又好耐冇打日記喇..今次唔係我忙..係我懶= =不過lee排都有好多人冇打日記..

 日日睇都係o個篇..唔知係唔係因為天氣問題而導致大家錦懶惰呢??

好多節日錦就過去喇..聖誕..新年..情人節..不經不覺就過去..

聖誕我就返工返工返工錦過去..新年就......頭幾日去左返工幫老闆娘做埋幾日..

跟住就去親戚度拜年..連續行左上水幾日..行到我都好悶 ><

至於利是錢..都係差唔多喇..今年就多左老闆娘o個份..佢比左四封我..

佢話一封係開工利是..一封係收工利是..兩封係私人利是..都唔多點解會錦多?

不過佢比我咪收囉^^亦好估唔到今年比得最多我既就係老闆娘..都有二百蚊..真係多謝你

我已經冇返lee份工lu..大約都做左兩個月..其實老闆娘佢對我都唔錯既..雖然開頭唔係..同小欣..Gary佢地亦唔多兩句..

可能大家唔熟喇..不過漸漸熟絡左..大家相處唔錯..幾開心..後來包包既加入..再令我地增添幾分色彩..

有時大家都玩得好開心..隔離店梁家輝..bobo哥都幾好傾幾好玩..有機會我會帶埋包包番黎探你地嫁..

小欣..Gary佢地應該都會仲o係度做既..唔知加螢..阿桔佢地係唔係呢 ? 真係要到時番去先知喇~

講到情人節..都冇咩野做..本來想搵你地一齊過既..不過諗諗o下..都係費時阻住你地喇..

所以同左爸爸媽咪過..出去食左餐飯..出到去..真係到處都係情侶同埋花花..情人節果然係情人節@v@

至於今日..起左身之後..成日都o係屋企..食野..睇電視..上網..真係好耐冇試過錦得閒..不過只去到5點///

媽咪叫我出去買餸..今日真係黑仔..唔出街都冇事..一出街就出事..出到去已經6點..街市都冇咩野可以買..

諗好晒既餸要諗過其他餸..好喇..買完餸..拎住一秋二袋去大快活買點食物..點知有個阿伯都唔知係唔係排隊..

對眼就望住D食物牌..但係就企o係排隊o個度阻住左..跟住我唔理佢..企o係佢後面排隊..點知佢突然打個大"黑痴"..

我嚇到"吞"後..佢竟然跟我"吞"後..仲一腳踩落我腳"箏"度..佢踩我既時候..o個一下佢失平衡..係將全身既力踩埋黎..

我已經好痛嫁喇..紅左成撻..可能佢都係失平衡喇..所以佢最後踩多我另外隻鞋一野..跟住我一路捉住痛o個隻腳一路望住佢..

本來我幾想罵佢既..不過佢踩完我之後..同我講左幾句對唔住..我不但冇罵佢..仲笑咪咪同佢講番唔梗要..唉.........

我番去話左比個fd聽....佢話比著我已經罵左阿伯好耐..話我好蠢..我做錯左??我就覺得..如果我真係罵個阿伯..我就真係做錯喇..

跟住我都係拐下拐下錦行番屋企..幾慘呀兩隻手拎住D野又重..隻腳就痛..幾想搵人求救..不過我諗你地都唔得閒嫁喇..

所以我咪慢慢拐番屋企lu..你地話係唔係好黑??.........................

*錦耐我都未同你地講..E家一次過同番你地講..." 聖誕快樂 ! "..." 新年快樂 ! "..." 情人節快樂 ! "...

嘩 ! 真係好耐冇打過日記喇..有冇掛住我呢??(^.<")睇番上次打日記既日期..都有成個幾月冇打喇..

冇辦法喇..lee排多野忙..都冇咩時間..不過今日有D時間..好想上黎打番一日..

今日我係要返工既..包包都係..我地一樣都係返兩點..所以佢約左我1點2 o係火車站等..

今日真係好凍由其係對手..出左街之後冇離開過個衫袋..因為對手真係好冰凍..

一路插住對手..一路行路..真係好驚自己跌倒頭向地..不過好彩都冇..哈

我遲到左一個字先到火車站..見到包包縮埋一舊坐o係度..錦又係既..佢錦怕凍..

如果唔係要返工..我諗佢仲o係被窩度..同佢傾左幾分鐘返工既野火車就黎喇..

上到火車..包包o係錦玩我條頸巾..至於我?? 咪無奈囉..真係錦好玩??

傾傾o下..好快就到旺角..返工前..去KFC買個飽食先..再唔買就會餓死= =雖然已經遲到喇..但係唔理喇..

搭3先返到去..小欣見到我..第一句就話"阿彤..你終於出現喇..好耐冇見丫"..我啞左..前日先見過..好耐冇見??

跟住我地就開工喇..今日都算做得輕鬆..老闆佢地又唔o係度..成間鋪得我地D員工..做做o下..好鬼眼訓丫..

跟住包包又係..我o係錦諗辦法諗住搞醒佢..但係佢都仲o係錦..不過反而就搞醒左自己..算喇..唔理佢喇..由得佢坐o下喇..

之後kary同老闆個仔(我地稱佢為細簡生!)都返左黎..有成5個人..就算多人客都冇錦辛苦..做到7點幾..開始冇咩人客..

細簡生行開左..我地D女仔就圍住傾計..傾左一陣..大家都肚餓喇..我同包包就落去大家樂買飯盒食..我發覺小欣真係好奇怪..

成日誤會我同包包既關係..我同包包一路食一路傾計..例如傾o下盒飯或者個客點錦喇..佢就話我地談心..

今日佢仲問左我一個問題搞到我一壓汗..佢見到包包餵我食左舊撈撈之後就走過黎踏住我膊頭問我..

"包包叫你就錦溫柔..叫我就用一把老牛聲..老實講..你同包包係唔係有一種不可告人既關係姐??"

跟住我O左咀..然後笑左一笑..講左句"你想我點答你??唔好傻喇 !"就推開左佢..其實唔淨只佢..老闆娘同隔離阿妹都係錦懷疑..

錦又係既..包包成日以玩既心態講埋D令人誤會既說話..我地成日玩玩o下又做埋D令人誤會既動作..又成日同台食飯..

返工放工都要一齊..但係一般朋友都係錦嫁喇..都唔明有咩好懷疑..所以我都唔想再解釋..解釋極都係錦..最好就係..

我第時有男朋友..一定要帶佢過去比佢地見o下..還番我一個清白..好似講到有點誇張tim..哈..lee D都係遲D先講喇..

食完飯之後..都係冇咩客人..我地D女仔都係圍住傾計..傾傾o下..o個個梁家輝走過黎搭訕..開頭本來就大家問IQ題..

跟住突然就變左講鬼故..我同梁家輝係講得最多..小欣就嚇到好驚..不過佢又要驚又要聽..真係頂佢唔順..

之後佢講左一個鬼故又真係幾驚..個故事係大約係叫D男仔唔好成日甩D女仔..唔係一定有報應..跟住我地D女仔就o係錦指住佢黎話..

勁搞笑^^之後佢就好想狂講鬼故..佢就扯住我話要講..其實o個時我同包包已經放左工..但係佢係都要話比佢講完先..

跟住包包就話"你聽埋佢講喇..唔係佢唔會心息.."..所以我同包包就聽埋佢講lee個鬼故..聽完佢就話"下次再講..我有好多.."

其實佢講故事都幾正既..唔錯! 唔錯! 跟住10點半..我同包包就走喇..夜晚既天氣仲凍..返到粉嶺火車站我同包包就各自返屋企~

講開上黎..包包今日唔知點解成日攬住我..我有問點解嫁..佢就係講句"我想攬囉"..真係奇怪..

今日全日都係錦過..都算唔錯..我都過得幾開心XD

*家怡之前生日..我都未o係日記講生日快樂..E家講番^.^.."家怡..生日快樂丫!"..雖然份禮物到E家都未送到..其實我慢慢準備好..
  都完成得7788嫁喇..不過都仲差小小..大約應該1月尾會完成..你等多幾日丫..要有心理準備..滿心期待丫..嘻

*你地最近過成點丫??開心??唔開心??都好耐冇搵過你地喇..真係有D掛住你地..><

*琴日睇左個電影預告..都幾想睇..諗諗o下我都好耐冇睇過戲喇..o個套電影叫"魔法奇緣"..有冇人有興趣呢??

*今日同包包突然話有好多野想去食..例如大家樂打邊爐..PIZZA..KFC 1桶雞唔知咩咩餐..燒野食..等等..但係錦多野食..
  又唔想得我地兩個食..你地有冇興趣丫??

今日雖然係星期日..但係我都要返工..

又唔係得我一個既..包包..小欣都要返..不過佢地返早過我..

小欣返2點..包包返3點..我就返4點..係最輕鬆既一個..哈哈~

今日我返得好開心..係由個心度開心出黎o個種..

今日完全冇我琴日講o個種壞性格既感覺..所以真係..真係好開心..

好希望以後我只有lee種感覺..我知道如果要做到錦樣..

係需要好長好長既時間..唔梗要..我會慢慢去改..

我要改到無論人地同我講D咩..係好係壞都好..我都唔會再有咩感覺..

我只會以笑對人..

不過今日衰鬼包包就同我講左D好恐怖既野..搞到我唔敢去廁所..

至於咩恐怖我就唔講喇..我諗熟包包既人..就會知道我想講咩

每個星期日既夜晚都會有鬼故聽..我屋企人就好鍾意聽..但係維獨我就好小聽..

但係今日我就好細心錦去聽..因為林峰上黎講..真係好開心..不過佢講得都唔係好驚..

不過仲好喇..聽到佢把聲就得..真係好鍾意林峰丫><

講開鍾意男藝人..我都幾花心嫁..唔靜只就係鍾意一個..不過都唔係好多..幾個姐..

下次有機會先再講係邊幾個喇~