除咗皺紋, 出賣女性年齡秘密既,
皮膚緊緻度亦係另一個出賣你既原因,
當面上出現"二三八", 就象徵住膚齡已大,
想留住青春, 就要提早預防~
早前出席咗《iMORE x ESTEE LAUDER 緊緻塑顏彩妝班》
Ah Bee 對於提升/緊緻護膚方案,
以及化妝品既使用, 都有更深入既了解
在此多謝iMORE x ESTEE LAUDER ^^
今次既主角, 係ESTEE LAUDER全新推出既
Resilience Life Collection (緊緻塑顏嫰肌系列)
由於今次除咗教授緊緻塑顏既護膚心得, 仲會示範彩妝技巧,
所以枱上一早準備咗各款ESTEE LAUDER既護膚及彩妝用品
活動開始, 由ESTEE LAUDER職員為我哋講解一吓,
Resilience Life Collection 既歷史, 原來早係1993年,
品牌已經致力為大家解決肌膚老化鬆弛問題,
仲係業界首創針對影響中年肌齡老化因素既產品
利用創新成份: Sirtuin NL1細胞延活科技,
以及經臨床實驗, 92%既女性見證,
只需4星期就可以令肌膚回復緊緻彈性
職員即場為大家示範, 潔面後, 先搽上活膚水,
再使用緊緻塑顏嫩肌面霜, 分5點薄薄搽係面上,
再由內而外打圈, 由下巴位置拉向耳珠,
再由鼻翼拉向耳洞, 面珠位置拉向耳頂, 重複做3次, 完成!!
而眼部按摩方面, 薄薄搽上緊緻塑顏嫩肌眼霜,
再以彈琴方法, 由眼尾開始輕敲到眼頭,
再由眼尾輕敲上眼簾到眼頭,
最後就由眉尾輕敲到眉頭
完成所有步驟, 面部輪廓就會即時變得分明~
完成護膚既section, 就到彩妝環節,
化妝師教授如果選擇啱自己膚色既粉底,
仲不停分享化妝心得~
搽乾粉既時候, 要先拍走多餘既粉未,
再用ESTEE LAUDER獨創既powder rolling up方法,
用滾動既方法, 將碎粉搽上面, 咁粉底就會變得貼薄自然^^
萬一眼線溶於眼肚上,
就用綿花棒沾上concealer, 以轉動既方法,
滾走眼線液, 千祈唔用係上面搽上遮瑕膏,
因為咁樣只會令溶掉既眼線變得更色,
影響成個妝容架喇~
大家睇吓小可力化妝前後既分別,
再嚟一張化好妝既相先~
Resilience Lift 緊緻塑顏嫩肌面霜SPF15
Resilience Life Collection所蘊含既成份,
可以進膠原蛋白自我增生,
令肌膚重拾年輕, 回復緊緻彈性
仲可以減淡頑固色斑添~
緊緻塑顏嫩肌面霜有好香既味道,
滋潤度十足, 但仍不失清爽既感覺
Resilience Lift 緊緻塑顏嫩肌乳液SPF15
膚質更豐潤亮澤、輪廓更緊緻分明
即時體驗光能緊膚帶來令人驚嘆的年輕肌膚
奶白色既乳液, 質地好滑, 容易推開,
使用後皮膚表面會有一層薄薄既光澤,
感覺滋潤而不膩
Resilience Lift 緊緻塑顏嫩肌眼霜
擊退眼袋，提升眼角,
減淡幼紋、細紋 即時體驗光能緊膚帶來令人驚嘆的年輕肌膚
質地比較厚身, 適合冬天 & 乾燥既天氣使用,
可以持久撫平幼紋&深層皺紋
Resilience Lift Instant Action Lift Treatment
扁平既樽咀, 有D似一個膠既化妝掃咁,
360度既開關設計, 夠晒方便,
只要擠出少少既份量, 用膠掃直接掃上面,
再以彈琴既形式按摩, 就可以做到收緊提升既效果
呢支Perfetionist CP+ 可以有效撫平唇紋,
係搽唇膏前使用, 就可以做到水嫰豐盈效果
另外, 化妝師仲教大家, 搽上lip gloss再搽唇膏,
就更加能夠突出唇部既線條輪廓, 效果會更好,
平時大家搽唇膏, 通常都由唇山開始,
但咁樣就會令下垂既情, 正確方法係由唇尾開始掃上唇山,
咁就可以避免唇型下垂問題喇~
利用測試膚色深淺度色板,
大家就可以選揀到適合自己膚色既粉底喇
大家可以試試ESTEE LAUDER既eye base,
質地好creamy, 可以防止眼油溶掉眼部既化妝,
令眼妝更持久, 眼影顏色更sharp
ESTEE LAUDER 既彩妝用品,
以眼影同胭脂就最吸引,
顏色Sharp之餘, 仲好容易上色,
搽完出嚟不但有bling bling 效果,
仲好charm添呀~
concealer方面, 就有膏狀同liquid 狀2款選擇,
化妝師仲即場俾咗個小tips 大家,
大家可以加少少眼部精華素係concealer喥,
再溝勻利用遮瑕掃掃上眼肚及黑眼圈等位置,
咁就無咁容易出眼紋架喇~
《iMORE x ESTEE LAUDER 緊緻塑顏彩妝班》
多謝大會送上既禮物 ^^
想了解多d, 就click入<ESTEE LAUDER>喥望望喇
歡迎留言 or email to [email protected]
My Blog Links
TheZtyle: http://fantasyland.theztyle.com
BeautyLife: http://www.beautylife.hk/?2673
Fashion & Beauty: http://www.fnb.hk/blog/7221
She.com: http://blog.she.com/fantasyland
LadyQooza: http://blog.qooza.hk/AngelAngelAngel
Elle: http://blogs.elle.com.hk/wahwah1224/
Yahoo: http://hk.myblog.yahoo.com/Fantasy-land
Sina Blog: http://wahwah1223.mysinablog.com/
|
