酷熱天氣警告現正生效 @@ lee幾日真係好熱呀..熱到都唔想出街..

大家出街真係要小心中暑同埋曬傷皮膚呀..男同女都係.."機"膚好重要嫁..要有適當處理呀..各位~

講番琴日..琴日錦熱..都係留左o係屋企..前幾日同阿包出街..租左幾套戲..所以今日o係屋企睇戲..

租左套"柴犬奇蹟物語"同埋"舞出真我".."舞出真我"我有好多朋友都話好好睇..

都唔錯既..幾正丫..跳d舞同唱d歌都好正..你地果然冇介紹錯呀 ^^ 之後就睇"柴犬奇蹟物語"..

lee套仲好睇..我同我媽咪都睇到好緊張..我同我媽咪都好鍾意睇動物片..一有lee類片我地都會租黎睇..

一來感人喇..二來我覺得d狗狗真係好識做戲..有時覺得仲識做過人tim呀..所以我真係覺得好吸引..

我睇"柴犬"真係由頭喊到落尾..不過最後都係happy ending..麻里都冇死到..真係太好喇

睇完"柴犬"..入廁所洗面..我先知道我塊面紅到好似蘋果錦..可能一來有喊同埋又熱喇..

見到麻里..令我諗起以前養過以故既狗狗們..唔知佢地o係上面點呢..佢地投左胎未呢..真係好掛住你地~

睇完戲..過左一陣..好想整野食..但係又唔知整咩好..打開食物櫃..見到有D啫喱粉..天氣錦熱..有d凍啫喱食都唔錯呀..

所以就走左去整喇..差d失敗左..真係嚇死我喇..好彩最後都冇野..冇辦法喇..太耐冇整過喇..XD

到夜晚想食..先發現原來屋企冇花奶..啫喱冇花奶..我覺得係冇錦好食..不過我都有食到..試下點麻..都OK..聽日要去買花奶先得~

賣相都......OK呀......芒果啫喱仔..嘻！

至於今日..熱到我都唔識講..今日都冇出街..因為要o係屋企洗廚房..我阿哥阿爸就o係出面拔草..我媽咪就打掃個廳..

大家分工合作..起身食左件蛋治..睇左一陣電視..到一點..我就開始洗廚房喇..洗左我成個下晝..因為煮得飯多..

d油煙真係好多..黏晒o係d牆..櫃同埋油煙機度..要洗晒所有..一個下晝算快嫁喇..洗過錦多次..用萬潔靈洗d油煙..

真係幾有效..試過錦多隻..lee隻算係唔錯既..如果大家都諗住洗油煙..都可以不防試下..不過記著要帶口罩..因為d氣味有毒..

不過洗完之後..好唔舒服..個頭好痛..沖左個涼之後..抖左一陣都好番d..不過都仲有d唔舒服..唔通肚餓個頭 ??

我今朝食完件蛋治就到e家..食左飯之後..果然係好d..食埋粒頭痛藥..過左一陣就冇事lu..真係太好喇..岩岩真係好辛苦..

去到9點幾就同阿哥揸左架車出去上水惠康買野..夜晚出街真係好舒服..我好鍾意夜晚出街嫁..不過都好耐冇夜晚出過街lu..

夜晚同阿哥揸住架車o係馬路上面行駛..聽住自己鍾意聽既音樂..真係非常非常之舒服..買完之後..返到屋企..

幫阿哥整d野食..睇左一陣電視..做左一陣運動..就教教豬喇~

今日朝頭早起身冇幾耐..就有電話打黎..原來係阿包..佢約我今日陪佢去搵工..

其實佢好耐之前已經話去嫁喇..不過大家都就唔岩日期..去到今日大家先得閒去..

我地約左2點半聯和墟海聯廣場等..大家差唔多時間到左..

我就陪阿包開始搵工喇..阿包今次淨係諗住搵一份工..就係7-11..

佢諗住搵間近近o地既..但係又唔想搵自己住既地區粉嶺..錦維有搵聯和墟同上水喇..

聯和墟有4間7-11..搵完一間又一間..結果4間都唔成功..請晒人..冇辦法喇..

e家7月中..個個都放暑假..邊有錦容易搵到呀..之後我地o係聯和墟行左一陣..

基本上都行晒成個聯和墟嫁喇..大約3點幾..我地就搭車去上水..去到上水..同佢又行左一陣..

由舊墟行到天平..o個到都有間7-11..順便可以探下阿哥..探完阿哥..o係o個間7-11行左一圈就走..

因為阿包話遠..所以冇見..之後我地行番出去舊墟..同阿包出街真係要好多腳骨力..行完lee度就行o個度..

真係好鬼累..同埋今日又錦熱..真係累上加累 >.< 番到舊墟..去到舊墟o個間7-11..終於見成左喇..

雖然未成功..最後都係叫你等消息..不過都好好嫁喇..之前o個幾間..係連見都唔見..所以我地覺得成功左嫁喇..

之後今日既搵工就完結喇..哈哈..好似好兒嬉錦..不過lee個就係我同阿包既性格..嘻嘻！

之後我就要去買餸..佢陪左我去..買完之後..我地就行去搭車返屋企喇..途中經過商務..我地就行入去睇下..

有好多書都好想買呀..一套小說同一本講cooking既書..但係太貴喇 >_< 之後睇左一陣諗住走之制..我聽到有個女仔向

佢朋友介紹一本書話好好睇..佢好開心錦同佢朋友講lee本書點好睇..佢點解錦鍾意..

跟住佢個朋友問佢lee本書係講咩..我聽左佢好開心講lee本書點點點..所以我都好有興趣lee本書係講咩..

我同佢朋友都好留心錦聽佢講lee本書係錦咩..佢話......"講有個女仔比人強暴左..後黎睇唔開..走左去自殺..

死左之後被打左去地獄.."..講到lee度阿包已經拉左我走..之後我地就各自各去搭車返屋企..我e家諗返..

佢個朋友當時既表情係O左咀..我都啞左..lee本書竟然睇到佢錦開心..如果o個個係我朋友..

我諗我都要從新去評估下lee位朋友..哈哈..搭到去屋企..落車撞到個鄰居姨姨..佢笑住錦同我打招呼..

我覺得佢lee個笑好溫柔..跟住我都笑住回番個招呼..o個刻我覺得...唔知點解有一種開心既感覺..

其實都有其他姨姨都會笑住錦同我打招呼既..不過有開心感覺都係第一次..仲有一種幸福既感覺tim..

lee幾日個天都唔好..都冇咩太陽..唔係陰天就落雨..再衰D既就行雷閃電..

個天係錦..連人都係錦..我有好多朋友一係唔開心..一係好煩惱..

所以前個禮拜..我都好小o係屋企..同佢地出去陪佢地散下心.. 

至於7月2號..阿恩打比我..話好好好唔開心..係私人問題..見佢錦..又點忍心唔理佢呢.. 

所以咪陪左佢出去行陣..同佢散下心..坐低飲下野傾下計..傾左一陣見佢心情好番D..我就返屋企喇..

阿恩..今日唔知聽日事..諗錦多都冇用..開心又係錦過..唔開心又你錦過..放鬆D..輕鬆D吧~

去到7月6號..今次到家怡唔開心..係感情問題..佢今日約左我同bobo去旺角唱K lunch散心..

作為好姊妹既我同bobo就梗係會應承喇..當日有落雨..雖然開頭我個心都有動搖唔想出..

因為我好唔鍾意落雨出街..不過今日係去見兩位錦耐冇見既姊妹..最後我梗係有出去join佢地喇..

見到佢地兩個..第一時間就拎左我D糖黎食..果然係我D姊妹XD..bobo真係好耐冇見喇..

見到面真係好開心..我地o係火車路程有講有笑..不禁令我諗起以前返學..真係幾開心..

跟住就開始唱K..開頭我真係好唔自然嫁..一來太耐冇見佢地..突然唔知點相處..二來太耐冇唱K喇..

不過玩耐左..玩玩下我又同佢地玩得好癲..大家唱下歌..傾下計..食下野..影下相..好快就夠鍾喇..

真係想唱耐D..維有下次喇..之後我地就落左下面打機..真係玩到好搞笑..時間過得真係快..

到左兩點幾..我就有事要返屋企先..sorry丫><陪唔到你地到最後..下次要再玩過呀..

家怡..唔好唔開心喇..好快就會有個好男仔o係你面前等梗你..就算冇..都有我同bobo lee兩個好姊妹o係你身邊陪住你~

去到今日..終於有一日留o係屋企喇..去左錦多日街..今日就梗係要幫手做家務喇..今日原來阿哥返夜晚..

真係好..有人幫輕下..隋住音樂一首一首錦唱完..我都好快做完我D工作..而我阿哥..佢都好快做完..

不過一路做佢真係好多野講..我同我媽咪都覺得做野佢唔o係屋企..原來係錦寧靜..去到6點幾阿哥去左返工..

我就開始煮飯..煮完食完..我就返左入房包漫畫..因為我o係漫畫店買左好多漫畫..有成百本..真係有排包..

冇辦法喇..唔包好易爛嫁..E家漫畫太多喇..真係怕冇地方擺..要諗諗辦法喇..之後就沖涼..做運動..訓覺覺豬∼

個日記終於整好喇..用左幾日時間..之前真係愈整愈糟糕..幾驚個日記以後都唔見得人><

不過好彩最後都搞店..雖然唔係好好..好靚..但係盡左力嫁喇..大家覺得點呢 ?? =]