今日已經好返好多
總算可以郁得大動作d
不過太快都會痛…
今日第一個題目
假如有一日，你遇到一個同你一模一樣(不論外貌、思想、記憶、行為都完全相同)嘅人，
簡直就係複製出黎咁，你會有咩感覺?
會唔會開始懷疑自己先係被複製出黎o個個?
會唔會懷疑自己嘅存在價值?
會唔會想殺左o個個同自己一樣嘅人?
我一直都好擔心
不過唔係擔心我自己，而係其他人
我就係我，我唔係其他人，其他人亦無可能係我，就算樣相似，大家都係兩個唔同嘅個體
但呢個社會上，好多人都已經失去左自我
樣貌同思想上，好多人都已經係不經不覺之間慢慢學習其他人
再咁落去，呢d人就會自己將自己變成其他人嘅「複製人」，失去個性，失去自我
呢個社會好多人都係咁諗，你就覺得佢地諗嘅野一定岩，然後你都跟住咁諗?
呢類人係最可憐，明顯地係只識得跟從別人，失去左獨立思考，已經成為思想上嘅奴隸
「個個都係咁喇，有咩問題」呢句係佢地最經常講
如果人人都係咁，呢個世界上所有野都唔會再變，因為個個人都一成不變，冇人有新創意、新思維、新嘗試
呢個世界，你仲會想係度生存咩?
第二個題目
你鍾意o個個人，到底係咩原因?你係鍾意佢個人，定係……
有好多人話鍾意某個人，可能係興趣相近、「夾得埋」、相處融洽等等(我唔打算進行討論樣貌、身世o個d咁不知所謂嘅野)
咁如果又有一個同你興趣相近、「夾得埋」、相處融洽嘅人出現，唔通你又鍾意佢?
到底你係鍾意佢同你興趣相近、「夾得埋」、相處融洽，定係到底鍾意佢?
我相信有好多拍緊拖嘅人都唔識答我
要諗嘅，恭喜
呢d人都唔係真正鍾意對方
如果人地問你點解鍾意佢，你要諗就已經可以肯定其實你唔係真正鍾意佢
鍾意人需要理由架咩?
如果你話需要，其實你只係鍾意「理由」，而唔係鍾意「人」
因為世上有相同「理由」嘅人太多，如果佢地個個都出現你面前，你咪會個個都鍾意?
切記，愛一個人係唔需要理由，因為你係愛佢個人，而唔係愛「理由」
一定會有人覺得我講得太理想
但事實上，愛就係一件咁理想嘅事
細心諗下點解咁多離婚、分手
因為佢地都係愛錯左對象，佢地最初只係愛「理由」，而唔係「人」
唔好以為我未拍過拖就咩都唔知
唔通未做過o個一件事，就完全唔明o個件事?
唔通BB仔未講過野，就唔識聽你講野?
唔通未講過書，就唔識咩大道理?
往往局外人比局中人更能清楚整件事 |