今朝一早自己扯自己起身呀!攰死了!!!!一照鏡...嘩...好大粒瘡呀!!!醜死人啦!!平時細細粒冇乜野啦..今次竟然咁大粒..仲好似兩粒合體咁...死火啦~咁又係既...打足兩日邊爐...又熱氣到都死啵..唔爆就假啦~不過爆橫爆呀..毛啦啦爆係個鼻到...咁明顯...好無奈呀!!!!但無奈都照返學...搭地鐵個時硬係覺得好多人留意我粒野~~(魚...前世未見過瘡咩!)...

返到學校諗住仲有時間...食個早餐先啦...點知...冇三文冶得魚柳飽...火上加火呀!!熱氣死呀...食完之後...發覺唔係粒瘡痛呀!!係個喉嚨痛呀!!!點算....喉嚨痛好辛苦..又食唔到野...上次仲講唔到野添..今次唔會又係咁呀!!!??

返到課室...唔知佢係有心定冇意啦...佢問我係唔係釘左鼻環...oh my god!!我話唔係嘛..我爆瘡啵...你而家係唔係潤我先?!!!佢係到偷笑呀!!!屎忽鬼...仲俾人改左個名(kusa=爆瘡sa)...好慘呀!!!><

我終於明白...咁大粒瘡既苦況喇!!!真係唔係好掂擋!!><..希望粒野快d消失啦!!