唔知大家係咪見到煎pan 同單文柔結婚，覺得佢哋太sweet，太幸福既關係，個個都話出年要結婚，開頭以為佢哋講下笑，估唔到真係有fd約我去試菜，其實我都有同佢講，結婚唔係玩泥沙，好多嘢要handle，場地、酒席圍數、配套、budget，每一樣都令人覺得好頭痛，不過，佢話今次去呢會場好ok，所以今日就同佢嚟，順手俾下意見。
老實，個人認為除咗場地之外，食物質素都好重要，難食又或者寒酸，都會俾人講足一世，所以，試菜係指定動作，今次我哋試咗4款必食「重頭戲」，全部都唔錯，好有水準，絶對唔失禮。
炸蟹拑 - 蟹拑好香脆，蝦膠有咬口，而最特別係醬汁放係蕃茄仔入面，好有心思。
蝦仁炒帶子擺碟都唔錯，蝦仁大隻又爽口，好夠鑊氣。
紅燒海皇翅，成個湯羹都好鮮味，魚翅超彈牙。
鮑汁燴花膠好好味，花膠厚身，膠原感重，鮑魚大大隻，煙煙韌韌。
食飽就去會場睇下，講真，呢個場真係無得輸，全場用咗白色為主調，牆身用鏡面設計，加上不同既光線圖案，感覺開揚廣闊，空間感。
而單單係證婚區已經有3000呎，我相信係油尖旺區，都好難可以搵到一個咁有禮面既地方。
如果唔做證婚儀式，就可以變成做cocktail area，呢個設計非常好。
到酒席場地，禮堂同舞台都超大，影大合照時就唔使迫埋一齊變「沙甸魚」。
基本上舞台已經有佈置，粉白色花卉配上粉色地毯，大型projector，所有嘢一應俱全，唔使再請婚禮顧問攪佈置
每張枱大約坐到12人，但都唔會有擠迫感，起筷時就唔使手踭撞手踭。
舞台另一邊係live band 位置，提供婚禮樂隊演奏。
而我同朋友最concern 既，除咗禮堂，就係新娘房。
新娘房超大，入面有夾萬、2個衣帽間、2個化妝間及2個洗手間，其中一個洗手間仲係連浴室。
化好妝之後，新娘可以由另一個出口直接到達禮堂，夠晒方便。
呢喥所有嘢我哋都好滿意，而同我哋講解既經理非常專業，而且好細心，絶對唔hard sell，仲話每個婚禮都會委派一名專人貼身跟進，隨時update及回覆宴會細節&進度，仲會安排埋起菜既流程，好貼心呀。
價錢方面，今期咁啱做緊promotion，預訂2018-2020年酒席，全單免加一，而每圍酒席最平唔使$4200，當然，圍數越多，優惠就越多。
總括嚟講，真心覺得呢個場唔錯，夠大又夠禮面，食物質素又ok，價錢仲要咁貼地，我哋既評分都好高，好喇，場地大概有心水喇，接住落嚟，又要煩做伴娘既事喇~
*******************************************************************
Bee Happy Fanpage
BeautyExchange: http://blogazine.beautyexchange.com.hk/?136007
uBeauty: http://blog.ulifestyle.com.hk/blogger/monbeebee/
|
