今日一起身就有野食啦~good!食完野...睇下電視玩下電腦咁..就到3點幾啦...正諗住點樣著出街個時..就開始多疑問啦!

又要問下有咩人去啦,時間啦,地點啦~我淨係知4點係淘大等...其他咩都唔知..所以真係要問清楚呢!(廢事又俾人呃喇!),

亦由於時間太早關係,我決定改時間了,改左5點啦..因為傾下傾下都差唔多4點啦...我乜都未搞呀!唔通成個癲婆咁出去咩!

@口@"~超出奇...初頭明明話有十幾個人去...點知得返6個人去,仲要計埋我添!亞發一定好傷心呢!原本亞蚊都話唔去 

嫁...因為佢今日又去整牙呀嗎!!!但以我既爆裂紅唇之下..亞蚊都係俾我氹掂左嫁!!wakakakaka~之後就約左亞蚊係地鐵

站等...再去淘大搵佢地啦!

去到淘大...咁岩亞發,亞雄,亞樂行緊過黎啦..時間岩岩好...仲要等埋寶姐!唔洗一陣寶姐黎到啦..咁我地就傾要做咩先...傾

完..都係決定去亞寶屋企hea下啦~傾下傾下...最終都係決定去亞寶屋企打啦~寶媽仲整左杯紅酒俾我試下...飲左一啖

仔..咦..好苦呀~麻麻地好飲姐..(我唔識品嚐呢)~寶媽真係有心啦...幫我地清好晒d野~班仔就係到打機...唔洗一陣間就

有得食啦~開頭個時個個都好靜嫁...靜靜下就開始有話題啦...一路傾計一路食..哈...亞樂超搞笑...笑到我停唔到呀!!係咁

俾人串...真可憐囉~~亞雄就飲酒飲到面紅..再加上打邊爐既火..紅上加紅...亞發煙酒都唔岩佢...乖仔!!!之後我同亞寶就

開始了,亞寶個屎忽鬼..我飲左兩杯佢仲停留係半杯到!!!我飲左3杯酒咋...亞蚊唔係整左牙..我憝佢今晚都飲左唔少呀...仲

有份食添...但可惜呀..只可以食粥..飲野仲要用管..講野仲要痴利筋喎...勁個癮呀!!哈哈~咁樣都為我地帶來不少歡笑聲

呀!...........唔好講笑...今晚食左9舊粟米呀!!即刻變身成為「粟米皇后」呀!哈哈~亞樂..仲搞野囉~佢竟然鍾意食春子

呀!超核突唔好講笑..佢食得最多呀!「小春子」~

食飽之後就坐左陣....亞發搞我打機(踢波)...一開始玩射12碼先....good~唔錯...玩玩下....就開始玩對賽個d啦~我緊係

揀係皇馬啦~至愛呀嗎!雖則現實中佢地係廢廢地..但我都係會支持佢地嫁!哈~開始玩啦...一開始都唔係好掂..亞發仲讓我

3球...我自己仲入左球添呀!ya~~4 vs 0~我起勢咁擋.亞發就係咁攻...最終亞發都係入左2球咋..哈哈..4 vs 2~~ya..

完場~so good!好好玩呀!!哈哈...雖然我都唔係好知點玩個樣野...但玩玩下會上癮嫁..哈..(我而家係屋企都好想玩添呀!

呵~^口^).......打完機..亞樂就話去唱k~哈...經過一番討論(差唔多成個幾鐘呀)...最後淋出門口都係決定唔去嫁...我

地就返歸...亞發同亞雄就去「大佬」屋企,亞樂行到地鐵站就話返屋企~~之後個個一齊搭地鐵...亞蚊最早落車...嘻..今

次最遲唔係我落車呀!!亞發同亞雄係寶林落....我前佢一個站咁多耶..呵呵~

返到屋企就沖涼啦..點知係哩個時候就豬左...唉..冇留意個水制....一野就開水..d凍水係個花灑到出...嘩...俾d凍水由頭

淋到落腳指尾呀~~爽耶..凍Q死我呀!!!沖完涼..玩陣電腦~打下日記..差唔多訓嫁啦~呵~琴日又打邊爐今日又打邊爐...

正呀!!!兩日加埋我都唔知食左幾多舊粟米!!哈~~