話說今晚係 "謝師宴"

好狠熱 .. 本想打條煲tie , 但都係冇買到

5點幾沖個涼 , 著下衫 , 6點鐘出門口

打小巴時.. 被側目了  ..  4 個 渾噩青年  ,  2個係TB..  係車到大大聲依泣, 睇到都想嘔

去到熊貓JOIN埋呀福&耀文 , 跟住就上去了

算早到 , 冇乜人 , 拎左張抽獎ge紙 , 21 號 , 正 !  預計今晚會中獎

入去坐低飲杯茶 ,  陳福根副校黎到打個招呼..佢竟然坐係我地隔離同我地chat..

佢好順手地攞丫沖飲過個杯茶黎飲.. 一飲而盡.. 我冇出到聲

陸續地人都到齊, 咁就開始囉

分享個part , 我地班就整左cd play相, 回顧兩年ge預科校園生活
我覺得負責ge同學整得好好(唔駛我整梗係好)

 隔離班竟然係"談心風暴" 擺佢地班主任上台ge棟篤笑劇

完晒就開飯囉 , d野都ok ge.. 但始終食得唔多 , 生野都係唔係幾岩

唔知呀..食下傾下 , 冇耐部份老師就閃先

抽獎時間.. 我地班中獎率粗略估計都有6-7成 ,  我都有份 , 第一次中獎囉 , puzzle一副..=_= 麻煩係又要o徙腦力

竟然...  話說d老師都會每人貢獻一份禮物出黎作抽獎用

有位..冇教2班ge老師..  會出現..  佢ge禮物真係估唔到..  "3卷廁紙 "!!! 仲要唔同牌子:金寶 , 潔柔 , 活力  用報紙卷埋囉~ 真虧佢夠膽做 , 替中獎個位仁兄 , 默哀

miss chan真係搞野.. 要我地班ge男仔比d女揀..明知已經少男人ga喇.. 
排出黎比人揀.. 鴨一樣.. 最後1人1件咁..影左相..無奈囉

冇乜野玩, 到左11點交場就散lu..  8個男人去左winCafe飲野 , 鋤8人大Dee.. 玩到2點人地收舖..
唔知去邊.. 已經冇車返歸 , 梗係要繼續下半場啦
最後都係去左Neway , 但得5個人.. 唱到5:45 am .. 真準時

玩到咁..失醒咁滯..就齊齊去等車散 , 頭班車都要6:20 .. 有排等..
返到家即刻訓覺......

仲有唔夠1星期就放榜.. 真係唔知自己個日會做d咩.. ....