2006 年 2 月 24 日 星期五 
B4U SKY ． 第4日目．感想
琴晚臨訓前都同阿勤打左一ROUND MHP
打一對巨影,死左一次,成功一次,都打左成9個字=.=...
成9點先訓...
訓醒開工...見唔多夠訓咁...死得!
返到市場開頭都幾夠精神,冇咩野
點知做耐左就死啦...加上又爛市...冇咩野做咁...
對眼係咁跌落來咁...好想覺豬丫
6點半到...終於忍唔住...搵左個地方訓左一陣~呵呵!
爛市收工,一定晏返屋企...
就算坐德哥車返屋企都已經7點9...不過都照訓半個鐘
起身果時已經遲左少少...返到去已經遲左3分鐘
返到去即刻跟返琴日做定果D單先...
點知個死人打印機好壞唔壞...以家先來壞!KUSO~
搵人攪攪攪!攪左成大半個鐘
繼續做野...呢個上晝做左兩大張單
之後食飯,今日個飯都幾正!唔錯...
等我試暈哂佢地D餐先....A>B>C>D>E>G....好多好多!呵呵!
食完見有時間~過88打左兩舖鼓!好玩~
點半返到去做左一張大單...
真係好大...癲既...
之後傑哥繼續輸野入我個腦到...唉!多野記到暈...
D步驟好煩=.=...又難記...又驚錯!
傑哥聽日唔返...得我自己一個人做野...有D驚TIM!
佢交帶左聽日要做既野之後,我就汁定聽日要出既貨
等聽日唔駛搵!哈哈
踩單車返屋企果時試下行條新路返
點知都係慢成個字既...算!都係唔好諗佢!哈哈
返到去收到奧林既電話...
話出去旺角唱K...準備好哂之後,出發
同市場D朋友唱K...都係第一次
去到粉嶺火車站等佢地...以為係最遲...點知原來係最早KUSO你地
等埋芒果,阿魚,奧林,阿權,阿宗佢地,就去旺角新之城唱啦
未唱之前落左機舖打左一陣機~
唱K去新之城都係第一次,以為D房會幾好啦
點知都係垃圾...真係差勁
阿宗既歌喉真係...無言...
由於太"支力"成晚都唔係唱得咁放...所以好早走左,加上聽日又返工
未到11點到就走左!
返到屋企都差唔多12點...訓!
B4USKY~*:)PS..........下次都係唔好嗌埋阿宗去=.=...癲既!
2006 年 2 月 23 日 星期四
B4U SKY ． 加油 ．樹佳
今日返市場都ok做野都幾順
貨少...都走得幾快...
不過都幾欄市...
係市場食埋飯先返屋企,我諗以後都要坐德哥走啦
因為可以慳返好時間...
返屋企都成7點幾...恰左半個鐘就出發返工
出門之後,又發覺冇帶乜,真係麻煩...
要極速既速度返到KJ(我公司個名)
遲左3分鐘KUSO...
一早就跟返琴日張單,好快就掂左...
12點半食飯,食完就去左整銀行存摺
整之前去左88打DM,哈哈
之後返左過去整,好快就攪掂左
整好之後返去繼續開工...之後跟多一張單
好快又攪掂左,跟住為聽日張單做少少準備
傑哥仲話我快上手左少少...
之後5點!收工...之後精彩!
同盈盈玩SMS,一路踩一路寫...勁!
行過銀星,醒先一樣野,買頭文字D,今日出左呀~爽!
禁機!出GAME
返到屋企試GAME,一個字,爽!!
玩左兩三ROUND就同盈盈傾多一陣電話...
眼訓耶~~~~~~覺豬!!掰掰~
好肚餓咁完成呢一篇日記=.=...
B4USKY~*:)PS.工作時不忘想起了妳呢!~
PS2.之前既日子,像是忽略了妳...對不起呢
2006 年 2 月 22 日 星期三
B4USKY ．好既方面．唔好既方面
琴晚係咁傾msn,玩下玩下玩到成9點幾先訓...
無線套"天幕下的戀人"又幾好睇咁喎
睇左一陣先訓...哈哈!
醒左對眼都幾紅下...應該係未慣者,要加油啦!
臨訓前又醒唔起去汁好套衫,諗住返完返菜市場用既
攪到鬼死咁趕...又比爸爸話呢
點都好啦,返到去市場,做野啦~呵呵!
貨唔係多,係7點已經可以收工...
本來諗住換好套衫唔返屋企,就等返倉務(開8點半)
點知又見咁早,都係坐德哥車返去啦
都唔知帶左套衫來做咩!~
返到去都係7點鬆少少,把心一橫,訓陣先!呵呵
係8點3就醒左,因為我要8點半
踩單車出發嚕!
返到去,傑哥繼續教我野,教教下突然覺得...工作與收入不相付咁
有d煩惱,但係傑哥真係好心咁教我咁...
我唔知點...迷左一個上晝
我唔知自己做唔做得來咁多野...好怕跟唔切...有d唔想繼續做既感覺
12點半食飯,快速食完個飯,搵左個好地方訓覺...哈哈!
1點半繼續做野,傑哥開始比一張單我自己跟
我果一下真係好緊張...好驚出錯...
之後好小心咁做,我情願慢少少,不過最終都係有錯誤!
不過唔知做咩呢...
一完成左一張單之後好有滿足感,好開心呀
上晝諗果d野已經完完全全唔得哂...真係單純
之後再做多一張,掂呀
要比心機多dd先得!
5點就準時收工...
返到屋企,msn打日記...琴日訓左好少
今日要訓返多d先~早抖啦各位~~~~~~~~!!
B4USKY~*:)我能找到目標嗎?加油丫!
為了妳...為了我...我要努力落去!
2006 年 2 月 21 日 星期二
B4U SKY ． 錢 ．錢丫
琴晚訓得幾好!唔錯~
好啦~今日開始來料啦!努力~
今朝市場都幾少貨下,可以唔駛幾出力咁做
但係有時都比德哥整到...由好悠閒,變得好撚忙=.=....
其實...唔駛咁緊張既,德哥!
由於好少貸,7點鐘就放左工,本來就係即刻返屋企準備一下一陣返第二份既
點知爸爸好想去飲茶...咁我就成全左佢啦!呵呵
拉埋小新上新街市飲早茶
但係今日,我竟然連一盅飯都食唔哂...唔知係唔係緊張得滯呢?
食完野搭車果陣,想訓...又訓唔著...做咩呢O.O??
返到屋企已經8點幾,拿拿聲準備下,出發~
去到KJ間公司,上去攪埋D手續,就埋牙做野!GO~
今日環境做野,都總算OK,有少少出錯...打錯左字=.=...
傑可都好心咁教我做野,我開心...可能我個樣唔似做一兩日就唔做果D人掛!哈哈
不過佢今日真係教左我好多野囉,佢驚我記唔哂
仲比左本NOTE BOOK我呢!哈哈~
不過呢...真係記唔到咁多...要加油啦
真係比我估中,我張TABLE個KEYBOARD係冇中文碼架,有D字又估估下咁打!哈哈~攪笑!
好快又5點半...今日D時間都過得比我想像中快
因為都幾多野做...累死...
由於未放工,之後睇下部電腦D野...睇睇...估唔到連SHIPPING都要用埋,好彩佢地有教我咋,唔該
仲有EXCEL,好在之前家豪教左我少少,今日都用得著
放左工同傑哥SAY左個GOODBYE!之後,就手痕落左88打左兩舖DM
今日唔知點解打得好順丫,真係好順,同好準!好~仲有進步空間!加埋油先!呵~
返到屋企打日記,MSN左一陣,呢一日過得真係快...非常好!
聽日...後日...大後日...以後既日子都要比心機丫樹佳!
B4USKY~*:)PS.機會唔多,我會比心機去做,我覺得呢到都好多野可以學到
等呢一份工都做定D,上左手之後,就搵埋野讀,到時有錢...
就可以用淨返落來既時間增值自己...要加油啦!樹佳~WORK HARD
之前既日子,實在浪費左好多好多~
2006 年 2 月 20 日 星期一
B4U SKY ． 成功 ．不成功?
B4U SKY~*:)突然諗起...
自己咁大個仔都未試過送一大扎花比人...
點解今年...唔試下呢?
不如搏一舖好過啦...哈!
不過......
應該仲有機會既!
新既一頁又來啦!佳~
今朝放工上網...一上yahoo就睇到友緣人...大大隻字...
為下個情人節作準備....
我心諗...你老闆=.=....
手痕去睇下d關於花既網...
見到某一種花...令我諗起一個人...
睇完野之後,收到電話,由於我想睇下佢有冇誠意...
我比左一日時間佢...點知...真係有誠意...哈哈
係我架啦!好野~
就係咁,今日將會變左我既最後一日可以抖下
打下MHP,6星緊急QUEST,真係幾難打
打到累...訓一陣先!
醒左果陣時已經係6點幾...輝輝佢地都有上來...但係點知我一醒
佢地就走...我仲想連下機架麻!
之後就為聽日準備一下,去影相
但係諗諗下之前好似影左幾張,之後搵下搵下,又係銀包搵到
跟住仲搵返本之前失蹤左既"網球王子15期"=.=...妖,等我果日仲出左信和買TIM
失而復得...好似幾好運咁喎~哈哈
本來諗住出去食野...
但係又唔駛出去影相,咁就係屋企煮野食
兩兄弟一齊食完之後,我地繼續MHP啦!呵呵~
睇阿勤搬蛋真係笑到我扒街...哈哈!ORZ~
打多一陣到...訓覺!哈哈
嘿嘿...老山龍...你已經死左啦~~~~~~~~~~~
B4USKY~*:)PS.係時候發力啦!加油~
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
