頭先出左去剪髮
剪緊o個時突然諗…試下留到兩邊d頭髮好長
好似Ashe咁都應該幾好玩XD
不過依家有排留……

TOA向$100萬進發!!
預計要半個鐘左右屈錢…
因為要黎買勁武器…又要買Tear條項鍊($10萬的說=口=)…仲有o個招秘奧義…

Bio4 3-1到達!!
有排玩…

唔錯唔錯
我就係鍾意睇呢類型劇集
不過有點兒睇唔慣o個種拍攝手法
但相信總會習慣
劇情方面尚算不錯，但d人名就……
都唔明黃易點搞的= =
我可能會買小說返黎睇多次…

講返起…《龍族》頭6本都睇完lu
等星期日去換下6本
都係唔錯嘅書，可惜已經絕版，如果唔係我實買返黎

可怒也
越睇越想騎馬= =
騎於馬上，手執長劍，衝入敵陣!!
排雲掌!!獨孤九劍!!九陽神功!!寒冰掌!!六通拳!!
(謎之聲︰精神病發…)

出去飲茶都唔記得去搵下間恆威電玩係邊= ="
天呀~我失憶呀~

尋晚同新尼傾傾下「愛情」
突然俾我諗到三個問題
1.這一切虛假的，是否需要執著?
2.明知是假的，還要去爭取?
3.失去了虛假的東西，需要傷心嗎?
能夠明白而又做得到，相信只有無情嘅人
不過如果做得到，其實生活會過得冇咁辛苦
某d野嘅失去，係代表某d野將要來臨
正所謂「緣來緣去」、「何去何從」
唔單止物質，感情、甚至親人的失去，也只是一場夢
傷心同難過都唔能夠改變，而且你失去嘅只係一d本身係唔存在嘅野
咁又點解要傷心?

呢個世界係冇「真實」
就連一個企係你前面嘅人，更甚至係你自己，都並唔係「真實」
就好似一件模型咁，你砌好一件模型之後，會覺得好好睇，但你見到嘅只係「假像」
呢件模型本身就唔係咁樣，佢「真實」一面其實只係一d元素

古人云「問世間情為何物，直教人生死相許」
但依家，應該要改成「問現世間情可還在，多少人是真心相愛」

成日想寫o個時就上唔到…

神?
絕對唔相信
世上只有惡魔的存在

個個都身體唔好，只有珍惜現在
我顧慮的太多了

跟車同拆車
二揀一
可以有過萬一個月喎
仲勁過阿爸
但當然會好辛苦喇
跟車就成日要搬重野，拆車就咩都唔識
但如果肯做，就唔駛再「一年一正版」，一個月一隻都得，而且PSP仲指日可待
對我黎講，就算辛苦都好過做sales
因為我唔鍾意講野，除非同我好熟，如果唔係要聽我講野都幾難

自己身體一直都唔係幾好
我又唔想屋企人擔心，所以通常整親我都唔會同佢地講
總擔心有一日我會要你地照顧返我轉頭
冇辦法，心魔難消
如果單憑你地一兩句話就冇事，仲需要心理醫生做咩?
呢條路係我揀，我唔會後悔

我係一個需要人支持嘅人，但同時我亦鍾意獨行獨斷
好矛盾
或者我係擔心連累人，所以我先會係咁
天生如此
唔怕醜講句，我有能力做到好多事，而且比人地做得更好
可惜我一直缺少「心」
打波，成日驚整傷自己或其他人而唔出盡力，又唔肯練波，所以永遠都及唔上校隊
讀書，我有能力將成本書背晒，但又唔肯多加溫習，而且又成日打機，終於衰左
如果唔係，升中六對我黎講簡直易過食飯
再加上唔知點解總覺得冇以前咁好記性…唔知係咪因為…唉…希望唔係喇