今日好開心因為見得成工，下個禮拜一 (7/20) 返工。

呢間係一間 technology 公司，我既 job title 係 Project Coordinator，係 via agent 搵到既，聽嗰個 agent 講，呢間公司人事唔複雜而且 d 人都幾 nice。希望如此啦！

加油！加油！

今日起身超級勁攰，因為尋晚去咗試跳 funky dance ，可能係第一堂既關係啦，手腳有 d 唔協調，而且有 d 動作都比較難，但整體嚟講都幾好玩吖！

我同 Ruby 都 join 咗 5 堂，呢個星期四又要去跳喇！平均一個禮拜跳一堂，再加埋自己喺屋企又會 keep 住跳，希望遲 d 會有成績啦！

聽日同阿偉去睇“變形金剛狂派再起”，好期待呀•••

今日原本諗住去元朗搵 Holic 食晚飯，但係天公不造美，落咗成日雨，最後都係決定唔去，唯有留喺屋企發霉啦！

唔知係咪因為尋晚睇 MJ 既特輯睇到好夜，今日都瞓到差唔多十二點半就起身，不過其實我而家都仲係好攰囉！

聽日約咗 Ruby 去跳舞，今次係試跳，睇吓好唔好玩先決定 join 唔 join 啦！

今日係父親節，一朝早起身去茶樓搵位同老豆飲茶。

因為我唔想去廣福食晚飯，所以我約佢飲茶慶祝父親節。

叫咗幾籠點心，我都有講吓我既近況，老豆又問我搵到野做未，大家傾吓傾吓感覺都幾好。

我初時仲驚佢會講 D 我唔想聽或者又會令我唔開心既野，但最後佢都冇，氣氛算唔錯。

飲完茶之後自己去咗大中行咗陣，大約 5pm 就返屋企，因為出面真係超級勁熱，就嚟熱到溶咗。

聽日約咗 Holic 去葵涌行街，唔知會唔會有收獲呢？

今次係我第一次寫 blog，心情既緊張又興奮！

但係我今日唔開心，我覺得自己好冇用，4月底俾人裁咗，直到而家放假已經個半月喇！見咗3份工但係唔成功。

Send 咗好多份出去都冇聲氣，可能個市道真係好差啦。晚晚都好多野諗搞到成日失眠，就算瞓到都瞓得唔好。

我又覺得自己喺屋企不事生產，冇咩貢獻咁，唔係食就係瞓，所以唔開心又會喊。

阿偉知道我亂諗野唔開心，佢有安慰我同我講其實真係個市好差，佢話搵工唔急得叫我慢慢嚟。

其實呢排真係辛苦咗佢，我都知道佢其實好錫我，可能以前唔識得點相處啦！

好•••繼續努力搵工，never give up, yeah！