2005 年 12 月 31 日 星期六 
B4U SKY X 2005年 X end... 
@LIFE:今日就係2005年既最後一日啦!12月31日...
所以有時就係話呢!朋友幾時都係咁重要既~
係你唔開心既時候,總會有一個走出來架!
多謝哂你地~!
天氣差左好多,不過成兩三個都冇月落過雨
你間唔中落下我都冇咩所謂既...
不過落起雨上來真係好凍- -...做野OK啦
新人係慢慢教,慢慢教,有時真係忍唔住想鬧人架...
忍一時風平浪靜!
今日冇帶電話返工,過唔到阿雄D歌呢
個死仔放孖DAY丫!呵惡唷>W<~
放工回家睡~~~~覺~~~~
訓醒左之後就應約出席一年一度既過年飯...
5點幾到就醒左
之後出到去尖咀等埋阿新,詩姐一齊過旺角
詩姐比左條電話繩比我,多謝哂!
到左旺角JOIN埋家豪,多士一齊上稻香
不過要等先個幾鍾先有得食...中途媽媽收左工打左個電話來
我先知佢病左,加上又得佢一個係屋企
我係等緊位果時真係好想走
點都好啦,總算都係咁以咁食左一餐飯
坐低岩岩冇耐就連BEE狗都來埋...
係果一刻只有開心呢一個反應之外,真係諗唔到其他反應
同佢地倒數完之後,12點半就走左,因為要開工
點半到返到去,一路返去一路諗前年做過D咩野
一直以來所做既,所揀既,係岩定係錯...
今日收到好多朋友既祝福...
唯獨沒有妳...
今日最可惜既係今次到既朋友竟然不足十個人...
7個...
咁其實係意味住D咩野意思呢?...
係唔係大家真係一年差過一年呢...
無論事業,感情...仲有各方面...
老實講丫...今年真係過得好唔開心...
不過,係可能自己唔識得去變下者...
算啦!又一年...
下年加油!無論感情,事業,仲有...將來~
B4U S.SKY~*:)
2005 年 12 月 30 日 星期五
B4U SKY X SAY X FAILY TALES
@LIFE:呢幾晚都係o係臨開工前都係訓得個幾鐘...
唔夠呢!
出門口過時發覺超重濕氣...以為自己多心啦...
返到市場做左冇耐野就出事啦...
落雨...
唔係掛...唔好玩啦!
不過呢,爸爸攞左一件雨褸比我用,仲幫我著埋,係果一刻真係除左講多謝之外,真係唔知講咩好啦!
多謝爸爸~
場雨一如所料落左成朝...成身都濕哂 !
之後同阿雄係到用藍芽過歌,嘩!佢比左好多歌我呀!
正爆!當中"SAY"簡直就係我最愛啦!掂哂
返到屋企沖完涼,即刻上傳埋來日記到
新曲試聽"SAY"~
放左d歌落電腦之後就去左訓一陣先
係3點幾4點就醒左啦,之後我同阿新約左出來飲茶
因為佢今日都放假,又係要佢等左咁耐,sorry...
join埋之後我地去左海港攞飛先,之後去左買書睇
唔係阿新講我都,我都汁唔到平野,希望將來用得著啦
而death note又岩岩出左第8期啦!正~
但係返到去過左我地喎- -...咁唯有等左一陣啦!
好快又到我地有位,我地兩個係呢個時間飲茶都係第一次
阿新又介紹d好野比我食,真係好正架個點心...
d蘿蔔絲真係好正唷!阿新好野~兩個人睇下書,傾下計...
食左幾十蚊,真係飽到上心口...掂丫
阿新,下次再飲丫!
食完野同佢行多一陣之後,就返屋企啦...
今日家進都去左見工,可惜結果都係...加油丫!
之後我諗住搵盈盈攞返個壺仔,順個便探下佢啦,盈盈病左喎
搵埋家進陪一陪我,佢又肯喎,不過呢,又係阻左你咁耐
我先來到,sorry again...>﹏<!!
兩個join埋之後,比左之外買落既禮物盈盈,之後返上水
返到去我地諗住傾多一陣計,所以搵埋阿蕾,不過佢未放工
我地先食左飯,之後去左一號花園一路傾一路等
今晚我地又係傾左好多野,對於感情呢一回事都係要
識得收放自如...學會放低,我都想個個朋友,包括自己
係感情路上都係開開心心啦!
傾完之後,我地送埋阿蕾返去,我同家進就各自回家啦!
B4U S.SKY~*:)
佢地成班丫~幾開心^_^"
2005 年 12 月 29 日 星期四
B4U SKY X 玩樂過後 X 工作天
@LIFE:琴晚同完班又癲又喪既靚仔靚妹玩左成晚...
隔一陣又開工簡直就係想死咁...呵!
返到市場都發覺自己D酒氣都未散,仲有少少暈TIM...
飲咩呢飲!~不過見琴日咁盡慶,少少唔緊要啦
一埋牙做野都係要打醒十二分精神做野好D
順利又完成工作啦!
返到去上左一陣網,打返兩個既日記
由於太"支力"涼都冇沖就仆左去訓覺~呵!
訓訓下中途,阿蕾又打來話今晚出來吹水- -...我話:好.......
比我訓啦- -...
仲有細佬個同學仔又間唔中又打來...
我真係岩岩收工咋...嗚!
到左4點幾終於都頂唔緊起左身
肥鵬又上左來搵細佬,之後我地三個又係到傾計
笑到爆!(你地同肥鵬出街一定唔會悶親囉)
之後我話出去買CARD READER,順便同細佬食埋野
佢地又話好咪三個人起行出發啦!
先落左龍豐買左CR先
之後我地去左新發TEA
TEA完之後去左探"芷欣有你"(佢地既同學)順個便食個甜品
SAY個GOODBYE就走人啦~
返到去第一時間用個CR因為琴日我地影左好多相
點知...
用唔到...之後我又去返龍豐諗住換過個...
問左一大輪之後都係換唔到,個SALES叫我試下插電腦後面個USB睇下得唔得先
之後我又飛返屋企又試...點知又WORK喎...
死人梁樹勤,未換之前我都話試下插電腦後面架啦...
又唔信個哥哥,攪到我走來走去...FXXK!
跟住佢地就係到整下D相,以我就開下BM IIDX2 玩下!
夜少少,見咁耐都冇人打來,就諗住訓覺,因為都成9點幾!
搵下阿蕾,原來佢等緊我地食飯,而阿新就係旺角買緊野
我地係新發JOIN埋一齊食飯,傾下最近好HOT既話題
食完再去左公園再傾...
今次既傾計就係好開心既ENDING底下散左啦!呵呵
笑到扒街- -...ORZ!!
盈盈,盈盈!係妳病既期間,我唔會打來比妳架,我只會用SMS來關心妳
問下妳點,因為妳今次病係把聲到,我都唔想妳出咁多聲嚕!
好好地養返好把聲丫!
係妳打比樹佳既時候,就係盈盈好返既時候啦~
B4U S.SKY~*:)
 快D好返!
2005 年 12 月 28 日 星期三
B4U SKY X 又BBQ X 懷念
@今日...又BBQ- -...
好彩琴晚請左假...如果唔係,真係會頂唔緊...
琴晚都成4點先訓得著,好在細佬話佢地12點半先集合
冇錯,今日就係同細佬班同學仔BBQ啦!
11點幾已經比細佬係咁爆我,起身啦阿哥@O@...起身啦阿哥...
其實我真係好忍眼訓架,右腳又痛返啦...死仔!
死典爛典終於都起左身,但係到最後我要等返我細佬出門口(無言)...
大家成班相約係粉嶺火車站等,以為我地兩個係最遲...點知係最早(再無言)- -...
到左終於都等齊人之後,去左街市買野食...買完之後,點知...
落雨...唔係掛...咁GAM...@﹏@!?
跟住就出發去大埔,去到火車站,再JOIN多一個朋友仔,我同細佬再買少少野
係呢一次買野我先醒起我係粉嶺係冇買炭精- -...之後即刻買返~
之後我地準備好哂!
再搭車去大尾篤~好野!出發~
成班都係小巴有講有笑,細佬班同學仔個個都NICE,有D仲自我介紹TIM
當中肥鵬(阿J哥)真係笑到我甩肺一V一",我地成班仲有幸遇到小巴拓海呢!呵呵~
大家一心諗住去到應該會停雨...點知唔單止冇停到雨,而且仲好凍TIM...攪到成班都嘖哂氣- -...
今日我只係著左兩件衫咋...領哂野!
之後我地揀左個爐,好在個環境都冇想像中咁惡劣,都還可以既...
我睇睇個爐仲有少少火,我見個勢咁好,即刻拉大隊起爐啦梗係!
之後D雨又愈啦落愈大咁,我就去左租傘啦,燒燒下,都係唔係好夠...人多,租多把!
男仔濕唔緊要啦,(係咪先!?)女仔濕左就麻煩D,出來玩又攪到病埋就唔好啦...係咪!
不過,佢地成班男仔都好有風度!真係唔錯~哈哈
玩耐左,開始都記得哂佢地既名啦,輝輝,傻龍,肥豪,肥鵬,芷欣,阿魚,阿詩,牛柳,貓貓,阿寧...等等啦
當中係今日最勁,同埋搶鏡既梗係"校服革命"果兩位人兄啦!正呀~
初初都好驚同佢地好有隔膜...玩唔埋,其實擔心都係多餘,不如玩盡D仲好啦...
大家熟左之後,佢地都叫我哥哥,佳哥哥咁,真係好開心架!因為佢地接受左我呢一個人呢
呢一日真係好開心!哈哈~
玩到5點幾到,大家都食飽,已雨都停左,可能唔想掃我地興啦!呵呵~大家就影下相...好開心!
可以同妳地成班一齊合照,其實真係好榮幸,因為真係冇諗過...
但係,係今日,我發覺自己係接受唔到閃光燈,唔知係太"支力"定係對眼有問題...係真係影唔到相
出來個效果係我成日合埋左對眼,呢一下我真係好唔開心...我諗要去睇下先得,
希望真係"支力"既問題啦...
夜少少成班玩KING,我就比阿寧拉左去傾計啦...
傾完計返過去同佢地成班玩,阿魚都冇走到同我地一齊癲,真比面啦!我玩左4舖,點知都中左三舖...
唱歌,KISS,咩都有,呢D體驗,如果唔係今日出左來玩,以後一定冇機會試...
(有時係咁諗,你地成班係唔係癲架- -!??)哈哈!
到左8點幾,又落返雨,可能個天想D小朋友快D返屋企啦!就考試好溫書啦一V一"嘻!
十幾人又浩浩蕩蕩咁殺上小巴返大埔
搭火車返上水繼續玩!真係又痴又喪啦,成班...
我地去左北區公園繼續,而班友仔就愈玩就愈激~咩激鬥戰車丫,爆旋陀螺丫...真係係得佢地先可以諗到...
中間有段小插曲,我同兩個女仔行去洗手間,之後佢地去完同我講個自動水侯係到自己出水...
就話好似有人用緊咁喎...之後我就話,係有人用緊個水侯先會感應到出水架...
跟住兩個嚇到走都走唔切一V一....呵~呵~呵!!!
大家再玩到差唔多12點...大家都好"支力",要"回家"啦!
我返到去,同盈盈傾左一陣SMS就訓覺啦...把聲又沙哂啦盈盈,咁樹佳點約盈盈去街呢!?
一個鐘,訓唔訓好呢- -??
PS:今日真係好高興識到你地~
快D好返!知冇~精靈D! B4U S.SKY~*:)
2005 年 12 月 27 日 星期二
B4U SKY X 哈利 X 波特
@LIFE:揼完骨,之後訓一大覺,開工都特別醒神~
玩完又要比心機做野啦!樹佳~
慢慢來,慢慢來,新人係要慢慢教,仲要有耐性...
放左工,由於今日都係假期,爸爸又唔駛開第二份
我同爸爸拉埋大新一齊上街市食早餐
又係一個好開心既早餐,排骨飯萬歲~呵呵!
返到屋企,今日又係亞洲遊戲展既最後一日,我自己又一直想出去睇睇
睇下係唔係好似輝哥咁講,咩都冇得睇...
之後知到婉儀姐,同埋阿邦都會係今日出去
咁我就JOIN埋佢地一齊出去啦~
三個人JOIN埋左之後,去到會展,我就發覺好似冇咩人買野咁既...
又貴,D GAME好多都係街都有得賣...
以為一心可以睇睇PS3既畫面,點知只係SHOW左幾部唔同顏色既PS3...
唉!不過
最好笑都係D FANS囉,話說我係會展就見到吳日言...之後有一個人...就係咁大叫
日!言!~~~~~~~~~~~~~~~~~...之後儲氣....呀~~~
日!言!~~~~~~~~~~~~~~~~~...真係心血小D都比佢嚇死- -...
再加埋HARRY POKKA個樣...我真係O哂嘴...
行左都唔知有冇半個鐘,三個人再JOIN埋就返去尖咀果邊食飯~
之後阿蕾打左來問我係唔係睇哈利波特4,之後我梗係話好啦
年年都一齊睇架麻!
跟住我上左詩姐到約埋佢,再同阿邦,婉儀姐係中港食埋飯,再落左新港打左一陣機
之後佢地兩個走左先,我就繼續等詩姐收工啦!
入夜後,阿蕾都出埋來,但係佢真係好擔心HIACE,好想搵佢,我話不如陪妳佢啦?
點知阿蕾打比HIACE冇人接聽...唉!咁阿蕾就一個人出來啦...
之後阿新又搵我...我又順個便搵埋阿新來睇戲啦梗係!呵呵~
到多士打來,我地分頭買飛,幾經辛苦終於都買到!好野~
我地等埋阿蕾出來之後,發覺阿蕾好唔開心,咩事就唔好提啦
所以,我地首要既任務,就係令阿蕾開心返先啦!唷~
跟住我地一行4個人落左表哥食野,真係估唔到...呢一個蛋白飯係咁正架!
以阿蕾就係呢一餐飯開始笑返啦!好野~
女仔呢,係適當既時侯就要就既...唔係要來激既!阿鄭先生- -...
盈盈又打來傾左一陣,原來佢又係睇戲,不過要睇人面色咁囉!又唔開心啦,盈盈!
食到咁尚下,阿新打來,話到左,我地相約去左新港決戰"頭文字D"
嘿!拓海...我等左呢一戰好耐啦...
之後我地兩個一齊對戰,玩秋名真係唔夠佢架86來- -...
癲架,個個灣都5公分...點追你丫,新哥,丫~唔係,係拓海先岩...哈哈!
打完頭文,之後我打下V2加下分,最X衰就係個HI-HAT成日都壞,叫人地點打丫!
媽的...
9點9啦,我同阿新買埋野飲,返上去JOIN埋佢地睇戲嚕!
而套戲呢,成場都好激丫,好多笑位都笑到我地扒街...三巫大賽又超激...
雖然又係成日都冇訓過...好眼訓...但係都可以睇哂成套戲,真係好正丫!
睇完戲,大家各自返屋企啦,我,阿蕾,阿新飛的去火車站...
之後仲要有條友八達通冇錢- -...真係鬼死咁GAM...
跑到三個都氣喘...
返到上水,我同阿蕾再傾計到成3點先走...終於明白到個"問題"一直以來係係邊一度啦
笑返,咪好囉!今日妳嬲到塊面珠都紅哂丫~
好在...今日請左一晚假,返到屋企又可以大長訓,不過...呢一個聖誕節,又點會就咁完丫!
呵~呵~呵!仲有聽日丫~
盈盈,盈盈!好返未丫~??
希望妳快D好返啦!
B4U S.SKY~*:)
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
|
