Halloween大家有乜攪作呀
除咗去迪迪尼探吓d 鬼鬼,
又同埋去Ocean Park之外,
大家原來可以舒舒服服咁留係屋企,
整恐人既萬聖節鬼眼手指Cupcake,
俾屋企人又或者朋友仔食,
嚇佢哋一跳架.
一向鍾意煮嘢食既Ah Bee,
出席咗imore 既cooking class,
由教授&示範成個製作過程
有名師指導, 咁就簡單易學得多喇 ^^
Ah Bee 一直都以為 只係得整餅工具賣,
估唔到有蛋糕班架, 今次第一次嚟到,
覺得設備都幾齊全, 雖然空間感唔算大,
但正正因為呢個原因,
所以Ah Bee可以清楚見到阿sir成個示範過程,
想學蛋糕既sis, 可以考慮到呀!!
好喇, 開始喇!!
首先就係打蛋白,
大家要將蛋白同蛋白分開,
呢個step好重要架,
因為如果蛋白入面有蛋黃呢,
蛋白就打唔起架喇,
所以, 蛋黃係無得留低架 (留起備用喇)
蛋白打到起泡之後, 就加入半份砂糖, 再打,
打到變成cream, 企身, 就可以停手喇~
輪到蛋黃喇, 蛋黃加入牛油 & 半份砂糖,
打至軟身, 方法好簡單, 就係追住舊牛油嚟打,
咁牛油係打既時候, 就會彈開, 越打越細,
打到變晒黃色, 見唔到白點點, 就ok架喇,
之後, 就將果仁&古古力針放入盤內攪勻,
(由低翻上面攪勻), 攪勻之後, 就變咗實實地既粉團咁
仲未得架, 加入篩好既麵粉同埋可可粉, 攪勻,
最後, 就將之前打好既蛋白, 分2次咁攪勻,
好輕力, 好溫柔咁攪佢哋 (記住, 要溫柔d呀),
咁粉團就會由硬變得soft架
仲有呀, 攪好就唔好手多喇,
因為越攪蛋糕入面既bubbles就越少,
咁一陣焗出嚟既cupcake就會變得偏平
攪好之後, 就放入蛋糕杯入面,
入爐, 用180度焗20mins
話明係Halloween嘛, topping既decoration,
梗係要同萬聖節有關喇!!
今次就教整"斷指",
阿sir將cream cheese加白油打勻,
再加入麵粉, 黃糖&白糖, 蛋黃, 雲尼拿油攪勻,
之後, 就將麵粉及玉桂粉, 用手搓勻,
每份大約10g, 就可以搓成想要既3D圖案.
大家可能會問, 點解要加黃糖&白糖,
屋企無黃糖喎, 加晒白糖得唔得呀!!
其實係可以架, 黃糖做出嚟既效果,
會有D 軟身, 出嚟既cookies就好似Mrs. Fields咁,
而白糖呢, 做出嚟口感就脆D囉.
整"斷指"原來好簡單咋,
只要拎少少粉團放係掌手,
做出渣權頭既動作, 就攪掂架喇,
hold得越緊, 斷指形狀就越似,
之後, 就用刀仔係指骨喥介幾吓,
再用杏仁片做指甲, 就可以入爐焗喇
用185喥焗12分鐘就OK,
提提大家, 唔好整得太厚,
如果唔係入面會唔熟架~
話咁快, 古古力蛋糕就出爐喇,
接住落嚟, 將紙杯cut 短,
再用甜忌廉唧花紋~
將之前焗好既斷指裝飾插上cupcake上,
而"鬼眼"呢, 就係用荔枝, 釀入麥提莎,
再係荔枝上面加上色素,
營造出爆眼效果
以下係Ah Bee既作品,
Ah Bee仲幫隻斷指油上紅色甲油... hehe.......
明明係4個架喎,
點解得番3個架~~
其實有一個俾職員拎咗去影相,
再由阿sir示範唧花,
左手邊既, 就係由阿sir 既作品,
好喇, 一家團聚喇,
可以拎番屋企喇~~
今次好多謝imore x I Love Cake,
個活動真係好好玩,
可以話係又食又拎,
最重要係學到點整cupcake 嘛 ^^
想學整蛋糕既sis, 不防到I Love Cake吖,
真係簡單易學呀~~
歡迎留言 or email to [email protected]
My Blog Links
TheZtyle: http://fantasyland.theztyle.com
BeautyLife: http://www.beautylife.hk/?2673
Fashion & Beauty: http://www.fnb.hk/blog/7221
She.com: http://blog.she.com/fantasyland
LadyQooza: http://blog.qooza.hk/AngelAngelAngel
Elle: http://blogs.elle.com.hk/wahwah1224/
Yahoo: http://hk.myblog.yahoo.com/Fantasy-land
Sina Blog: http://wahwah1223.mysinablog.com/
|
