2005 年 11 月 7 日 星期一 
B4U SKY X 休息 X 好痛耶! 
@LIFE:個個都唔打日記既>﹏<"
冇野睇唷~
琴晚放工返屋企都係訓得兩三個鐘,之後又返市場喪做...
丫~呢排多左好多喎!...右腳就來斷啦...真係要搵日去睇睇先...有d咩事就大煲啦,冇人理架...
攰到死放工,返去第一時間,訓...
本來想出去搵詩姐食飯既,點幾果時醒左,之後返訓,訓到6點...醒左之後阿基幫我剪頭髮,剪完睇埋果十幾廿集seed...食少少野...
再訓!...返返兩份真係唔易頂...
上丫!
買左本書仔都冇精神去睇..."愛...錯在那裡!?"
 正丫~11月17日ps2
2005 年 11 月 6 日 星期日
B4U SKY X 做 X 拼命做 
@LIFE:又試返開兩份工,訓左果兩個幾鐘就又仆返去菜市場,真係激!
個身雖然係攰,但係...個心唔攰唷,再加上,今朝又多返昌哥來開工,唔駛咁忙啦,呵呵~
做做做,好快就攪掂哂啦,見冇野做,是但搵左個位坐低,恰左一陣,返兩份工,有時間恰下,就要恰...食埋飯,爭取時間返屋企訓,抖得幾多就幾多...不過,極其量都只有一個鐘...好過冇啦!
平時呢一個時候麻格架麻= =...
訓左一陣,就準備返工,喪做11個鐘...無論係巴士,火車,有得訓就訓,所以都好驚訓過龍...
返到雅典居做野,可能唔夠訓啦,朝早做野都傻下傻下咁,有D出錯,又比人罵= =...唉唷!不過唔緊要啦,新來係咁架啦,要一下只做到佢地咁熟,真係唔易,無論自己冇接觸過呢一行都好!
做做下,好快又到左5點3...有個TEA可以抖下...有45分鐘時間可以休息,用最快既時間去食哂個飯,之後就訓...恰左一陣,預左佢個晚市旺,又係做到扒係到,不過好開心囉!個FEEL好似返左以前扒王果時咁...同班"戰友"一齊炒好個場,真係好開心架...呵呵!之後個煩人...阿成哥仔,呢條友做左成8年...= =,佢話,唔係好旺者,我又想問下,旺果時你又去左邊呢,得我地三個新人係到做到PK...你老闆,不過唔緊要!你都係局限係呢一D地方做架啦!嘿~
攪好哂D手尾,出糧收工走人...攰到死!
今日冇傾到電電丫...
聽日放左工,搵多一份返一至五架先...唔係一至五好悶,我唔慣!呵~~~~~~~~~
加油丫~SKY!
2005 年 11 月 5 日 星期六
B4U SKY X 新環境 X 好玩
@LIFE:原來昌哥只係替一日工咁大把,唉唷!又係孤獨一人做野...
成晚一路做就一路諗琴晚同阿蕾傾既問題,就冇咩心情去做野,靜靜地咁去做,去諗...好煩!之後德哥仲以為我唔舒服,有事呢,不過講真...真係有唔開心架,之後上左德哥架車走...
不過,我信我自己...比多D信心自己...
返到屋企,好快就訓著左,因為一陣1點就要去馬鞍山開工~呵呵!
11點半到起身,唔該阿新嗌醒左我,之後準備一切,出發,一路上,就係到諗,呢一份PART TIME可以做到幾耐,但係我相信,自己應該得既!唷~
到左步之後...換左衫,開始工作啦,其實...要做既其實唔係多,好多都係做過哂,只係要融入佢地個工作環境姐,好在,間餐廳唔係大,人唔係多,都係得兩個人= =,好快就混熟左,幾好玩,不過到左TEA SET果時,唔知點解得返我一個,做到我仆X,咁我就用我筆身既功力去撐住個場= =,之後佢地兩個返來果時,問我做咩咁忙既,平時都唔係咁架- -"我話,係嚕!唔知呢...好在,冇收錯錢,冇出錯單,不過最煩都係找錢...行成條走廊先到服務台找錢,仲要唔係成日有人係到= =...癲既...第一日就差唔多做死我啦...
到左5點...丫~佢地炒左楊州炒伕飯比我食丫,好感動耶╤﹏╤"
到6點先出閘,之前訓左一陣,點知仲有飯後果...爽丫...
食飽飽!好~再來...好在冇咩客- -因為我D HP 同 MP 都未回哂...做做下野果時我擺TABLE MAP個方向...之後比個女同事見到,佢笑我耶?你知唔知我幫妳整返正幾多次呢...= =我(無奈中)...
之後佢行行下差D又PK = =,比我笑返佢一野,呵!
今晚雖然攰,但係好好玩!好賺多幾百蚊啦!呵呵~...不過聽日返10半喎- -者係直踩喎...
返屋企途,同盈盈傾計,好攪笑!
輕鬆哂啦~~~~~~~~~~!呵呵~
盈盈冇再嬲啦~
各位早抖= =聽日我要拼啦...直踩17個鐘.........
好玩耶~
搏命期開始啦~
2005 年 11 月 4 日 星期五
B4U SKY X 沖忙 X 最後一day 
@LIFE:今日真係忙忍死= =...
今日朝唔知點解冇啦啦昌哥返左來幫手,太好啦,唔駛拉我到扒街~終於可以輕鬆返一日咁過!
放左工,好攰丫,上完網就去左訓,因為一陣間好多野做= =...
醒左之後,拿拿聲攪野,去東亞攪MPF,去買鞋,去中銀入數比媽媽,咩野都係一日內攪哂...忙到死,仲有既係要陪埋婉儀睇一次戲,因為之前我放左佢幾次飛機= =...今日係我LAST DAY,點都要陪返人一次...
之後兩個人去左旺角,先上左大眾睇書,我睇睇下又買左一本書仔,個名係...
"愛,錯左那裡?"我覺得都幾值得睇,所以就買左...
之後上嘉禾睇NANA,噢!原來又係一套愛情戲,如果琴日同左詩姐睇既話,佢一定嗌悶悶悶= =...
睇完行左一陣,阿新打左來話有"教王"攞,而我咁岩又係旺角,咁就去攞埋啦,因為今晚唔攞,唔知幾時先可以攞嚕!...見到佢,一齊食左少少野,食完佢要返學,我就一個人返上水,因為約左阿蕾傾計,點知我搭車訓覺去左羅湖= =...SHIT!返到上水同阿蕾傾到差唔多12點到就返左屋企啦
聽日返新工,加油啦!
PS:自己的戀愛方式...是天真還是無私呢!?...唉!難道一直以來既想法都係錯既!?
2005 年 11 月 3 日 星期四
B4U SKY X 機會? X 爭取!?
@LIFE:加入左一個音樂播放器,大家想聽咩歌就點啦!
到時可以係上面揀,多謝大家,呵呵!
已有既歌:光良 @童話
古巨基@放下
琴晚玩得好夜,不過今日12點到就起左身,丫,好少可訓咁少就起到身...呵呵!
醒左之後應約琴晚小新叫我去做既野,所以我拿拿聲準備好就出發去馬鞍山啦,出發,係途中我發現去既時間都幾耐下,不過我相信日後應該會應付到既...
去到雅典居,註守係門口既係一個阿差,起初我都係到諗可能有d難度,之後行到埋去,個阿差問我can you speak english o.o??...我就@o@??...ok!之後用英文大家對答左一陣,跟住順利一左去,搵到小新個女朋友,呵呵!ca姐唷...我就係到諗以為面面試,點知見都唔駛見,一去到間餐廳就教我個運作係點!?我見係咁,姐係罷明請我啦,咁我就唔客氣咁...係咁問野,d咩放係邊丫,出餐點係邊丫,點寫單落單丫,因為間間都唔同,問左一大輪,星期六開始返工啦!呵呵...雖然以家開以係返part time但係如果返到full time可以好正,我兩夾埋可以搵成為15xxx呢一個數,我係扣哂車錢同mpf,癲架- -...做到就真係爽!呵~
見完之後,去左沙田應約同詩姐睇戲,開頭詩姐都諗住同我睇nana架!點知又超多人睇= =傻的...
未夠鐘睇戲我地上左連城來一個tea先,傾左好多野!好攪笑= =...又係傻的...
我地今日睇左"怪誕屍新娘"個名真係夠哂恐怖= =...不過都幾攪笑,我相信廣東話版更好笑唷!睇完戲,行左一陣返上水嚕...跟住先好笑,有段少少既插曲,想知咪問詩姐囉...呵呵!
返左屋企,食左少少野!覺豬~又一day
ps:妳日日都有得玩就好啦!睇住條腰丫~呵
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
