本來話去澳洲的,e家我可以好肯定,已經唔會有機會去LU.

想唔想去?當然想啦,話哂我都有十年冇搭過飛機LA,而且我又味去過.今次唔去的話,最快我諗都要幾年後先會有機會.

唔去,只係因為一個問題,錢.

其他經濟因素我唔講,單單係我爸爸病左,冇能力工作已經慘了.

我估佢起碼有半年做唔到野.單靠我呀媽幾千蚊的收入,唔通我又忍心咁大逆不道,自己仲去玩咩...

幾年前,我仲係咩都唔理,家庭,成績,朋友,通通我都可以放棄.日日番學就係拍拖,拍拖,同拍拖...

日日溫女,日日煲粥,那種無憂無慮的生活,諗起都頹廢,但卻令我好響往.

現在,好像剛好相反.

家庭,成績,朋友,每一樣我都盡心盡力攪好去.女?已經可有可無了.

今日我呀媽打電話比我舅母,老屈我因為表哥帶女朋友去,SO我唔去...

做佢個仔差唔多20年,佢心入面諗咩,唔通我仲味估到咩.

依隻死貓,我咪食左去囉.

其實...我都唔想咁快長大,可惜現實卻在迫我.

日日低低能能咁過,係我最希望的生活,同班妹妹仔一齊低B下,總好過成班佬係到鬥唉呀. (我都唔明點解我身邊同年紀的朋友個個都有事的...)

爸爸的病,我也幫唔到太多,佢又唔肯講,咁我都唔想問太多.

為有願主打救...

我可以做的,就只有做好自己本份.讀書,我已經盡哂力啦.

今個暑假,我要開始踏入社會啦,無論如何都要做番一D我應做的事.唔可以再偷懶.

最起碼,我希望可以減低家庭的經濟負擔.

能力越大,責任越大.

依家最高學歷,最搵到錢的係我.

養家依個問題,就等我黎承擔!

小明姐姐唔記得左我今日考econ ar

我已經抄左落去佢本簿仔到...聽日見到佢,要同佢highline哂先

今日同臻臻卓琳食飯

汶蓉始終都係冇黎...

唔得ar,我點都要叫到佢黎>.<

econ又考完lu,我估b / a la, 不過我都怕真係升唔到,到時就喊到收唔到聲...

仲有d econ notes, 希望賣到500蚊la

今日見唔到小明姐姐...

有個人...一邊叫細佬溫書,一邊自己打機,但同時自己都要測驗~.~

其實,我,係咪就同e個人一樣呢??

係人地身上,好易就搵到缺點,但係自己的缺點,自己又搵唔搵到呢?

有人問我,同教會d人熟唔熟ar.

我的答案係:熟,不過有generation gap=.=

無錯,我地只係差幾年,不過,佢地好多時做的野,我好多都唔認同.

睇番佢地,我先知道,原來以前真係好錯...

為左拍拖,講左唔知幾多個的大話.一個跟一個的大話,當時我仲覺得冇咩問題.但係e家,但我睇住佢地e家咁樣,有好大感觸.

可能,唔錯過的,人係唔會成長的(我估彭彭都係咁諗)

e家可以做的,唔係話比佢聽有咩做錯,以係比佢續錯落去,希望佢有一日會醒,好似我咁...

同時,我都希望我,現在的我,再唔係有口話人,冇口話自己.

11點幾小明姐姐打黎,叫我去kt同佢食譚仔@@

我當然去la ><

今日小明姐姐心情都係好靚!!

食完就番去繼續溫書...

越溫得耐,個腦就會越轉越快,快到停唔到咁,好辛苦......

5點幾同pollux落左去食m記,佢話我好緊張.其實,我都唔知算唔算係緊張囉...

姣??何為姣呢??

係一種行為,定係一種感覺黎嫁??e個問題好值得討論...

以前個個都話卓林姣,但係e家又唔係咁講,有冇人可以比個定義我ar??

小明姐姐今日心情好靚ar!

佢令我越黎越唔明白佢究竟諗緊咩~.~

可能個個女仔都會係咁,我要習慣下先得!!