今日係包包生日..我地約好今晚去打邊爐
lee排我都係12點幾起身..但係今日11點幾就比一個電話吵醒左..
係家怡..佢打黎係叫我起身同傾一D野..傾傾下..
連包包都打比我..今日真係多人叫醒我..
跟住我就左一個電話..右一個電話..
同佢地傾左一陣..因為我要刷牙洗面..就同佢地收線...
2點幾去左食野..食食下..包包又打比我..傾傾下..
玲打黎..於是三個一齊傾..傾到三點..玲收線..
我同包包再傾到4點就收線..跟住我就上o下網..msn同人傾下計..
5點我就去左沖涼洗頭..到6點家怡約我8點孖8等去打機..
6點幾我就整頭同著衫準備出去..7點就出去..join左家怡..
就同佢玩左幾鋪孖寶同籃球..跟住行左陣街..就去金香喇..
去到..有D好耐好見喇..有小小興奮..我地等齊人之後就開始打邊爐喇..
打既過程我唔講喇..唔係作得文嫁喇..只係成日比好多人望(原因唔講喇 )..
不過好唔自然..同埋我地拎酒拎得太厲害..比人check身份證..所以有D比人話唔飲得..
但係又冇check我波..可能我既樣比年齡大掛..不過我都係飲左一罐..
我地玩到12點就走喇..不過扶扶又飲醉左..仲差D跌落電梯..唉..................
我地十幾個人見到扶扶錦..都係諗住送佢返左屋企先各自返..
但係佢唔肯返..我..家怡..包包勸左佢好耐佢都係錦..但係我又要趕住返屋企..
突然家怡走上黎摑左佢一bar 其實都唔怪得佢既..因為當時有好多人都唔耐煩..
跟住佢走左去m記..我真係唔想再等..我同家怡講..不如我地大力D且佢返屋企喇 ..
我地有錦多人..我唔信且唔到佢返屋企..我講完之後..家怡同包包就入左去且佢走..
本來我都係嫁..但係媽咪急call..媽咪話左我好耐..我覺得我好唔聽話..應承11點返去..但係...........
所以我流左幾滴眼淚..玲..包包..家怡同均見到我錦..玲突然摸我個頭..包包攬住我..家怡問我有冇事..
均企左o係我隔離..雖然你地只係小小動作..但係o個幾刻我真係感到好溫暖..真係好溫暖..
後來我媽咪叫左阿哥揸車出黎接我..我地去到彩園..均同余家家負責送扶扶去門口..其他人各自走..
我就叫阿哥送包包..家怡..玲返屋企..送晒佢地返去之後..我同阿哥就返屋企喇..
突然個頭好痛..可能飲左小小酒喇..返到屋企..同媽咪解釋完沖左個涼極舒服..
唔知點解訓唔著..打左比家怡傾左一陣開始眼訓..3點幾就訓喇
*包包..生日快樂丫！
*o個幾刻多謝你地丫..我真係好感動！
|
