12-31-06 今日係2006年嘅最後一日, 回顧呢一年, 有得有失...... 家庭 : 今年三月搬左新屋, 租平左, 地方大左, 環境好左......Aileen 大個左好多, 越來越獨立, 已經唔洗我理, 睇黎我好快就變孤獨老人了. 事業 : 自從去年尾搬左黎尖沙咀後, 一直都好忙, 晚晚都好夜, 連同朋友聚吓都冇時間, 直至有一日, 睇到 Aileen & Amos 嘅成績表, 成績好好但我反而感到內疚, 因為我冇時間去理佢地, 所以決定辭職......四月嘅時候, Joseph 比左我一個轉機, 把我由 Secretary 轉做 Technician, 自此以後我唔洗點 OT, 仲多左好多時間整旦糕. 朋友 : 因為工作好忙, 以前嘅朋友已經唔多聯絡......但好開心喺 Sears 識到一班好朋友 - Ida, Leo, King & Peggy.  仲要多謝一班咁抵得諗做白老鼠嘅同事, 經常冒生命危險試食我整嘅旦糕......Thank you very much! 健康 : Touch wood, 今年冇咩大病, 但最近經常頭痛, 仲要係痛晒喺右邊, 唔知呢啲係咪偏頭痛呢?  仲有感覺到自己嘅聽覺越來越差, 有啲擔心會失聰......