Dion's world
我的童年 ------ 媽媽
"媽媽"呢兩個字對我𨪛講好陌生, 自懂性以來好似都冇乜講過呢兩個字, 亦冇乜見過呢個人.
唔知點解細個𦬓陣我冇問過點解我冇阿媽, 又冇諗過要去搵佢, 更加唔覺得自己缺乏母愛, 因為我仲有一個好錫我嘅阿嫲!
唔知點解大個左居然會向親友打聽有關她以前嘅事, 會努力去記返對佢僅有嘅回憶, 也有衝動去搵佢.
曾經試過打開本厚厚嘅電話簿去搵佢個名, 然後抄低晒啲電話準備遂個打去問......結果梗係冇打到啦!
曾經想過登尋人廣告, 但茫茫人海你估佢係咪會睇到呢?
聽親友講佢好多年前已經再婚, 而且仲有仔女, 個心當堂沉𦴩......我仲可以做啲乜?
如果我仲堅持搵佢, 而又咁好彩比我搵到......咁又點? 你估佢會唔會認我?
如果佢認我, 咁佢點同佢屋企人交待?
如果佢唔認我, 咁我又點? 會失望嗎? 會傷心嗎?
最後我都係放棄𦴩, 因為我唔想為左我一己之慾而影響人哋嘅家庭.
由始至終, 佢都係我嘅心結......永遠都解唔開!
| 
