2006 年 1 月 25 日 星期三 
B4U SKY X 過年 X 就過年啦~
@LIFE:今朝開工少左榮哥,好既...就係唔駛對住個煩人
唔好既,就係做埋佢果份...
今朝d芋頭同白卜多到暈,都唔知係唔係淨下賣呢d野...
成朝拉呢d重野,拉到我死咁滯...
加上琴日訓得咁少...暈啦!
收工食埋飯,返屋企就唔駛煮,可以即刻訓...
好在德哥車埋我同爸爸返屋企
差少少就係架車到訓著埋...
返到屋企好快就訓著...
一訓就訓到成5點幾先起身...癲!起身仲見有d暈
之後打下bio 4挑戰pro mode...
難打到飛起...個死村長竟然有"一擊必殺"唔係掛...
係果一戰,我死左13次先打死佢...變態架!!
又打下,又訓下...
之後阿蕾話今日詩姐會落來上水...
本身都諗住出,但係因為要等媽媽返來先
但係最終都係出唔到來~sorry啦
打埋呢一篇日記...
個頭好痛...訓啦要~
B4U S.SKY~*:) PS.今日係詩姐既~
唔好諗咁多啦,同佢傾多D計...好嗎?
佢一直以來對妳係點,乜仲要諗咩??
對嗎?
@周國賢,王苑之CROSS OVER好正丫!
2006 年 1 月 24 日 星期二
B4U SKY X 背叛!? X 人!?
天氣咁凍...開工果時都唔知著咩野出門口好...
不過咁凍,著多多衫都係唔夠咁...好凍耶!
今朝又係比阿"拍檔"激死既一日...唉唉唉!!
好彩可以成日同小新傾計講笑
如果唔係對住"阿某某二人組"
真係心血少D都暈...
放左工之後同爸爸一齊返屋企
點知佢又話比伙食人,咁我一個又上路啦...
返到去,見細佬又用緊個廁所,咁我又繼續打電鋸男啦!
WO~電鋸男耶 WO~
經過成3個幾鐘既搏鬥...
全部5個角色,達到6萬分既指標已經到左啦!嘩哈哈~
之後即刻試槍"HANDCANNON"丫
一槍打落人地到,個人就成個彈到9丈幾遠!!爽到暈丫~
就係我試完槍諗住訓覺之際...
阿張老師就打左來啦...
傾左一陣計之後就相約埋家豪,就出尖咀搵詩姐佢地食飯!
之後我沖埋涼,就JOIN埋佢地一齊出...
一見到阿蕾就知佢唔開心啦,攪左咁耐都去唔成日本
之後我同家豪就話,我地今日個行程就係行"日本"城
跟住就行CITY SUPER,再食飯食日本野,真係笑到阿蕾扒街~嘩哈哈!
到左尖咀之後,JOIN埋詩姐,阿新~大家一齊去左珊瑚堡食飯
但係我係食左個TEA SET囉!今日呢個TEA SET真係好屎...
果杯凍檸茶多甜,我真係想吊佢囉~難飲到丫!仲衰過茶記...
食完之後,聽詩姐分享佢個"巴黎"之夢...笑到爆!
呢個人..我來架,咁瘦既...真係全場"嘩~~~~~~~~~~嘩然囉!!哈哈"
送埋佢地兩個返去開工,詩姐順個便比埋盈盈既手信我
唔該哂,亦多謝盈盈!
之後我地三個人去左買六合彩,頭獎6千萬耶~...咁我地三個買完
就過左金星玩家豪話好過癮既籃球機啦...
不過一入去,我梗係DM一番先啦,玩左兩舖都冇分加...失望
跟住我同家豪就來料啦,係到射射射~~~~射丫~係射籃球!!
不過右機係壞既~唔入都加分...入左就加兩次分-.-....ON膠~~~~~~~
射完之後我同家豪都成頭汗...
阿蕾又過返去打麻雀...我行過去睇,幫埋佢接雞蛋,笑到9彩~
到最後,我去左玩11代BM IIDX點知一睇,佢SET 左 FREE PLAY
我見唔駛錢咁爽!既係喪打啦,跟住打夠麻雀之後同埋我,家豪玩
玩玩下家豪就走左啦,我返我地兩個
一路玩一路傾計,先知阿蕾以前F,4都有玩過,而且仲係喪打果隻TIM
@5 KEY者係BM II
7 KEY係 BM IIDX
哎呀,真係O哂嘴!
點解唔早D話我知呢,咁我地以前可以成日一齊打啦,因為由以前到以家,成班FD都係得我一個鐘意玩BM...
真係好悶架!Q_Q""
玩到咁尚下,我地過返CITY SUPER買野,探埋詩姐...順個便睇埋阿蘇哥仔~
一早知佢唔開心啦,不過阿蕾又唔講,唔緊要啦!不過係咁易都知少少既!唔好咁啦~
之後我地兩個行多一陣街,係落返太陽果時~~
我頂~~~~!!GUCCI 5850丫!有個女仔揹住丫~好粉型丫!-3-""
行到我好眼訓,真係頂唔住...搭火車返上水
返去之前搵左"妳"
丫~原來仲嬲緊架妳>﹏<""傾緊電話果時妳咁岩返到屋企樓下
我話夜少少搵妳,但係我太累...訓死左啦!Zzzzzz~
B4U S.SKY~*:)PS.我冇唔理妳丫,只係...我成日搵妳,驚嚇親妳咋! 哈哈~
小心身子,聽我講...要戒口,好唔好??
2006 年 1 月 23 日 星期一
B4U SKY X 一模 X 一樣
@LIFE:WO~大風吹!妳在那裡O.O係咪咁唱架??
返市場開工真係大風到你地都唔信...
這些工,是人幹的嗎??嘩靠~~~~!!
榮哥丫~榮哥....你就來"拮"死我啦...
我對住你就...就...來斷氣......
死死地氣咁又收左工啦
返到去繼續BIO 4~
係BIO 4入面一個模式叫"THE MERCENARIES"
呢一舊野...就來玩死我啦...
果對電鋸姊妹花同埋電鋸大叔...下下車埋呢!我LEON個頭就唔知飛Q左去邊啦=.=...
每次一比人批死左...我就...頂!!!
嘩靠!~
放工打左一陣之後就訓覺
醒左細佬佢地返左來BM IIDX
而我就繼續玩"THE MERCENARIES"啦!!
我要HANDCANNON丫~
經過一整日比電鋸折磨之後...
都係過完成左兩個人咁大把...
佢離目標5個...仲有排...!
玩到1點~訓左!呵~
B4U S.SKY~*:)PS.機會錯失左嚕!!...唯有下次啦...
加油!!
2006 年 1 月 22 日 星期日
B4U SKY X 凍 X 凍凍!!
@LIFE:話咁快又到月尾,嘩!有冇咁快丫過得!?
我訂左果條鏈幾時先有貨姐@﹏@?等死人耶~
好!今日準時起身~係好事來架!KEEP住!KEEP住!
同爸爸一齊開工,因為佢今日又替個死佬雄!嘿~
成日休星期日,作死丫你!?大把人想休星期日丫~成日霸住哂
明知星期日一定多貨架啦,你都幾識閃架喎!
唉!以家諗返,之前見佢冇野做,叫左佢入來我個檔口一齊做...
點知佢以家做衰哂,早知益下自己D FD好過啦!...
一如所料,多貨到PK,唔知仲以為係過年...
落哂貨埋牙就好似打仗咁,係今朝得10度既底下,我都竟然可以做到成頭大汗...
我頂唔緊啦,做做下野,衫都除埋...不過緊係除淨一件啦-.-...
不過D汗都係照流囉,可想而知,今朝有機忙...
榮哥又愈做愈慢...今朝我終於都忍唔住...爆左!嗚嘩~爆SEED丫!!!!
不過都係果句啦,總會收工既...
D貨散到七七八八啦,咁我地成班就同德哥一齊傾計
今朝發覺到,德哥原來都識講笑既!佢已經比我地呢一班傻人感染哂啦!嘩KAKA~
講講下先好笑!講"利是"...德哥話:你地班"老野"可以係果幾日休息架啦
佳仔你想休都冇得休丫,你係走唔甩架啦!呵呵~
呵呵!者係比個機會我豆"利是"者~WAKAKA~!!
哈哈!果幾日就爽啦~
放左工之後就同爸爸,小新一齊大快活一下
呢兩條淫棍丫...比你地笑Q笑我啦...頂!!
大家食飽飽之後,爸爸返屋企覺豬,我同小新就去打麻格
1蚊舖麻格冇左嚕,咁我地橫掂都係來左,座低打啦...
唉!我唔見兩粒-.-...我過輸左一局半莊之後就睇小新打啦
佢就"感覺唔錯"啦呢一句說話我地一打麻格既話就會講架啦!呵呵~
佢都攞哂成4粒珠珠丫!勁~差一粒,又上返四段啦~
玩完之後我地320 PLS之對決!!係我贏左~哈哈!
玩完大家各自返屋企~未返去之前我地左打左兩局DM V2
加左零點幾分咁大把=.=...KAKA @O@"
唔單只BM IIDX要努力,DM V2都要丫!哈哈~
返到屋企就打日記,順手整下個日記
攪下攪下又整左成個鐘
之後肥鵬,輝輝,肥豪上左來打機~
先玩BM IIDX嗯!輝輝就來可以玩LIGHT 7啦
肥豪經我教路之後個TURNTABLE準左好多啦
肥鵬又分清楚藍白KEY唷!!
之後佢地又大玩SEED,超爆笑的說!!!
係爆SEED既時候...
肥豪:輝輝~~~~~~~~~~~!!!
輝輝:肥豪~~~~~~~~~~~!!!
佢地兩合個係到互片!笑到我眼訓...
之後我頂唔住...訓覺!!
訓醒左之後佢地都走哂啦
細佬幫左我買"合皮扭耳"比我食
我食完之後,打埋BIO 4 ADA篇個爆機...
係兩點恰左幾分鐘!出門口開工!呵呵
B4U S.SKY~*:)PS.時常接到未接來電...都以為是妳...亦希望是妳
傻了呢...
2006 年 1 月 21 日 星期六
B4U SKY X 累 X 遊戲
@LIFE:今日開工冇遲到,好野...
冇啦啦又凍返咁多...玩咩
真係好想留係個被竇到唔起身丫~呵呵\ @ O @ /
一落樓...已經落緊毛毛雨,好在醒水帶左帽
真係不幸中既大幸~如果冇帶既話,真係比雨淋死...
返到市場,一路做,他媽的!愈落愈大雨
諗住今朝咁少貨,一定可以好早賣哂,點知都係比D雨攪喎哂-.-...SHIT!!
你老闆丫...係條粉人唔好落哂D貨先返到來~
好凍...好凍,係一路做野,一路係咁同自己講-.-...
今日阿榮哥又唔知做乜鬼,又整爆盒...又...又...
咩都攪錯哂=.=...激屎我啦!!@﹏@!!
放左工之後,汁伙食!諗住今日煮飯,煲湯
咁就冇搭德哥車,落左聯和墟睇下仲有冇野買返屋企
點知都係冇,咁就行左過去88過下1蚊麻格癮~呵呵!
一坐底打半莊就贏左成5粒珠~感覺都唔錯,仲上埋4段@O@V
點知之後對手太強!輸返4粒,返返落3段-.-...不過今朝都贏返1粒,冇蝕~
不過都打左成3個幾4個鍾,打半莊真係好哂時間...
打完又累,又唔係贏得多格珠,真係唔知哂左幾多時間
不如返去屋企BM好過啦-.-...
如果唔係SET錯左價錢一蚊舖,我計過今日都要打成舊水...又差唔多唔乳一日糧!
呵呵~
之後幾經辛苦先返屋企,因為好多餸,好鬼重=.=...
煲湯,煲飯,汁下間狗竇既屋企=.=...仲有鬼死咁多衫要摺...
做完真係想死丫=.=...不過間屋企又整齊左啦!感覺唔錯~呵呵@_@"
之後係想訓下覺,因為夜少少落大埔同小新打機,食埋晚飯
點知爸爸又想食飯,咁我就係咁以整少少餸,就一齊食飯
食完之後知輝輝佢地一陣上來練BM IIDX
咁我就開定兩個CONTORLLER比佢地用
我見開好左,又手痕過左幾舖癮,開左DP 5級 4級張圖
RAINBOW RAINBOW DP LIGHT 7好好玩丫!哈哈~練多D DP先
玩到輝輝佢地上左來,我就去左訓一陣,訓到6點到就出去
不過想訓果時已經4點-.-...
訓訓下,妳打左來...不經以地又激嬲左妳啦...
哎呀...
醒左之後,我個細佬竟然係到"合皮扭耳"冇我份...
我罰佢洗碗-.-...嘩KAKAKA~ 一O一"問你死未!?
見都成8點幾,都係唔落大埔啦,出面又凍喎!搵埋都唔夠打機-.-...
要慳D洗啦!都係留係屋企BM2好過啦!哈哈~又唔駛錢打既!KAKA~
麻格4真係食錢獸來架~頂!!
見落唔到大埔,就起身~BM IIDX喔耶!
之後就練下~練下練下!玩到首Daisuke既時侯就出事啦...
呢一苜歌,一直以來,我都覺得可以FULL到佢...好!就試FULL你
不過唔係想像中咁易,段DEMO入面條粉人跳舞又跳得鬼死咁攪笑
真係唔專心D都MISS一兩個,但係睇到又唔笑真係唔容易...-0-""
經過一輪地獄般既折磨=.=...係經過3X次既PLAY COUNT次數之後
終於都FULL左啦~~~好野!我同我細佬興奮死啦!
笑到我地兩個扒街!開心丫~
之後再FULL埋"LOVE ME DO"好野!又一首!
玩夠之後係12點先訓,我訓之前細佬又係到攪住哂-.-...
咪玩啦,FULL完Daisuke之後既我已經冇哂hp啦=.=...
覺豬~開工大吉!!
B4U S.SKY~*:)PS.畢生有日記起,香港迪士尼!!
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
