好耐冇見喇...各位...
因為之前部電腦中左毒...所以好耐冇打過日記喇...
但係我日日都有寫嫁..以下係我之前既日記∼
2007年5月25日
晴
今日8點就起左身...因為約左家怡游水...
約左10點游...但由於一D原因...我地都係游下午1點= =
去左綠游軒會所游...成個游泳池得4個人@@
超free ^^游到3點我地就走喇..
返到屋企..沖涼訓左陣..就等夜晚去打邊爐..
2007年5月24日
晴
今日10點起左身..
因為包包同扶扶約左我同家怡去沙田搵學校...
嘩...天氣真係好熱 中途去左M記坐..
俾班細路..........真好玩= =
搵完大約2點幾..去左旺角行買野...
行到5點...唔得喇...太熱喇..唔想再行u_u
就搭火車返粉嶺..超爆多人返大陸..所以超迫..
幾經辛苦終於返到粉嶺..返到粉嶺..
同包包行到大約8點幾就去左大快活食晚飯....
食完飯包包陪我買左陣野...大約10點我地就各自走lu...
然後我就同爸爸返屋企!!
2007年5月21日
晴
今日約左人去睇蜘蛛俠...真係超好睇
睇完蜘蛛俠...我地去左library睇書借書..
去完library...就去左漫畫店睇漫畫...
大約6點幾我地就各自返屋企lu~
幾開心!! 幾充實!!
2007年5月19日
雨
今日12點幾起身..食完野大約2點幾打俾包包問佢借野..
所以3點我出左去粉嶺…足足等左佢5個字佢先黎...
佢俾左D野我之後..我地又行粉嶺..行完又行…
行到4點幾去左大快活食野…佢話就話唔肚餓,…
陪我飲野算…但佢叫仲叫得多過我= =真係吹脹…
食到5點我地就say bye喇…嘩!!!!!落得超大雨又行雷….
跟住我去左聯和墟借幾本漫畫就返屋企lu~~~
夜晚食飯既時候真係食到我嘔…唔係我媽咪煮既野有問題…
係我食飯既時候殘酷一叮岩岩做到翻版彭鈴個度…
差D連飯都嘖埋出黎….好心喇!!一把年紀仲着成錦…
黏線-----------
2007年5月18日
雨
今日我11點就起身…因為包包突然打俾我嚇到我訓唔番…
所以就起身…一起身我既心情就好怪…我平時養開既流狼狗…
今日被漁農處捉左…我曾經養過兩隻流狼狗…lee隻係第二隻…
雖然係流狼狗….但我好鍾意佢…佢係一隻狗女…全身黑毛…
所以我叫佢做黑女…佢好乖…開頭佢好驚我…
我行前一步…佢就後退幾步….每次我見到佢都會俾野食佢…
經過一個月…佢唔驚我喇…每次出街或返屋企佢見到我都會低頭擺尾…
一前一步都跟住我…由其係夜晚…會俾好大安全感俾我…..
不過以後都唔會再有lee種感覺…算喇..因為一D原因我覺得對佢都係一種解脫…
雖然同佢只係短短既三個月…但我都好開心…我唔會忘記你……….
希望你下世可以做一個人喇~~~~~~~~~~~
2007年5月16日
晴
今日9點就起左身…因為約左Bobo… 扶扶同家怡去唱K…..好耐冇唱過喇…
所以唱左好多….最奇怪係扶扶出金口….仲搵我同佢合唱…係一件好事^^
下次都要唱丫…..唱到大約2點就去影貼紙相…去左兩部機影….部機陰人既…
影得好快…不過就睇到大家不一樣既一面…由其又係扶扶…
影完就去左女人街同旺中行…行左一陣…太累喇…所以去左仙跡岩飲野傾計…
大約留左幾個字就去左機鋪打機…因為同扶扶約好會考完之後要試隻喪屍Game…
去玩左盤孖寶賽車同x機就去玩喪屍Game喇…我同扶扶入到去個一刻感覺係幾驚
開頭有一大班喪屍…射射下張椅會180度轉…完來後面都有個營幕…除左張椅識轉…
仲有氣嘖出黎…黏線嫁……轉左幾個圈就game over喇…好快玩完…第一次玩係幾刺激既….
不過其實幾不外如事….同想像中差好多…不過算喇….玩完大約5點幾就返屋企喇~~
2007年5月15日
晴
今日7點就起左身…因為要出去爺爺既喪禮…雖然好累..
但係身為孫女既我又點可以唔出席呢…大約9點到達…
去到係一D傷心既感覺都冇…我去到仲同阿哥…堂細路妹玩得好開心…
個個都一樣…爺爺活到八十歲…係自然錦去..我地覺得係好正常….
所以大家都以輕鬆既心情….但係我真係頂我細路唔順…應該沉默既時候…
我細路三番四次係我面前笑玩…我打佢都打到手軟….所有儀式都做晒之後…
大約12點幾…我地全部就返上水既酒樓食飯…食完飯就返屋企~~
爺爺:
我對你真係一D記憶都冇…自我懂事開始你就入左老人阮…
仲有埋老人痴呆症…你老人家既事我都係由父母口中得知…
我媽咪話爺爺你身前好疼我地一家…真係好多謝爺爺你…
安心上路喇…再見喇…爺爺
2007年5月14日
晴
今日10點起左身….約左陳燕婷..邱子欣..嘉敏同輝輝去打羽毛球….
我地由12點打到2點…大家輪流打下傾下計…兩個鍾真係好快過…
打完之後…我同嘉敏一組..佢地三個一組..各自行…
因為我要等到3點返學校…所以我同嘉敏去左機鋪隔離玩大富翁…
玩到輸晒D錢我地就各自走…我自己食左D野就行番學校喇…
行到中途撞到莫偉謙..同佢傾左幾句就繼續行..返到學校好懷念…
之後見到Miss Lam…還番D野俾Miss之後..Miss就狂問我…考成點??
識唔識??大家又點??等等問題…我地傾左三個字…
最後Miss都係講個句”聽天由命喇”…跟住我就走..然後就返企喇~~
2007年5月12日
晴
今日考會計…PK…去到考場先知唔記得帶准考證…即刻叫家人拎俾我…
死喇..差唔多考喇…係門口等等下見到dada同蕭廣豪..佢地叫我入去同老師講先…
我就跟佢地一齊入去…同左個女miss講..佢將我推到禮堂前面…好多人望住我…
由其識我既人…超魚….對腳震晒…後來miss幫我搵到座位…就考喇…
頂!!!!!完全冇諗過考lee D…不過算喇…都要做嫁…我盡力係錦做…
兩個半鍾頭好快過…我都唔夠時間做…做完就約左包包扶扶去孖8…
但係我地就去左隔離玩大富翁…扶扶去左傾電話…我同包包兩條友玩…
玩到輸晒D錢就走喇…跟住我同包包返粉嶺..去到行左一陣…包包要部佢媽咪出去…
我自己再行左一陣….買左對鞋…跟住竟就返屋企~~
|
