今日成日我都係我媽咪既..點解 ? ? ?

因為今日我要幫我媽咪慶祝生日..不過只係預祝姐..

正日唔係lee一日..不過唔梗要喇..係正日又好..唔係正日都好..

我兩日都會幫你慶祝既..哈哈.......不過慶祝左今日先..

其實點解要分兩日 ? ? 因為要同埋婆婆..公公..舅父..

所以今日就係大家既..正日就係只得我..阿哥..阿爸..=]

今日起左身之後..就出去活動左一陣..之後食左小小野洗埋個頭就坐左o係度..

等埋媽咪同阿哥整好晒著好衫就準備出去..佢地搞店晒之後..大約點幾度我地就出去喇..

首先要去接婆婆佢地先..先一齊再去酒樓飲茶..好耐冇飲茶喇..

突然覺得D點心好好味 @@ 大家食下野傾下計 ( 基本上我係o係錦食..冇咩點講過野 )

飲完茶之後..我地就去左惠康行..睇下有咩要買..買晒所有野之後都5點lu..

就返婆婆屋企準備煮飯..等到阿爸買晒餸上黎..今次就由我同阿爸合力去煮喇..

哈...我只係助手黎嫁姐..最後都係要媽咪幫手 >< 今餐飯真係好好味..大家都食得好開心

睇埋 " 尖子攻略 " 大約9點半度我地就返屋企lu~~~

前幾日阿輝問我有冇興趣去沙灘BBQ..同佢教會既朋友and其他朋友..

我考慮左一兩日之後都決定去..當識多D朋友或者出去開心下都好 =]

到左今日..我地約左12點半粉嶺等..我今日好早9點幾就起左身..

因為想沖個涼洗個頭..亦費時我整lee整lu搞到遲到就唔好喇..

整晒所有野..時間岩岩好就出門口..見到佢地喇..有3男3女..本來仲有兩個既..

不過佢地臨時唔得閒..我..阿輝..阿智..ice..kimmy..小肥..6個人到齊..

之後我地就去大快活食個lunch先..大家食下野傾下計..原來ice係空姐..佢講左好多關於空姐既野..

真係好搞笑 XD 另外佢地話小肥整甜品蛋糕好勁好好味..有相為證..真係得閒要請教下佢 =)

傾到大約3點度我地就開始出發喇..途中我同ice傾左好多野..不過佢最後都決定唔去..

其實佢今日都要fly..佢怕趕唔切返..所以維有下次喇..變左3男2女..我地搭巴士直接去沙灘..

搭巴士時..我都有同kimmy同埋阿智傾下計..我覺得阿智真係好熟面口..

我忍唔住問佢 " 我係唔係o係邊度見過你 " ..佢話 " 梗係喇..我之前都係讀上官嫁 " ..

我話 " 唔係呀..我覺得係更之前就已經見過你錦 " ..經過我地一番思考之後..

原來我地真係好耐之前就見過..我小二小三..佢小五小六..我地一齊讀同一補習班..

我地真係有緣..係唔係應該講句久別重逄呢.........哈哈.. 不過都唔只佢一個..之前都有一個同我讀同一間補習班..  

而且重係同一班..幾年之後..竟然同我讀同一間中學..又係同一班兩年..

不過佢性格真係唔同左..真係180度大轉變..不過都係一件好事黎既..如果唔係..

我諗我會好討厭佢..而且亦唔會忘記以前一件事..雖然唔知佢認唔認得我..不過E家既佢都令我對佢有點改觀..

離左題tim..講番講番..

男仔換好衫之後..坐左一陣我地就開始玩喇..本來我都以為唔會濕身..我都冇諗過會玩水..

跟住我地就開始玩遊戲..輸左就要比人淋水..雖然輸最勁o個個唔係我..但係都係輸家o個方..

由頭濕到落腳..成身都濕晒..唔理lu..豁出去玩..個個都濕晒..途中吸引左好多小朋友望..跟住仲同我地一齊玩..真係有趣 =]

之後我地就玩樸克牌..有一part我同小肥鬥到難分難解..真係搞笑 XD 之後有點累..阿輝就灘o係度休息..

阿智去左游水..其他就坐o係度希望可以吹番乾個身..過左一陣..有一個男仔加入..叫阿恆..

之後我地繼續遊戲..輸o個方就梗係都係被淋水喇..岩岩先吹番乾個身..個心o係梗講唔好輸呀..

世事就梗係冇錦好嫁喇..一樣我都係輸o個方..仲有阿智同阿輝..我覺得我同小肥o係遊戲上真係好鬼冤家..

唔係我淋佢就佢淋我..真吹脹 @@ 最後佢地四個男仔四人戰..睇到我同kimmy都笑..

阿恆真係好彩..佢都冇咩點濕既..大約去到6點幾都玩到差唔多喇..大家都肚餓喇..由其我已經餓到D腸都轉埋一團 = ="

 因為lunch食左好小野..能夠捱到lee個時候算係錦嫁喇..之後大家都去左沖涼..我都係第一次著住D衫去沖涼..

因為係共用嫁..我冇可能當眾除衫錦失禮..但又唔可以唔沖..因為D海水好喊..唔沖真係唔得..

好彩我o係屋企以防萬一拎多套衫去..沖完個涼換好晒衫..成個人都爽晒

大家都搞店晒之後..就出發去自助BBQ場..又係搭巴士直通過去..

大家傾下計好快就到..去到等一陣就有爐火..班男仔就已經衝左過去咩都拎黎食..因為真係好肚餓.. 

都係叉燒同面包係最好食..而佢地..都只係食左一半..之後時間我一係睇電視..一係望住佢地燒野食..一係聽佢地講野..

去到一半..其實我有點眼訓..因為真係有點累..不過都要頂住..去到10點幾大家都食飽飽喇..

之後大家就一齊搭巴士返上水..kimmy話只得一個站..下個站就係上水..我仲真係以為好快就到..

係真係只得一個站..不過段路程係勁長..等等下我都訓著左..我都好似見到大家都訓著住..

lee段路程都用左幾個字至半個鍾..到左上水..大家講句bye bye就各自散喇..我就去聯和墟join埋阿哥返屋企..

阿輝送到我去車站..我諗大家都好累嫁喇..之後見到阿哥就一齊坐車返屋企lu~~~

*今日都玩得幾開心..可能我都好耐冇出街玩過喇..而且亦好耐冇去過沙灘同埋BBQ..所以我都玩得好放好開心

好開心可以識到你地..希望下次會再見喇！

mu......睇睇先..哇...都有好幾個禮拜冇打日記喇..因為都唔係好得閒..

至於今日...真係好驚險..我起左身之後..約左人出去有野做..

所以食完野之後..點半我就出門口喇..今日搭車真係好驚..

我由屋企出去咩地方都要搭小巴先既..小巴我坐過錦耐..

真係覺得每一架都開得好快..佢地好似分秒必增錦..

我唔知其他地區既小巴係開得幾快喇..但係我o個邊既小巴係開得好快..

開到個車速計超晒"鏢"..錦今日我都係如常搭小巴出去喇..

個小巴司機都係一樣開得錦快 =.=" 開下開下途中..我就坐o係度發呆聽歌..

聽下聽下..突然個司機好快錦殺車..我地每個人都由坐o係度變到企o係度錦向前鍾..

好彩我反射動作捉住左D野..個衝力都冇錦大..唔係我諗我已經衝左出去喇..

原來係個司機o係轉彎位開得太快..突然有伯伯行左出黎..差D炒車 ><

不幸中之大幸..冇做成意外..如果唔係..我諗我都訓梗醫院..上埋報紙喇..

不過我見好多人都撞到..包括我都撞到隻手..真係痛到我喊.."魚"左一撻..好痛丫

雖然今次係個伯伯唔岩..衝出馬路..但係D小巴司機都有責任..唔應該開錦快..

好彩冇D小朋友同老人家詐..唔係就真係不堪設想...呀∼∼∼諗起都覺得驚同痛 >.<

講起炒車..我諗番起以前細個一件又係好痛同好恐怖既事..以前細個我好鍾意同D鄰居出去踩單車..

我記得有一次我同D鄰居小朋友用踩單車黎玩捉"衣欣"..到我捉人既時候..我好急想捉到人..

所以踩得好快..點知我前面個單車輪..店到我前面架單車個後面既單車輪..可能係前後磨擦既關係喇..

我由個單車拋左出黎..塊面落地..我左邊面損晒..超痛超恐怖..我用左幾個月或者半年既時間先好番..

不過又係不幸中之大幸..我塊面冇留下任何巴痕..真係好彩如果唔係..唉∼∼唔敢講會變成點..

之後做晒所有野..我就返屋企喇。

各位好朋友..你地點呀 ?? 過得好好定唔好呀 ?? 好耐冇見喇..真係好耐喇..有冇掛住我呢 ?? 哈哈..
我 ?? 我有掛住你地嫁..lee排成日都有拎個相簿出黎睇..仲有以前有D朋友寫比我既卡..送比我既禮物..
記念冊..記念簿..好多好多..黎去諗番以前大家係點既..(死喇..好似講到我地好老錦tim)..
不過每次睇完我都會o係度笑..都唔知點解..好似好傻錦..嘻 ∼∼ 希望大家都過得好好喇！