♥ 終於都到weekend, 當然係hea 吓食吓喇 ^^
Ah Bee 已經有一段日子無出食文喇,
所以今次就出番篇喇  ♥

♥ 今個sat, Ah Bee 去咗<牛角>喥食lunch
實在太..... 太..... 太好味喇~~
不得不同大家share, 報導一吓 ^^ ♥

♥ Ah Bee 一向都好鍾意燒肉, 所以一入到牛角,
就周圍8卦隔離枱既人食緊乜, 又不停咁問職員有乜嘢好食,
最後仲爭住點嘢食添!! ♥

♥ 九龍灣呢間牛角, lunch 時間都唔算好多人,

唔係好需要等位, 就可以入內進食喇 ♥

♥ 首先送上既係柏葉刺身,

之前聽到好多人都讚柏葉刺身好味,

爽口得嚟又juicy, 所以, 我哋都叫番個試吓 ♥

♥ 牛柏葉柏切得幼幼地,一夾起放入口, 

嗰種感覺真係啱啱好, 好爽口呀 ^^, 好味好味

不過, 我個fd 就叫我唔好食咁多, 因為Ah Bee個胃唔好,

唔啱食咁多牛柏葉呢d, 咁難消化既食物 ♥

♥ 之後, 就到Ah Bee既至愛 - 牛舌,

其實Ah Bee之前好怕食牛舌架,

但睇雜誌知道食牛舌對皮膚好,

所以就愛上咗, 本來想叫個薄切牛舌,

但叫既時候, 三心兩意既Ah Bee又叫咗個厚切牛舌 - 鹽醬 ♥

♥ 份量唔多, 得5舊咋~

算喇, 唔理喇, 燒咗唔夠再叫過喇~

燒牛舌對於Ah Bee嚟講, 可以話係無難度呀,

所以親自操刀, 唔俾個fd郁手, 怕佢燒得太耐, 攪到牛舌韌晒 ♥

♥ 好喇, 有得食喇!

haha... 燒得啱啱好呀, 咬落去好嫰滑,

呢款鹽醬牛舌都幾好味, 就會唔加任何既醬汁,

都已經好夠味, 但質感就無薄切咁爽口,

相反就變得juicy, 各有各好味 (最好2隻都俾晒我食就好喇~) ♥

♥ 到牛角冷麵出場喇~

冷麵入面有薄切叉燒, 青瓜絲, 泡菜, 蔥花,

加埋黃芥末, 感覺好d特別,

Ah Bee仲加咗少少醋一齊食, 酸酸甜甜既冷麵,

好開胃呀, 而且一路食, 仲會食到d冰粒,

為炎炎既夏天降溫, 好正呀, 就算無日式叉燒,

只係食呢個冷麵, 亦都唔會覺得失色,

因為冷麵本身已經好彈呀, 好有口感呀 ♥

♥ 因為牛助骨未到, 而Ah Bee 特然間想食飯,
所以, 就叫咗招牌既牛角飯食, 點講好呢,
簡簡單單既一個紫菜飯, 但配埋入面既醬油同埋芝麻,
真係超好味呀, Ah Bee相信可以一次過食3大碗,
都面不改容, 實在太好味喇!!! ♥

♥ 大家如果到牛角食飯, 一定要叫嚟食,
呢個飯真係食到停唔到口呀 ♥

♥ 最後, 又係另一至愛, 上級牛肋肉 - 燒肉汁出場 ♥

♥ 呢個牛助肉真係超好味, 望落好似好肥咁,

但燒過之後就啱啱好, 唔會好油膩, 而且肉質好鮮,

好淋, 同<伊呂波>既燒肉有得fight 呀!! ♥

♥ 牛肋肉因為本身既胭脂分佈平均,

所以就算放係個燒烤爐喥唔理佢, 燒出嚟都唔會覺得韌,

但Ah Bee就建議, 等個燒烤爐紅咗, 將d 肉放係中間,

燒一陣再反起燒另一邊, 咁肉質就可以keep住, 夠晒juicy,

千祈唔好成日反起舊肉, 一定要有耐性呀~ ♥

♥ 配埋牛角飯, 感覺真係好幸福, 好耐都未試過食到咁滿足,

Ah Bee雖然已經食到好飽, 但就有一種想繼續食落去既衝動,

如果Ah Bee突然間變咗條唔知飽既金魚, 一定會食到反晒肚 ♥

♥ 真係好開心, 可以食到咁有水準既一餐,

埋完單誇張到幾乎起唔到身, 要個fd幫手扶肥嘟嘟既 Ah Bee起身,

嗰個場面真係好好笑, 遲d要再去食過先得 ♥