺廁所喊左出黎, 我唔係介意說話嘅內容, 而係介意佢嘅語氣, 由此至終我都係攞個心出黎同佢做朋友/同事, 但我相信佢一直都係利用我...... Yoki 話呢個係我嘅弱點, 唔通要我帶住個面具黎交朋友嗎? 我係嗰啲有心事要講出黎嘅人, 否則個心會好唔舒服, 呢排我覺得好困擾, 因為我唔知道邊個可以相信? 好想離開呢間公司, 呢個環境, 呢班人......