當我打這篇日誌既時候，
後面響起一首叫「早晨」既古典音樂....好似係呢個名....
首曲聽起來就好似太陽響日地平線升起，
光線慢慢地照遍大地，
讓人有種新開始的感覺，
而呢種感覺正好形容我今年開學的心情。

過去半年，整個人都好忙亂，又好混亂，
無論心情還是生活都一片混亂。
因為自我要求高，所以成日覺得d功課過唔到自己嗰關。
當然，也因為自己成日覺得自己咩都做得唔好，自我形象長期處於谷底。
但原來，呢一切都係自己既感覺，原來身邊既人根本唔係咁睇我，
重要的是天父唔係咁睇我。
天父用以下經文來提醒和安慰我：

「因敵人的綠故，從嬰孩和吃奶的口中，建立了能力，使仇敵和報仇的閉口無言....」
                                                                                                                                  詩篇8:2

我看到，天父的大能能讓強大的敵人也拿軟弱無力的嬰孩沒辦法，
神不但保謢了弱小的人，更以神自己的能力成為弱小的人既能力。
在我既處境，我正因自己的能力而煩惱，因自己的能力而無自信，
但神則告訴我：「我既能力，就係你既能力。」

我讀書唔叻，中學時讀書曾努力過，但結果成績仍然好差。
或者我真係未盡全力，但我曾經都試過去努力架！！點解仲係會咁既呢？
隨住成長，後來我終於發現問題在於我既努力唔得堅持，
我雖然有努力，但未睇到結果就已經放棄咗，
始終讀書係要一點一滴，要時間，要累積的，
所以忍耐同堅持係好重要。

天父唔會立即扭轉困境，全因為佢要我地學識忍耐同堅持，
呢兩樣嘢對我地成長來講好重要。
成功既人唔係因為佢地天生特別叻，
係成功在佢地肯花時間去努力，佢地識得堅持同忍耐。

因為自己既軟弱，我差d入唔返學院繼續讀，
我同神講：「我真係好想繼續讀上去，好想去事奉你，你都唔想我又再完成唔到個課程架！
我會努力去改我既壞習慣，好好管理同運用自己既時間，你俾個機會我努力呀~~」
結果，天父和老師們給我機會，讓我再次回到學院，開始我既year2學習。

機會係人地俾，但捉唔捉得住就係靠自己。
時常回憶神給與既機會同恩典，也謹記努力幫助我和給我機會的老師們，
我要珍惜，用努力和表現來報答他們，讓他們看見自己的成長。
人地睇唔睇得起自己，都要睇自己爭唔爭氣。
但我知，上帝永遠睇得起我。

天父，謝謝你的愛。