今日真係勁唔gur囉!!!

朝早返學,,係KF坐88D去青衣啦
又見到魚旦佬..佢唔知我都係架車
佢坐左去個form4? 隔離..
見到佢全程係咁聊人講野..
扯住唔放..個人都唔想理佢..
好啦//落車個時我都唔想比佢知我都係呢架車
打算最後先落..點知個f.4竟然比我落先..
佢自己最後落..一睇就知佢想避魚旦啦
但我落車個時..魚旦竟然等佢..

所以我都比魚旦見到我..
禮貌上都叫佢1聲丫sir啦
點知佢同我講:
"嘩!你d頭髮好長呀, 好剪喇
 幾乎要剪4寸呀~好快d剪喇"
我敷衍佢一句:唔  就急急腳走左..
心諗：剪鬼咩．．剪落４寸我個頭仲要得？
　　　唔通好似你咁魚旦呀．？

今朝開始考mock ,, ENG paper 1&2 ,,
listening都唔係幾好呀..都幾多miss左
中途竟然食帶..=_="

之compo.　好恐懼∼！
見到份ｐａｐｅｒ之後都定ｄ．．
揀左ｔｗｏ－ｓｉｄｅ　ａｒｇｕｍｅｎｔ
好順利咁作完．．多謝你呀∼美樂∼

完左之後就返家喇∼∼

哈哈∼今日偷偷地打左１個鐘ｗｉｎｎｉｎｇ

３點幾約左福水出ｍｋ

頂∼！呢段奇遇真係唔記唔得！！
話說我３：３５出門口
去到巴士站３：４０啦，
已經有條龍係到，以為就快開車啦
點知等到３：５５都冇車！！（有２架３６Ｍ，但冇人去開）
我忍唔住喇！！！爆發了！！
就去隔離個休息室敲窗！有４條ＭＵＫ咀係入面
我就問：開車未呀！！等左咁耐
車長甲：等陣啦！好快ｇａ喇
我：等幾耐呀？仲唔開？
車長甲：出面葵涌道塞車呀！
我：塞車？塞車都要開架！咁塞到聽日，唔通聽日都唔開呀？
車長甲：冇車呀！
此時，其他１個丫叔同丫婆見我夠疆出聲，佢地都忍唔住
就向個車長甲連珠發炮（個車長甲由一開始語氣已經係極差）
佢２個係咁話要投訴佢，問佢咩名，但車長甲唔肯講

我再次出聲：其他線（３６，３６Ａ，Ｂ）都開左幾架啦
　　　　　　冇車？呢２架（有２架３６Ｍ停係度）唔係車呀？
車長甲：我地冇司機，Ｄ司機去左食飯！
我：就算塞車，見咁多人等咁耐你地都應該識同我地講聲掛？唔識隨機應變ｇａ？
車長甲：呢ｄ係公司ｇｅ安排！
我：公司公司，你食濕米ｇａ？唔駛做野ｇａ？坐係度！！
車長甲：係呀！
我真係Ｏ晒咀！！

有個丫叔係我後面一路講：九巴服務，日日退步！

果個丫叔同個丫婆１路都有加把聲，個車長甲竟然鬧我地係"野蠻人"！！
心諗：我係野蠻人即刻蟄你幾拳啦！仲駛同你講野！！

擾攘到４點鐘，有架３６Ｍ返左黎，Ｄ客落晒車就即刻開返
一路去葵芳啦，真係ｘ一聲！！邊ｑ度有塞車呀！！ｘｙｚ！！
勁想寫信去投訴個車長甲！！

之後就坐ｍｔｒ去ｍｋ
去到ｍｋ上完電梯
見到１堆人，有個女人比幾個人攔住
原來個女人用特惠票，比人捉到！！
佢１路話要走，但都比ｄ職員阻住
佢係咁想突圍．．
後話就唔知喇∼

去左睇鞋∼搵到呀∼４１號．．．
買埋條褲喇∼非常開心∼

７點幾就喇，去左ＴＷ食飯
９點返家∼好攰

返到家，ＣＥＨＣＫ對鞋．．１睇．．
頂！！４２號ｇｅ．．唔係要換下．．
跟住試下啦．．點知又岩ｗｏ．．
原來下晝試個對係４２號．．但明明叫佢拎４１比我．．

＠＠”今日真係精彩！！！！　
唔知有冇其他精彩野漏呀∼