大家好~哇..哇..又一個月冇打日記喇..

今年個生日..就錦過去..好無奈錦過去..

 因為一場大雨..令到我地咩都搞好晒既活動都要取消..

仲諗住可以玩番一日tim..冇辦法喇..天意弄人..

 維有等下一個生日或者我下年生日先去喇 ><

不過有兩個人分別o係我生日之前同埋之後約左我出去食餐飯..

就係家怡同輝..家怡o係我生日之前約左我出去食飯行街..

 去左油麻地一間叫"粉紅佳人"既餐廳食..係一間都幾有情調既餐廳..

D食物都幾好食..由其係三文魚..真係超正 ^^ E家諗起都好想去食..

之後就係輝o係我生日之後約左我出去睇戲食飯..一樣都係油麻地..

因為我想帶佢去o個間餐廳試下D食物同環境..仲有好想再食多次o個度D三文魚 @v@

睇戲我地都係選擇去油麻地睇..一黎費事去第二度..二黎想試下去第二度睇..

我地去左睇"魔幻王國-卡斯柏王子"..真係好正..睇到我好緊張..主角又型真係冇睇錯..

原來油麻地間戲院o係係屋村裹面..不過都幾舒服..睇完之後我地就去食飯..食飽飽就返屋企..

＊lee兩日都算過得唔錯..真係多謝兩位 ！
＊亦想同...同我講過"生日快樂"既朋友講聲.. " Thank XD！"
＊仲有多謝輝為我生日準備既所有..雖然因為一場雨所有準備既野都.....不過我都好開心.. " Thank XD！"

以上..今年生日雖然因為一場大雨而要取消..不過都總算o係我一片黑暗中tim有一點色彩 =]

好喇..講番lee排先..其實lee排我都冇咩野做..成日都o係圖書館流連..因為我覺得圖書館真係一個好舒服既地方..

可以靜靜錦睇書..唔錯既舒適地方..我都好耐冇出過街lu..天氣錦熱..真係唔想出..

天氣熱完..E家就到落雨..真係唔知講咩好 = = 琴日玲打比我..問我番唔番工..聽完佢講D細節之後..

我應該都唔會番嫁喇..佢叫我問埋阿包先答佢..其實我都覺得阿包唔會番嫁喇..錦夜晚咪打比阿包問佢囉..

果然冇估錯..佢真係冇興趣..本來目的淨係問佢番唔番工..點知傾傾下就傾左成個鍾..因為我同阿包都幾耐冇見..

琴晚其實我都幾開心..琴晚有落雨..留左o係屋企..都幾無聊..阿爸話今晚想食豬手..我見媽咪食完藥好累..

我就話幫佢整豬手..媽咪就講比我聽點整..我就照佢點講我就點做..之前我都睇過媽咪幾次點整..

所以都有D記憶..不過得個睇字..真係好難學色..今次自己一手一腳整..真係完全記得晒..成個下午我都係o係度整豬手..

整完出黎..我都好驚失敗嫁..點知郊果好好..我屋企人講左幾次好好味..我阿爸同我講左句"繼續努力"..

我阿哥就同我講"估唔到你都有D有用之處"..真係過份 >.< 而我媽咪就問我"點呀..開唔開心呀 ? "

講真..真係好開心..好有滿足感..你煮出黎既野..人地會因為你煮出黎既lee碟餸而tim多一碗飯..lee種感覺..

o係我個世界裹面..真係冇野比lee種感覺更有滿足感..所以我決定..我要好用心更認真跟我媽咪學習..

希望我可以學到更多..可以煮比更多人品嚐

前幾日係母親節..雖然係遲左D..不過好過冇講丫

o係度同各位朋友既媽媽講句 " 母親節快樂 ! "

都好耐冇打日記..因為lee排日日都差唔多..冇咩特別想打..

我諗維一特別既係..我大傷風><其實都好耐嫁喇..不過成日以為係nose敏感..

所以冇咩點理..不過幾日前開始頭痛..食左D頭痛藥就冇咩點痛..

不過今日包左好多雲吞..好累..好辛苦..頂唔到喇..

聽日去睇醫生..希望快D好番喇~~

講番琴日先..琴日約左成大班親戚入黎屋企打邊爐..

D人話多唔多..話小唔小喇..計埋自己屋企人..都有成8個人..

不過佢地夜晚先黎..錦下晝我就同媽咪出去街市睇下有咩新鮮野買..

行左好耐..魚類..海鮮類..蔬菜類..肉類..行左好多檔..

不過我只係負責拎姐..真係拎死我..左右手每一隻起碼五大袋..

就算D錢係我阿麻出..但係真係辛苦死..做餐死..

前日我既大掃除..都係因為佢地黎..所以先會做得錦認真..

真係佢地黎一次..累到好似返左10日工錦..真係好辛苦好累..

買左好多野都係六百幾..都幾平..返到屋企..仲要整..將D野清潔喇..

切開一舊舊喇..仲有整開一碟碟..到左7點..佢地全部黎喇..

其中有一個表哥由荷蘭返左黎..錦耐冇見..靚仔左又高左^^

去到8點幾..所有野整完之後..可以開始打喇..一大班人熱熱鬧鬧..

嘻哈大笑..係唔同D既..表哥佢好大食量..真係估唔到..不過食多D都好既..

大家食到大約9點幾..就坐底傾下計..大約10點度佢地就返屋企喇..

佢地返晒屋企..我地又要汁屋..汁完屋..我就訓喇..因為聽日要好早起身~~

至於今日..7點半我就起左身..約左個賣家交收..唔可以遲到..所以突登早D起身早D出去..

約左人地8點10沙田等..8點我就出門口..岩岩好搭10就去到..最準時都係lee一次..

今次交收個賣家比我個感覺好nice..好親切..佢D說話喇..動作喇..比左個錦既感覺我..

成熟D果然係唔同D..交完收之後..我就返去聯和墟食早餐..諗住去樂斯食..

點知一入去見到阿爸都o係度..真係好..又一餐唔洗自己比XD..

食完我就走先..因為我想去圖書館續借D書同租多幾本..lee排我真係好鍾意去圖書館..

因為真係好舒服..睇書一流地方..睇到10點幾..媽咪打黎講話食咩早餐..

所以過左一陣..我就過去租書..去買早餐就返屋企喇..返到屋企之後..

成個下晝大約都o係房睇書..去到夜晚..出左去T'Cafe食飯..食完飯返到屋企沖左個涼..

就上網用e-mail同msn同人傾交收既野..我覺得D人真係...好好笑...?? 好多人o係msn傾傾下拍賣就會狂問你D野..

例如:你係女仔??幾多歲??讀梗書??中幾呀??點叫你好呀??等等問題..

我真係呆左..已經有兩個係錦..一輪咀問我lee D野..我都唔知答佢邊樣好..佢真係打得好快..

更可況我點解要話比你聽..真係可笑..不過我都有答..錦就梗係作嫁喇..

無端端又講自己既野..我真係唔知比咩反應好..= ="算喇..我都唔理佢..由得佢..

聽日都要早起..所以跟住就訓喇~~