2005 年 11 月 27 日 星期日 
B4U SKY X 頂住 X 不敵
 @LIFE:以家既天氣我真係有D頂唔緊啦,朝早可以咁凍,晏晝可以咁熱...夜晚又凍返...丫!
我相信,自己應該病左啦...
有人理,有人關心既感覺實在係太好啦:)
多謝妳~
2005 年 11 月 26 日 星期六
B4U SKY X 最後一天 X 認定目標 
@LIFE:人生總有如意同不如意架啦~呵!
工作上,靜靜咁做~唔好出咁多聲,做好自己本份就OK啦,唔好理人地點睇自己,自己做到最好就夠啦...
每晚開工之前都咁諗一諗,工作上遇到不如意既事,個心會好過好多~呵!
今日星期六~又返雅典居啦,但係今日算係我最後既一日...
成日個場都冇咩生意,悶到我暈...係殺左過一段少少既事間,今日係餐廳同左某一兩個係果到都做左幾耐既同事傾計,了解左D咁囉!
時間過得好快咁...好快又到左8點幾...之後成後成哥話比我知,可能呢排都唔會搵我做住...算啦,有錢搵咪搵囉,搵得幾多就幾多...
叫我炒半DAY,不如直頭叫我唔好返啦...
出到去等車等左好耐先有車...想死啦...同盈盈傾左一陣計,之後就返屋企食左少少野,同阿勤傾下計,睇下佢打WOW,因為佢有人陪,伯冇咁悶...其實都冇咩時間可以陪到個細佬...突然覺得呢一個做大既,好似好冇用咁...
之後訓覺啦...訓一陣又搏過!加油~
PS:錢,對於以家我來講,其實真係好緊要...丫,壓力好大丫,屋企又要...細佬又要...
真係要搏多D先得!
因為今日同左一個師父講既野,佢真係好有道理,一野就比佢點醒左,我去左雅典居度做真係冇錯...因為一直以來都冇人同我講過呢一返說話...多謝啦:)
@認定目標...50萬!~
2005 年 11 月 25 日 星期五
B4U SKY X 開心 X 感覺
@LIFE:琴晚傾電話真係傾得好開心~哈哈!
返工都係咁啦,盡量唔好做錯野,小心D唔好打爛野,小心D唔好整親手手腳腳,不過最重要既都係...
唔好病...
好快又放工,以家試緊一個新訓覺既時間,希望到時對返第二份工有幫助~
訓左一陣,詩姐打來搵我問係唔係出街街,我話緊係出啦,同朋友出去既機會唔多,更何況係同詩姐出街~
點知~
自己攪里攪路,要詩姐等左我成半個鐘呢,我見到佢梗係要即刻出招啦...
我:食左野未姐~詩姐
詩:未喎(怒啤中)
我:TEA 囉~
詩:好...
我:唔好同我爭,等我請- -...
詩:(奸笑)唔好既...
食完野之後...
詩:真係飽啦...
我:妳好似仲差我煙錢喎...
詩:.............................................
食完野,我諗住買CD...點知差唔多行哂成個商場先知HMV汁左= =....妖...
之後去左探盈盈,好開心丫,可以見佢一面啦...(真係一面之緣)...跟住係CITY SUPER買左之前諗定想買既野比佢,買埋其他野去左UA出面包包包囉,過程非常之緊張刺激,好開心,又緊張,因為唔知佢鐘唔鐘意...
之後我同詩姐兩個人去左睇戲,詩姐仲請我食野丫~爽爆,月尾都仲大手筆,點係丫...我地睇左"麻婆島"一如所料笑到我同詩姐扒街...頂佢丫,果個爛口蓮真係爛口到丫...
PS:以下既對話內容,可能引起觀眾既情緒不安
聲音經過特別處理....
之後D對白就係咁一個粗口就"DO"......之後成套戲就係咁聽到D "DO" "DO" 聲- -...笑到死...
笑完之後,我地繼續未完既事,之後再行多一陣街,加多一點心意,希望妳鐘意...攪到差唔多成9點...終於都可以送到比盈盈,希望妳會用得著啦...
可以親手比妳就最好啦...(唔該詩姐!)
心意送出,之後返屋企嚕,返到去食左少少野,同阿勤打左兩舖SEED,兩舖都可以入到EXTRA...阿勤既技術已經有我既"想當年"啦= =...
再夜D,同盈盈傾多一陣電話,太攰啦,一陣我就唔傾,訓覺嚕...(不過都唔夠妳今日攰啦...)
PS:我覺得妳今日真係比以前開心左好多啦...今日係識妳咁耐,妳最開心呀...哈哈
笑多D丫...
能夠令妳開心既事...我一定會去做...
雖然我唔你D咩型男靚仔,又唔識點用花言考語去哄人,又冇D咩過人之處...
我亦唔希望,沒有想過...有什麼回報...
因為一直以來,我想去對一個好,咪想去做,和嘗試去做...
妳每一日都係過得開開心心...就好啦~:)
PS2:期待丫~牧場物語BOY & GIRL!
PS3:希望輝哥可以快D好返啦隻腳!
一個開心既笑容,我就心滿意足啦...
@我真係好鐘意呢一首歌既歌詞,我心入面既說話,通通說出來吧!
送比大家既!
一生可求 |
歌手：古巨基 | 作曲：陳志豪
填詞：林夕 | 編曲：Ted Lo |
|
|
若有你 若有我 還有十塊
這樣我 便可以 約你去街
只有十塊 甚麼信物平便買
甜蜜蜜吃些燒賣
沒老友 沒女友 如何愉快
生命要 用把尺 透徹了解
得到 沒有 或者當做還舊債
事業完美得不解
大概天要我兩者挑選
跟你兩個 寧願缺少了人緣
對我 你偏庇護縱寵 事業仍為我捐
＊若要的通通也沒有 然而仍可手挽手
剩下溫柔 問我一生復何求
庸才 仍可得到你問候
無限滋油 慢慢細賞星宿
沒有錢不要走 到了有錢通處走
樂在心頭 問我一生復何求
庸才 難得找到你願受
情在心靈 在身外 任一切 沒有
(庸才 能與你一起墮後
落魄溫柔 那溫柔 將火化 萬有)＊
命數轉了又轉 其實始終不自願
跟你兩個 寧願缺少了人緣
對我 你偏庇護縱寵 事業仍為我捐
REPEAT＊
情在心靈 你生存 任一切 沒有 |
2005 年 11 月 24 日 星期四
B4U SKY X 辛苦 X 渺小
@LIFE:返工如常,做野如常,每日都順順利利做野咪幾好囉!呵~
昌哥頂唔緊,我搵左爸爸去開工,又可以傾下計...丫,我爸爸如果佢放左工唔好成日又出街,又夜返就好啦...
不過佢訓得果兩,三個鐘...夠架咩,點解都可以咁精神開工既!?(迷)...
返到市場,盈盈打來,又可以傾左一陣,點知今次比人吹返收線- -...唔制呀~
不過諗諗下,佢又得5個鐘到訓啦...琴日佢做左成日,有幾攰可想以知...辛苦啦~
其實睇返睇返...自己都好懶下...一日咁多時間訓,相對於好似盈盈咁,得個少少自由時間...放左工訓一陣又要開工,以家都未到聖誕節,都做到咁啦...到時,點做丫!?
辛苦,大把人辛苦過我丫~
唔得...我唔可以比佢辛苦過我...我要繼續搵野做,繼續慳家,繼續一心一意丫!加油~
訓醒左出左尖咀借game比阿新,順便食埋飯,之後等埋佢放工一齊落旺角,因為我想買鞋仔,到左步之後同佢地各自走,之後自己一個人行左旺角一陣,到左最尾都係冇買到鞋,因為...都係慳d好啦~
之後返到屋企,食左少少野,同阿勤個fd傾左一陣msn,跟住出左公園同阿蕾,阿謙傾計,傾到到我走果時家豪先來到,之後同盈盈傾電話~
訓左一陣就開工嚕~!
ps:我嘗試過"成功"...我嘗試過"失敗"...但我"未"嘗試過"放棄"
2005 年 11 月 23 日 星期三
B4U SKY X 送花丫~ X 送花丫~
@LIFE:送花丫~
笑納~
咁多朵,都夠掛!~
幾得意喎O.Ov
加朵大架啦~
咁多花花其實有意思架~呵呵!
好凍呀>﹏<...開工工...就死...咁滯...
放工諗住做好多,去旺角交寬頻機,出尖咀搵詩姐食飯,朝早同阿新打波...去大埔搵工...點知...
阿新訓死...之後冇得打...
之後...我諗住恰兩個鍾11點到出去搵詩姐...點知...
到我訓死..一訓,訓到12點...點出姐...
跟住,又訓,去唔到大埔,咁就做家務啦,幫細佬打機- -...打機都要人幫...不過又幾好玩喎...攪兩攪,做好哂,仲要煮野食比個懶懶細佬食- -.......
丫~唔想係屋企唷!!
成日做家務既媽媽真係辛苦呢,自己做上手就真係幾係野~呵呵!!
早抖啦~~~~~!
期待聽日~
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
|
