delay左1年既plan 終於成行
當初揀呢個地方 最主要係因為醫生哥既力推
兩年前 我好羨慕佢一條友去到再作打算既旅行態度
今年 我可以學到佢一樣咁charm
06.19 - 6.21 昆明
抵步已經夜晚 入住一間幾出名既青旅 印象係好多外國人
住左一晚 感覺不良好 發左個鬼夢 驚醒
第二日計劃坐高鐵去大理 出發前去附近既翠湖 同無目的周街行
之後唔知去邊 就行下個動物園
見仲有時間 隻腳又十級攰 臨時去個腳底按摩
之後出發去坐高鐵
但大意左要排隊拎飛 再排隊安檢 再排隊check身份 .... 預少左時間
結果係入閘口被cut-off 坐唔到原先訂既時間
諗住改坐當日下一班車 但又full左 結果意外stay多左一晚昆明
06.21 - 06.23 大理
朝早抵步 放底包袱之後就行下附近既景點
當日天氣好好 都係一片藍天白雲
世界級倒影 (Fung,2019)
夜晚再行去大理古城就返hostel休息
話說呢到都係勁夜先天黑 ~8PM先開始暗
於是你會覺得仲有好多時間
btw 呢間hostel係無冷氣 岩岩到果陣都擔心左陣
好彩呢到入夜就會好涼 冚被岩岩好
早晚溫差都幾大 而且好大風
唯一個缺點就係好多蚊
呢日出街前遇到個大叔(唔記得咩地方人) 帶埋老婆同個BB女一齊黎渡假
吹左下水 到之後遇到都打下招呼
到第二日 bk左個day tour去洱海
識左幾個大我少少既"小姐姐" (發現當地好中意咁樣稱呼人)
是關呢個tour係包當地好興既"旅拍" 所以有幾張做作相
聽講司機係本地大理人 佢見我中意自己周圍走 於是都好快放行我
洱海其實無想像中咁靚 無比較無傷害
網紅打卡點
輕鬆黑 得左
附兩張比較唔做作既 credit to 司機
當晚返到hostel 見到有個好似staff既人(其實應該係老闆) 我就問佢拎廁紙
點知佢問我有關香港最近發生既事 最後坐底左一齊傾計
好難得係內地會遇到個企係理性方面既人
佢同我講 中國人連64係咩都唔知 知道既只係正面既事 好可怕
佢覺得唔應該只活係政府比咩你就要咩既世界 咁同古時有咩分別
更講到 係中國唔會有遊行呢樣野 因為即使有訴求 都唔會批
傾到半路 有個後生仔都加入對話
佢係最近辭職過黎休息一段時間 佢: 旅行在於感受生活
除左傾政治 又講下彼此生活文化
老闆仲好搞笑咁學我地中英夾雜: "我呢個FD" "係呢個moment, 我要爆啦" (加表情)
講講下 後生仔講到佢同女朋友嘈咬 於是又開左感情台
老闆同我都覺得結婚not a must ; 而後生仔則認為係佢既人生規劃中係要結婚生仔
Anyway, 純粹交流下觀念 無對錯成份
好笑既係 佢地係咁教我分手時要講D咩 重點: 精而簡 唔洗解釋
然後同我講 唔好相信一個人可以因為另一個人而改變 頂盡都係少少
的確 人本性 難移
然後我好奇一問 揀自己追vs被人追 一致:睇樣
瞬間覺得自己問黎都多餘
印象中 我地仲有傾下音樂 好多方面都有吹下水
仲有老闆錯中複雜既感情
係大理 都算係我成個trip中幾難忘既一個地方
最後 有位靚仔旅客返黎 佢同老闆佢地傾酒 我就閃水了ZZZ
第二日
去行蒼山 堅攰
就係坐纜車既時候 遇到個同年山東男孩
當時得我同佢係同一架車到
佢: 一個人來? 我: 是呀
之後大家一齊行左陣
記得行千幾級樓梯果陣 我都幾攰 然後佢係咁講野 仲同我講歷史lol
我已經無氣應 SOB+
佢問香港係咪細細個就講普通話 我就話我果陣唔係 但依加係
然後唔小心帶骨咁講左句 以後可能無人識講粵語
佢: 你看起來是有做運動的吧 我不禁苦笑 唔知佢點解有呢個錯覺
不過我幾多謝佢有讓我 有幾次我實在頂唔住要停低 佢都等我休息下先
最後坐4點幾高鐵去麗江 去到已經傍晚
Cont'