點解香港人咁鍾意去泰國?!
除咗有美味既食物
最吸引既相信係SPA 及 Body Massage
但香港人生活忙碌
請假可能就有d難度喇~
有無諗過, 其實係香港都可以享受水療
以及body massage 既樂趣呢?!
今次, Ah Bee 就嚟到Beauty Forever
一次過享受SPA, 按摩及facial 既美肌療程
Beauty Forever
地址: 炮台山英皇道165-167號公主大廈1樓
(炮台山地鐵站A出口對面,華蘭餐廳隔離木樓梯行上一層)
Beauty Forever 一直堅持
為顧客提供優質體貼既一站式美容服務
當中包括Spa、面部/身體護理、
纖體療程及泰式按摩等
專為懂得享受生活 重視健康及愛美既人士而設
位於炮台山既Beauty Forever
地方相當之大, 而且店內既設計
充滿住泰國風情~
Beauty Forever 係SPA既專家
單單係水療都有5款咁多, 分別有:
 皇牌啤酒浴
有助行氣活血、刺激微循環系統
肌膚吸收啤酒精華後更有效消除身體之水腫情況
貴妃牛奶浴
雪白既牛奶有美白肌膚的療效
令全身肌膚嫩白細滑, 還可改善失眠
因為牛奶乳清可使身心得到鬆弛及安定自律神經
從而發揮促進熟睡的效果
韓式人參浴
以人參入浴可促進新陳代謝
對皮膚有滋潤和營養作用
從而增強皮膚彈性, 加強皮膚血液循環
增強細胞活力, 延緩顏面皮膚的衰老
當歸水療浴
當歸有行氣活血之效
尤其冬天女性常見手腳冰冷最為見效
日式清酒浴
清酒的酒精成份不但不會刺激皮
反而能深入毛孔清除污垢, 從而保持皮膚光滑
如清酒用於水療中, 更能達到護膚瘦身既目的
另外, Beauty Forever 亦都得到唔少既獎項
包括:
新假期美容服務大狀獎
 最受迎歡面部護理 (2009 及2010)
最受迎歡按摩水療 (2009 及2010)
十大傑出經營策略大獎 (2010)
Fashion & Beauty OL 直選完美品牌大賞
OL至愛專業水療中心 (2009)
Beauty Forever 每日都會為顧客烹調唔同既湯水
等客人可以係療程前後享用
入到店內, 親切既職員著Ah Bee
填寫簡單既個人資料
再將清熱消滯既羅漢果茶送
由於Ah Bee 將會享用SPA 及Body Massage
所以, 職員就端山5款按摩油及人蔘粉等
並詳細解釋5款按摩油既療效及功用
俾Ah Bee選擇~
分別有:
薰衣草油 - 舒緩作用
玫瑰花油 - 嫩肌療效
白蘭花油 - 脂肪作用
香薰薑油 - 驅寒及散瘀療效
植物油 - 潤膚作用
揀好香薰油後, 就入內換衫喇
cloakroom 內, 有齊各種用日用品
con 水, 風筒, 梳等等
入面仲有浴室及桑拿室
由於Ah Bee 血氣唔好
所以最適合做人參水療 (15分鐘)
望住職員將大量既人參粉末倒落Jacuzzi 內
再配合柔和既燈光, 同埋香噴噴既香薰味道
感覺真係好relaxing~
Ah Bee 知道食用既人參
有補氣、生津、安神、益智等功效
而浸浴及面部護理又有什麼功效呢?
原來內含大量人參峍、人參醇、人參酸
可促進新陳代謝
對皮膚有滋潤和營養作用
防止皮膚脫水、硬化、起皺
從而增強皮膚彈性
延緩顏面皮膚的衰老
職員仲為Ah Bee 送上凍柚子茶
感覺真係好窩心呀
另外, 人參可以使皮膚毛細血管充血
加強皮膚血液循環, 增強細胞活力 增強體力並且迅速降低疲勞感
同時促進新陳代謝, 調節體質
活化生理機能, 活顏美容
暖暖既水溫
再加上水療既按摩
真係好舒服呀~
浸完SPA之後
Ah Bee 覺得全身皮膚都變得好柔滑
感覺仲暖笠笠, 成個人都精神晒~
接住落嚟, 就跳到另一個環節
全身香薰穴位按摩
說實, Ah Bee 好鍾意Beauty Forever 既房間設計
因為店內既所有房間
空間感十足, 而且房內仲設有浴室
按摩完可以直接沖身, 好方便~
由於Ah Bee 成日都覺得肩膀疼痛
而且肌肉長期都處於緊張狀態
所以品牌PR 為Ah Bee 按排了 全身香薰穴位按摩 (45分鐘)
按摩師阿Ming 細心哋問Ah Bee
想集中按邊個部位
而係開始按摩之前
又會幫Ah Bee試力度, 服務超讚 ^o^
Ah Bee今次主力按摩上半身
阿Ming 就以穴位按摩將Ah Bee崩緊既肌肉放鬆先
說實, Ah Bee 長期缺乏運動
所以筋骨都得好硬, 按摩時一定非常吃力
係45分鐘內, 阿Ming 完全無停手
服務相當專業, 讚!!
而係按摩時, 阿Ming 由肩膀開始
一直按至腰間背脊既穴位
因為只要舒解整個中樞神經
肩膀痛問題就可以解決
而單單按肩頸, 係唔足夠架~
說實, 每次阿Ming 按到某些穴位
真係酸軟得要命
不過, 只要將脹起既筋肉解開
再配合香薰油作全身輕柔按摩
就可以有效改善失眠
疲勞過度引起肌肉痛症及減壓~
最後, 阿Ming 為Ah Bee拍走肺部既癈氣
及按摩頭部, 成個全身香薰穴位按摩就完成喇~ 按摩後, 肌肉雖然有點痛
但真得有"鬆晒"既感覺~
全身香薰穴位按摩完畢後~
開始做facial lu~
由於Ah Bee覺得皮膚既狀態唔係咁穩定
而且不停起暗粒, 仲有少少痘印添呀
所以美容師就為Ah Bee 揀選抗氧化更生面部護理 (90分鐘)
首先, 當然係潔面喇
美容師Idy 既手勢好好
潔面既力度好輕柔
再用爽膚水按穴位
 乾淨晒喇, Idy 再以
智能美容儀去除角質層 徹底清除皮膚底層既不潔物
呢個儀器利用震動既方式
將面上既暗粒、黑頭、粉刺清走
大家可以見到, 使用儀器之前
杯水仲係好清架, 但做咗半邊面之後
清水變得混濁, 全面完成後
水既色澤就變更深
而且表面仲見到有油脂同埋塵埃添呀~
之後, 就到針清環節
真係清得好乾淨
Ah Bee 面上有一個痘印
無論點用美白產品, 痘印既顏色都仲係好深
Idy 一望就知痘印內有瘀血
仲問 Ah Bee 想唔想清走, 真係好專業呀~
另外, Ah Bee 下巴有好多油脂粒粒
Idy 都續一幫 Ah Bee 清走, 而且仲會同Ah Bee 講
會有d痛, 要忍住呀, 服務真係超讚呀~
專業針清及修眉攪店喇~
Idy 就用水份骨膠原精華按摩穴位
為肌膚補充所需既骨膠原
同時為肌膚注入高水份
再敷上水份精華面膜
迅速加強皮膚防禦能力
加埋肩頸及手部按摩
起模後搽上護膚品
療程就大致上完成喇~
肌膚真係回復滋潤幼滑
仲好有彈性添呀
大家望望, Idy 幫Ah Bee清咗瘀血既痘痘
顏色真係淡色咗好多~ yeah ^^
Idy 最後為Ah Bee 送上清熱去暑既
冬瓜紅蘿蔔湯 ^o^
好好味呀, 仲真材實料添呀~
|
