今日唔係樹根既生日..聽日先係..但係佢想早一日慶祝..約左今晚一齊出去香打邊爐..

 有佢自己..樹佳..輝輝..波波..肥溫..肥豪..侏儒..肥銘..肥鵬..我..扶扶..阿玲..牛柳..蕃茄..

佢地約左9點先o係金香等..

今日起左身之後..成個下午都係幫屋企整野..整下間屋..時間都過得好快..

我約左阿玲同扶扶o係龍豐等先再上去..8點幾我同阿玲會合先..扶扶?又失左蹤= ="

打佢電話又唔聽..人又唔知o係邊..佢講過話要去m記開會..我地就去m記睇下搵唔搵到佢..

我地一路傾一路行..行錯路..於是我帶阿玲行條捷徑過去..條捷徑係一條後巷..

都幾黑下..冇咩燈..雖然係錦..但係我行o個時真係唔驚..仲好大聲錦同阿玲講野..

佢唔知點解佢冇出過聲..行完條後巷..我問佢做咩..佢竟然同我講佢feel到好多野(係咩你地應該知喇)

我聽完之後係有D驚..不過我就好慶幸冇帶包包出黎..唔係我諗我喊住走tim~~

我地去到m記之後..裹面D人話佢走左..我地都唔知點好..已經9點幾..遲左好耐..所以我地唔等扶扶就上去搵佢地先..

上到去.. 哇 ! 哇 ! 哇 ! 真係真係好耐冇見..開頭有D陌生既感覺..但係坐耐左..傾左一陣..終於有番熟識既感覺喇..

好開心可以再見到你地丫大約9點半扶扶終於打比我喇..幾個字之後佢先黎到金香..

我地由9點幾打到11點幾..中途樹佳同波波走先..我地食下野..傾下計..玩下野...

好快時間就去到11點幾..比完錢之後我地就走喇..

我地一大班人由金香門口開始行..夜晚真係好靜..我地一齊o係街度行..有D風吹過..感覺真係超正^^

一路行一路有D人返屋企..而我就行到去火車站搭到去粉嶺再坐阿哥嫁車就返屋企喇~

返到屋企..沖個涼..同人傾MSN..一傾就傾到3點..3點就訓lu~

*好開心再見到你地丫..希望大家會再次有好似今日錦既活動喇 !

*樹根..生日快樂丫 ! ( 我知今日唔係你正日..唔梗要丫..講住先..聽日正日日記再同你講過.. )

今日係阿均既生日..今次慶祝生日既活動係去唱K..
去唱K既人有..佢自己..我..包包..扶扶..家怡..阿玲..酸梅..蕭廣豪同大口仔..
我地約左3點o係粉嶺火車站等..到齊之後..開始出發..
去旺角加州紅度唱..4點去到..要等半個鍾先有房..我地就傾下計行下錦等..
到左4點半..嘩 ! 間房大到丫.........黏線..我最唔鍾意錦大間房..
不過算喇..去到第一時間食野..肚餓到就黎暈..食完野之後..
點左好多首歌..但係起碼要等其他人唱完佢地自己點既十幾首歌先先到我唱..
一路等..係錦等..等到5點幾都冇到= =包包要返屋企煮飯..所以要走先..
好過份丫><你都未同我合唱就走..算喇..你有野做..我地黎一個goodbye擁抱之後..
我就送佢去火車站搭車..再上番去..我諗6點幾我先開始唱..我同佢地個個都有合唱過..
唱得最開心就係同家怡唱''你講你愛我''最難忙就係同阿玲and大口仔唱''帝女花''真係O晒..

不過今次真係唔夠過癮..平時我會跳埋舞嫁..雖然我好想..不過太多人喇..唔係好敢><

家怡玩到8點幾就走..我地玩得9點先走..我覺得今日唱錦耐..都係最後7點去到9點係最開心..
9點我地就離開K房..去到新世紀廣場..扶扶叫我地一齊玩個鬼屋..扶扶話佢上次玩好驚好開心..

所以我好期待錦入去..成個鬼屋唔洗一個字就行完..行到去門口..下= ="行完嫁喇..

一隻鬼都冇..無聊到嘔..點解扶扶會話好驚好好玩嫁..點知個服務員過黎同我地講..9點之後係冇鬼嫁..

啞晒囉=3=跟住酸梅同蕭廣豪就走..我地五個想去行下先返..跟住行過影相機..就入左去影貼紙相..

oh my gold~影到好怪丫~我地決定去第二部機再影過..一定要影到好好.....咦~又係影得好怪丫~

我地其實再諗住去第三部機影嫁..不過已經成11點幾..我要返屋企..所以我地決定下次約出黎補番再影過@@

跟住我地去買D野食同野飲就行去火車站..其實我好急要趕番屋企..我..阿玲同阿均都行得好快..

但有兩個o係後面行到好似漫步沙灘錦 (人名我就唔講喇..自己估喇) 唉..見到佢地行得錦開心..都唔好意思叫佢地行快D..

個大口仔行動冇影冇蹤既..前一幾分鍾另轉後面仲見到佢..後幾分鍾再另轉..已經消失於冇影冇蹤..真係可怕

去到火車裹面..我地分番D相..傾下計..好怏就到粉嶺lu..大家say個bye..我同阿玲就落車..扶扶同阿均返返去上水..

一日錦就完喇~~~

*阿均..生日快樂丫 !

*今日見到扶扶同佢錦..唔知點解我會諗起或者得出一句說話..就係..[ 愛情真係盲目 ! ]

今日冇咩特別..只係今日重陽..要去拜山..

跟住去阿婆度食飯..年年都係錦既..

不過今年就悶D..得我一個細路..

拜完山食完野..跟住同阿哥去買餸..

買完餸..阿哥去打波..我自己一個o係粉嶺上水行..

行左兩粒幾鍾..什至自己一個無聊坐o係公園吹風..

目的係拖延時間..唔想錦快返返去阿婆度..

因為太多人喇..我唔係好錐意錦多人既地方..不過最後行無可行..

6點就返返上去..上去坐一陣睇一陣小說..跟住食晚飯..

不過都食得唔飽既..D餸係好好味..不過坐埋左o係死角位..都夾唔到餸..

算喇..唔食喇..返去食杯面..食完飯之後..坐多一陣..大家就走喇..返屋企lu !

*可能琴日自己發下脾氣..情緒化下..我好快就會冇事..我今日已經冇事喇..
  希望你唔好介意喇..因為我個性格係錦嫁喇..好容易情緒化..亂發脾氣 !